بالی ووڈ سپر اسٹار ہریتک روشن کے باپ نے بیٹے کی فلم ’کرش 4‘ کی ہدایت کاری سے انکار کیوں کیا؟
اشاعت کی تاریخ: 17th, March 2025 GMT
بالی ووڈ کے سابق اداکار اور ہدایتکار و پروڈیوسر راکیش روشن نے انکشاف کیا ہے کہ انہوں نے ’کرش 4‘ کی ہدایت کاری نہ کرنے کا فیصلہ کیا ہے، جس میں ان کے بیٹے اور بالی وڈ سپر اسٹار ہریتک روشن مرکزی کردار ادا کریں گے۔
ایک انٹرویو میں راکیش روشن نے کہا کہ اب وقت آ گیا ہے کہ وہ یہ ذمہ داری کسی اور کو سونپ دیں۔ انہوں نے ایک انٹرویو میں بات کرتے ہوئے کہا کہ ’یہ بہتر ہے کہ میں یہ کام اس وقت کروں جب میں مکمل طور پر ہوش و حواس میں ہوں تاکہ میں پورے عمل کو نظر میں رکھ سکوں اور یہ دیکھ سکوں کہ آیا صحیح طریقے سے کام ہو رہا ہے یا نہیں‘۔
یہ بھی پڑھیں: سلمان، شاہ رخ اور عامر خان کا جاں نشین کون ہوگا؟ امیشا پٹیل نے سب بتادیا
انہوں نے کہا کہ ’کل کو اگر میں اپنے حواس میں نہ ہوں اور مجھے یہ کام سونپنا پڑے تو مجھے نہیں پتا ہوگا کہ وہ کیا بنا رہے ہیں‘۔ انہوں نے مزید کہا کہ ان کی ہدایت کاری میں اس بات کی کوئی گارنٹی نہیں کہ فلم سپر ہٹ ہو۔
مختلف بھارتی میڈیا رپورٹس میں یہ بھی کہا گیا کہ ہدایت کار سدھارتھ آنند کی پروڈکشن کمپنی مارفلیکس نے اس پراجیکٹ سے دستبردار ہونے کا فیصلہ کیا ہے۔ اس کی وجہ فلم کا بجٹ ہے جو 700 کروڑ روپے کے قریب بتایا جا رہا ہے اس وجہ سے اسٹوڈیوز فلم کو پروڈیوس کرنے میں ہچکچاہٹ محسوس کر رہے ہیں۔ کیونکہ کرش 3 کی ریلیز کو ایک دہائی سے زیادہ کا عرصہ گزر چکا ہے۔
یہ بھی پڑھیں: ہانیہ عامر کی بالی ووڈ میں دبنگ انٹری کا دیپیکا پڈوکون سے کیا تعلق ہے؟
ذرائع کے مطابق ہریتک اور راکیش روشن نے ایک ملاقات کی جس میں انہوں نے فیصلہ کیا ہے کہ وہ بھارت بھر میں اسٹوڈیوز سے ذاتی طور پر بات کریں گے اور اس فلم کے لیے ایک منافع بخش معاہدہ کریں گے۔
یاد رہے کہ ’کرش 4‘ فرنچائز کی چوتھی فلم ہوگی، پہلی فلم ’کوئی مل گیا‘ 2003 میں ریلیز ہوئی۔ ’کرش‘ 2006 میں ریلیز ہوئی اور اس کا شمار کامیاب ترین فلموں میں ہوتا ہے جبکہ ’کرش 3‘ نے 2013 میں ریلیز ہوکر ایک بار پھر سب کی توجہ اپنی جانب مبذول کرا لی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ کرش 4 ہریتک روشن.ذریعہ: WE News
کلیدی لفظ: بالی ووڈ ہریتک روشن بالی ووڈ انہوں نے کیا ہے کہا کہ
پڑھیں:
فواد خان نے فلم عبیر گلال میں کام کرنے کی وجہ بتا دی
پاکستانی سپر اسٹار فواد خان جو اپنی بالی ووڈ فلم ’عبیر گلال‘ کی پروموشن میں موجود ہیں ان کا کہنا ہے کہ بالی ووڈ کے لوگ با صلاحیت اور اچھے لوگ ہیں۔
فواد خان نے حال ہی میں دبئی میں ایک مختصر انٹرویو دیا جس میں انہوں نے اپنے بالی ووڈ کو-سٹارز کے بارے میں بات کی۔ بالی ووڈ سپر اسٹارز کے ساتھ کام کرنے کے تجربے پر بات کرتے ہوئے اداکار کا کہنا تھا کہ ان کے ساتھ کام کا تجربہ بہت اچھا رہا۔
میزبان نے سوال کیا کہ بالی ووڈ کی اداکاروں کے ساتھ کام کرنے کا تجربہ کیسا رہا جس پر فواد خان کا کہنا تھا کہ سونم کپور بے باک ہیں، جو کہ ان کی بہت اچھی بات ہے جو دل میں ہوتا ہے وہی کہتی ہیں۔ وہ دل کی بہت اچھی انسان ہیں۔ عالیہ بھٹ بہت چست ہیں اور ان کے ساتھ کام کرنا ایک زبردست تجربہ ہے آپ کو ان کے ساتھ کام کرتے وقت چوکس رہنا پڑتا ہے۔ انوشکا ایک پُرجوش شخصیت رکھتی ہیں۔ وانی کپور بھی بہت باصلاحیت اداکارہ ہیں۔
بالی ووڈ اداکاروں کے بارے میں فواد خان کا کہنا تھا کہ یہ سب لوگ باصلاحیت اور دل سے اچھے انسان ہیں۔ اور ان لوگوں کے ساتھ کام کرنے کا مزہ آتا ہے جو دل کے اچھے ہوتے ہیں۔
فلم عبیر گلال میں کام کرنے کا انتخاب کیوں کیا اس حوالے سے بات کرتے ہوئے ان کا کہنا تھا کہ میں نے ابھی جتنا بھی کام کیا ہے وہ بہت سنجیدہ اور ڈرامیٹک کام تھا جیسے مولا جٹ تھی۔ اس لیے عبیر گلال کا انتخاب کیا کیونکہ وہ مختلف فلم تھی۔
یہ بھی پڑھیں: بھارتی اداکارہ وانی کپور نے فواد خان کے بارے میں ایسا کیا کہا کہ میزبان حیران رہ گئیں؟
واضح رہے کہ فواد خان ایک باصلاحیت پاکستانی سیلبریٹی ہیں جو اپنی شاندار اداکاری اور گائیکی کی صلاحیتوں کے لیے جانے جاتے ہیں۔ ان کے مشہور ڈراموں میں ہم سفر، زندگی گلزار ہے، عشق، کچھ پیار کا پاگل پن بھی تھا، اکبری اصغری اور داستان شامل ہیں۔ اداکار ان دنوں اپنی آنے والی بھارتی فلم عبیر گلال کی وجہ سے خبروں کی زینت بنے ہوئے ہیں۔ اس فلم میں ان کے ساتھ باصلاحیت بالی ووڈ اداکارہ وانی کپور مرکزی کردار میں نظر آئیں گی۔
فواد خان نے خوبصورت، کپور اینڈ سنز اور اے دل ہے مشکل جیسی بھارتی فلموں میں سونم کپور، عالیہ بھٹ اور انوشکا شرما جیسے اداکاروں کے ساتھ کام کیا ہے۔ عبیر گلال ان کی بالی ووڈ میں واپسی کی فلم ہے، جس میں ان کے ہمراہ وانی کپور جلوہ گر ہوں گی۔
یہ بھی پڑھیں: فواد خان بالی ووڈ میں واپسی پر کتنا معاوضہ لے رہے ہیں؟
واضح رہے کہ فلم ’عبیر گلال‘ کی کہانی 2 ایسے کرداروں کے گرد گھومتی ہے جو زندگی میں کئی جذباتی مشکلات سے گزر چکے ہیں اور اچانک ایک دوسرے سے مل کر غیر متوقع طور پر ایک دوسرے کے زخموں کو بھرنے لگتے ہیں جس کا نتیجہ محبت میں نکلتا ہے۔ فلم میں ردھی ڈوگرا، فواد خان اور وانی کپور ہیں۔ یہ فلم رواں برس 9 مئی کو ریلیز ہو گی۔
نامور پاکستانی اداکار فواد خان 9 سال کے وقفے کے بعد بالی ووڈ واپسی کررہے ہیں۔ فواد خان آخری بار بالی ووڈ میں 2016 کی کامیاب فلم کپور اینڈ سنز میں نظر آئے تھے، اس کے بعد دونوں ممالک کے درمیان بڑھتی ہوئی سیاسی کشیدگی کے درمیان وہ بالی ووڈ انڈسٹری سے غائب رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انوشکا شرما سونم کپور عالیہ بھٹ عبیر گلال فواد خان وانی کپور
آرمی ایکٹ میں اگر سویلینز کو لانا ہوتا تو اس میں الگ سے لکھا جاتا: آئینی بنچ