کراچی، رہائشی اپارٹمنٹ کی 8 ویں منزل سے نوجوان لڑکی گر کر جاں بحق
اشاعت کی تاریخ: 18th, March 2025 GMT
کراچی:
شہر قائد کے علاقے نارتھ ناظم آباد بلاک ایچ میں رہائشی اپارٹمنٹ کی آٹھوین منزل کے فلیٹ کے کھڑکی سے نوجوان لڑکی گر کر جاں بحق ہوگئی۔
تفصیلات کے مطابق حیدری تھانے کی حدود نارتھ ناظم آباد بلاک ایچ عیسیٰ لیبارٹری کے قریب اسکائی بلو اپارٹمنٹ کے فلیٹ نمبر 804 کی کھڑی سے پراسرار طور پر گر کر ایک لڑکی جاں بحق ہوگئی۔
متوفیہ کی لاش چھیپا ایمبولینس کے ذریعے عباسی شہید اسپتال منتقل کی گئی، پولیس کے مطابق جاں بحق ہونے لڑکی کی شناخت 16 سالہ عنادیہ دختر محمد اقبال کے نام سے کی گئی۔
متوفیہ کے والد پرائیوٹ ملازمت کرتے ہیں، محمد اقبال کی چار بیٹیاں اور ایک بیٹآ ہے ، پہلے دو بیٹیاں جڑواں ہوئیں جبکہ اس کے بعد دوبارہ دو بیٹیاں جڑواں ہوئیں تھیں۔
جاں بحق ہونے والی عنادیہ ذہنی مریض تھی جس کا نجی اسپتال میں علاج چل رہا تھا، جبکہ ان دنوں اس کا مذہب کی طرف رجحان زیادہ ہوگیا تھا۔
واقعے کے وقت والد ، والدہ اور دو بہنیں شاپنگ کے لیے گئے ہوئے تھے جبکہ عنادیہ کے ہم عمر بہن مریم گھر پر موجود تھی۔
پولیس کو ابتدائی طور پر ملنے والی معلومات کے مطابق عنادیہ نے کھڑی پر کھڑے ہو کر آٹھویں منزل سے نیچے گلی میں چھلانگ لگا لی، پولیس کا کہنا ہے کہ مریم اپنی جڑواں بہن کی ہلاکت کی وجہ سے غم سے نڈھال تھی جس کی وجہ سے اس کا بیان نہیں لیا جا سکا جبکہ والدہ اور والد کی حالت بھی غیر تھی تدفین کے بعد بیاں قلمبند کیا جائے گا۔
پولیس کو کچھ شبہات ہیں جو بیانات کے بعد واضح ہونگے ، پولیس کا کہنا ہے کہ لڑکی نے جس کھڑکی سے چھلانگ لگائی اس کی لمبائی اور چوڑائی دیکھی گئی جس سے اندٓازہ ہوتا ہے کہ لڑکی نے بڑی مشکل سے اپنے آپ کو کھڑی سے باہر نکالا ہوگا۔
دوسری جانب لڑکی کی لاش جس جگہ سے ملی وہ کھڑکی سے کافی دور تھی ، لڑکی کو کھڑکی کی عین نیچے ہونا چاہیے تھا یہ تمام چیزیں تمام گھر والون کے بیانات لینے کے بعد واضح ہونے، گھر کے سربراہ کا کہنا ہے کہ تدفین کے بعد بیان قلمبند کرائیں گے، پولیس نے ضابطے کی کارروائی کے بعد لاش ورثا کے حوالے کر دی ۔
.ذریعہ: Express News
کلیدی لفظ: کے بعد
پڑھیں:
کراچی میں آئندہ چند روز موسم کیسا رہے گا؟
کراچی:شہر قائد کے موسم سے متعلق محکمہ موسمیات نے آئندہ چند روز کے لیے پیش گوئی کر دی۔
محکمہ موسمیات کی ارلی وارننگ سینٹر پیش گوئی کے مطابق سمندر کے نچلی سطح کے بادلوں کے سبب آج مطلع جزوی طور پر ابرآلود رہ سکتا ہے۔
آئندہ چندروز کے دوران شہر میں صبح یا رات کے اوقات میں ہلکی بارش، پھوار اور بوندا باندی ہونے کی توقع ہے۔
آج شہر کا کم سے کم درجہ حرارت 26 ڈگری سینٹی گریڈ ریکارڈ ہوا جبکہ صبح کے وقت ہوا میں نمی کا تناسب 92 فیصد رہا۔
واضح رہے کہ جمعہ 12 ستمبر کو شہر میں بارشوں کا سلسلہ تھمنے کے بعد درجہ حرارت بڑھنے لگا تھا جبکہ اگلے دو روز دن بھر تیز دھوپ رہی۔
پیر 15 ستمبر کو صبح شہر کا موسم یکسر تبدیل ہوگیا، مطلع دن بھر ابر آلود رہا اور بعض علاقوں ہلکی بارش اور پھوار بھی ہوئی۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام