’امریکی اب زیادہ خوش نہیں رہے‘، 2025 کے خوش ترین ممالک کی نئی فہرست جاری
اشاعت کی تاریخ: 20th, March 2025 GMT
2025 کی ورلڈ ہیپی نیس رپورٹ میں فن لینڈ نے مسلسل 8ویں سال دنیا کے خوش ترین ملک کے طور پر اپنا پہلا مقام برقرار رکھا ہے، تاہم امریکا مزید تنزلی کا شکار ہوکر 24 ویں نمبر پر آ گیا ہے، جو اس کی اب تک کی سب سے کم درجہ بندی ہے۔
خوشی کے عالمی تناظر میں امریکا کی اس حالیہ تنزلی کا بظاہر سبب امریکا میں بڑھتی ہوئی سماجی تنہائی، سیاسی طور پر شدید منتقسم معاشرہ اور مجموعی طور پر فلاح و بہبود میں کمی ہیں۔
یہ بھی پڑھیں: سب سے زیادہ خوش ممالک کی فہرست جاری، پاکستان نے اس سال بھی بھارت کو پچھاڑ دیا
ورلڈ ہیپی نیس انڈیکس میں پاکستان 109 ویں نمبر پر ہے، پڑوسی بھارت 118 ویں نمبر پر ہے، دونوں ممالک مختلف سماجی، اقتصادی، اور ثقافتی عوامل کے ساتھ اپنی اپنی درجہ بندی کو متاثر کرتے ہوئے فلاح کی مختلف سطحوں کو ظاہر کرتے ہیں۔
اس سال کی رپورٹ، گیلپ اور اقوام متحدہ کے پائیدار ترقی کے حل کے نیٹ ورک کے تعاون سے اوکسفرڈ یونیورسٹی کے ویل بیئنگ ریسرچ سینٹر کی جانب سے شائع کی گئی ہے، جو صحت، دولت، سماجی مدد، سخاوت اور بدعنوانی سے آزادی جیسے عوامل کی بنیاد پر ممالک کا جائزہ لیتی ہے۔
مزید پڑھیں: دنیا کی سب سے زیادہ خوش رہنے والی اقوام میں پاکستان کا 103 نمبر
2025 میں سرفہرست 10 خوش ترین ممالک میں فن لینڈ سرفہرست ہے جس کے بعد بالترتیب ڈنمارک، آئس لینڈ، سویڈن، نیدرلینڈز، کوسٹا ریکا، ناروے، اسرائیل، لکسمبرگ اور میکسیکو کا نمبر ہے۔
مسلسل 8ویں سال، فن لینڈ درجہ بندی میں سرفہرست ہے، اس کے نورڈک ہمسایہ ممالک، ڈنمارک، آئس لینڈ اور سویڈن، بالترتیب دوسرے، تیسرے اور چوتھے نمبر پر ہیں۔
مزید پڑھیں:
تاہم، امریکا نے اپنی درجہ بندی میں ایک پریشان کن تنزلی دیکھی ہے، جو مزید نیچے 24 ویں نمبر پر آگیا ہے، جو نہ صرف گزشتہ سال کے مقابلے میں ایک درجہ مزید نیچے جانے کا اشارہ ہے، بلکہ 2012 میں 11ویں مقام سے تنزلی کا مسلسل سفر بھی ہے۔
رپورٹ میں امریکا میں بڑھتی ہوئی سماجی تنہائی پر روشنی ڈالی گئی ہے، جس کے مطابق امریکیوں کی بڑھتی ہوئی تعداد اکیلے کھانا کھانے کا انتخاب کر رہی ہے، 2023 میں، تقریباً 4 میں سے ایک امریکی نے گزشتہ روز اپنا سارا کھانا اکیلے کھانے کا بتایا، جو کہ 2003 کے مقابلے میں 53 فیصد زیادہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئس لینڈ اقوام متحدہ امریکا انڈیا پائیدار ترقی پاکستان درجہ بندی ڈنمارک سویڈن فن لینڈ ورلڈ ہیپی نیس رپورٹ ویل بیئنگ ریسرچ سینٹر.ذریعہ: WE News
کلیدی لفظ: آئس لینڈ اقوام متحدہ امریکا انڈیا پائیدار ترقی پاکستان سویڈن فن لینڈ ویل بیئنگ ریسرچ سینٹر ویں نمبر پر فن لینڈ
پڑھیں:
ایشیا کپ: اوپننگ بیٹر صائم ایوب کا انوکھا کارنامہ
ایشیا کپ میں قومی ٹیم کے اوپننگ بلے باز صائم ایوب نے انوکھا کارنامہ انجام دے ڈالا۔صائم ایوب نے ایشیا کپ کے تینوں گروپ میچز میں عمان، بھارت اور یو اے ای کے خلاف صفر پر آؤٹ ہونے کی ہیٹ ٹرک کرلی۔وہ ٹی ٹوئنٹی انٹرنیشنل کیریئر میں مجموعی طور پر آٹھویں مرتبہ صفر پر آؤٹ ہوئے جو کہ شاہد آفریدی کے ریکارڈ کے برابر ہے۔ناقص بیٹنگ فارم کی وجہ سے صائم ایوب کو شائقین کی جانب سے سوشل میڈیا پر کافی تنقید کا نشانہ بنایا جارہا ہے۔تاہم دوسری جانب وہ ایونٹ میں سب سے زیادہ وکٹیں حاصل کرنے والوں میں تیسرے نمبر پر ہیں۔یو اے ای کے جنید صدیقی نو وکٹوں کے ساتھ، بھارت کے کلدیپ یادیو سات وکٹوں کے ساتھ دوسرے نمبر پر ہیں جبکہ صائم ایوب نے چھ وکٹیں حاصل کر رکھی ہیں۔واضح رہے کہ ٹی ٹوئنٹی انٹرنیشنل میں سب سے زیادہ مسلسل صفر پر آؤٹ ہونے کا بدترین ریکارڈ پاکستان کے عبداللہ شفیق کے پاس ہے جو لگاتار چار اننگز میں صفر پر آؤٹ ہوئے تھے۔
غزہ: اسرائیلی بمباری سے گزشتہ 24 گھنٹوں کے دوران 67 فلسطینی شہید