کراچی: نیوکراچی میں فائرنگ کے واقعے میں ایک جاں بحق، دو زخمی
اشاعت کی تاریخ: 21st, March 2025 GMT
نیو کراچی چھالیہ مارکیٹ کے قریب نامعلوم ملزمان اور موقع پر موجود افراد کے درمیان فائرنگ کے تبادلے میں ایک شخص جاں بحق جبکہ دو افراد زخمی ہوگئے۔
مقتول سماجی کارکن اور فروٹ کا کام کرتا تھا جو کہ روز کی بنیاد پر شہریوں کے لیے افطاری کا اہتمام کرتا تھا۔ مقتول کے بیٹے اور رشتے داروں نے واقعہ پر شدید غم و غصے کا اظہار کرتے ہوئے حکام سے مطالبہ کیا ہے کہ ملزمان کا سراغ لگا کر انھیں کیفر کردار تک پہنچایا جائے جبکہ واقعہ کے بعد علاقہ مکینوں میں شدید اشتعال پھیل گیا اور انہوں نے علاقے میں بھتہ طلب کرنے کے بڑھتے ہوئے واقعات اور دیگر جرائم کی وارداتوں پر پولیس کو تنقید کا نشانہ بنایا۔
تفصیلات کے مطابق نیو کراچی کے علاقے 5 نمبر چھالیہ مارکیٹ کے قریب فائرنگ کے واقعہ میں ایک شخص جاں بحق جبکہ دو افراد زخمی ہوگئے۔
مقتول کی لاش ضابطے کی کارروائی کے لیے عباسی شہید اسپتال لیجائی گئی جہاں اس کی شناخت 45 سالہ عبدالجار کے نام سے کی گئی جبکہ زخمی ہونے وال بابو الدین اور احتشام کو طبی امداد فراہم کی جا رہی ہے۔
عباسی شہید اسپتال میں مقتول کے بیٹے ، نواسے اور بھانجھے سمیت دیگر افراد نے میڈیا سے بات چیت کرتے ہوئے بتایا کہ مقتول عبدالجبار فروٹ کا کاروبار اور سماجی کارکن تھے جو روز کی بنیاد پر نیو کراچی 5 نمبر پر شہریوں کے لیے افطاری کا اہتمام کرتے تھے۔ غریبوں کی مدد میں بڑھ چڑھ کر حصہ لیتے تھے ، مقتول 6 بچوں کا باپ تھا جبکہ واقعے سے متعلق کچھ معلوم نہیں ہمیں تو فون پر اطلاع ملی تھی کہ عبدالجبار کو گولی لگی ہے اور وہ عباسی شہید اسپتال پہنچے تو وہ جاں بحق ہو چکے تھے۔
اس حوالے سے ایس ایچ او نیو کراچی فیض الحسن نے بتایا کہ ابتدائی تحقیقات میں پتہ چلا ہے کہ موٹر سائیکل سوار ملزمان کی جانب سے افطار سے کچھ دیر پہلے فائرنگ کی گئی تھی اور اس کے جواب میں وہاں موجود کچھ افراد کی جانب سے بھی فائرنگ کی گئی جس کے نتیجے میں عبدالجبار گولی لگنے جاں بحق جبکہ دو افراد زخمی ہوگئے۔
تاہم، پولیس کلوز سرکٹ کیمروں کی فوٹیجز حاصل کر رہی ہے علاقے سے ملنے والی اطلاعات کے مطابق نیو کراچی میں چھالیہ مارکیٹ میں لیاری گینگ وار کے نام پر دکانداروں کو بھتے کی کال کر کے پرچیاں بھیجی جا رہی ہیں اور چند روز قبل بھی نیو کراچی میں بھتہ خوروں کی فائرنگ سے ایک راہگیر بچہ فائرنگ کی زد میں آکر زخمی ہوچکا ہے۔اس کے علاوہ بھتہ خوری کے حوالے سے پولیس نے متعدد مقدمات بھی درج کیے ہیں جس کی تفتیش کا عمل جاری ہے۔
ڈسٹرکٹ سینٹرل کے نیو کراچی ڈویژن میں بھتہ طلب کرنے کے بڑھتے ہوئے واقعات اور کسی بھی بھتہ خور کی تاحال عدم گرفتاری پر کاروبار افراد میں اشتعال پایا جاتا ہے اور وہ اپنی حفاظت کا خود ہی بندوبست بھی کر رہے ہیں ۔
.
ذریعہ
ذریعہ: Express News
کلیدی لفظ: نیو کراچی
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ