شلپا شیٹی چہرے پر سوئیاں لگوا کر کونسا ٹریٹمنٹ کرواتی ہیں؟ تصویر وائرل
اشاعت کی تاریخ: 22nd, March 2025 GMT
کیا بالی ووڈ اداکارہ شلپا شیٹھی چمکتی ہوئی جلد اور خوبصورتی کیلئے چہرے پر سوئیاں لگوا کر ٹریٹمنٹ کرواتی ہیں؟َ جانیں وائرل تصویر کی پیچھے حقیقت کیا ہے۔
حال ہی میں شلپا شیٹی نے سوشل میڈیا پر اپنی ایک تصویر شیئر کی۔ جس کو لوگ ان کی چمکتی ہوئی جلد کا راز سمجھ رہے ہیں جبکہ اس تصویر نے اداکارہ کے مداحوں کو بھی خوفزدہ کردیا ہے کیونکہ اس تصویر میں شلپا کے ماتھے، گالوں اور یہاں تک کہ گردن پر سوئیاں لگی دکھائی دے رہی ہیں جو دیکھنے میں خوفناک لگ رہی ہیں۔
A post common by Filmymantra Media (@filmymantramedia)
اس تصویر میں اداکارہ کو بیڈ پر لیٹا ہوا دیکھا جا سکتا ہے اور ان کے چہرے پر بہت سی سوئیاں گُھسی ہوئی نظر آرہی ہیں۔ اس تصویر کو شیئر کرتے ہوئے اداکارہ نے لکھا، ’میں سائنوس کی وجہ سے ایکیوپنکچر کا علاج کروا رہی ہوں۔‘
شلپا شیٹھی کی اس تصویر کو دیکھ کر مداح یہ قیاس آرائیاں کر رہے تھے کہ اداکارہ بیوٹی ٹریٹمنٹ لے رہی ہیں۔ لیکن ہم آپ کو بتاتے چلیں کہ یہ اداکارہ کی خوبصورتی کا راز نہیں ہے، بلکہ وہ سائنوس کے علاج کے لیے قدرتی علاج کر رہی ہیں۔
دراصل یہ سائنوس سمیت دیگر اہم طبی مسائل کیلیے ایک قدیم چینی طریقہ علاج ہے جس میں چہرے گردن اور سر پر مختلف پوائنٹس پر پتلی پتلی سوئیاں لگائی جاتی ہیں۔
ورک فرنٹ کی بات کریں تو شلپا شیٹی آخری بار فلم ’نکما‘ میں نظر آئی تھیں جو شائقین کو زیادہ متاثر نہ کر سکی۔ تاہم اب جلد ہی اداکارہ کئی بڑے پراجیکٹس میں نظر آنے والی ہیں۔
TagsShowbiz News Urdu.
ذریعہ: Al Qamar Online
پڑھیں:
اداکارہ منسا ملک مجھے جان سے مارنے کی دھمکیاں دے رہی ہیں، علیزے شاہ کا الزام
شوبز انڈسٹری کی معروف اداکارہ علیزے شاہ نے دعویٰ کیا ہے کہ منسا ملک انہیں جان سے مارنے کی دھمکیاں دے رہی ہیں۔
حالیہ دنوں اپنے بیانات کی وجہ سے خبروں میں ہیں۔ کبھی وہ پروڈکشن ہاؤسز کو آڑے ہاتھوں لیتی ہیں تو کبھی ساتھی اداکاروں پر تنقید کرتی نظر آتی ہیں۔ انہوں نے فوٹو اینڈ ویڈیو شیئرنگ ایپ انسٹاگرام پر ایک اسٹوری لگائی جس میں ان کا کہنا تھا کہ وہ مجھے انجان نمبروں سے کال کر رہی ہے اور جان سے مارنے کی دھمکیاں دے رہی ہے، اگر مجھے کچھ ہوا تو جان لو یہ اسی کا کام ہوگا۔
علیزے شاہ نے مزید لکھا کہ 3 سال پہلے بھی اسی عورت نے مجھے بدنام کرنے کی کوشش کی تھی، میں نے آج تک جو کمایا وہ عزت اور حلال طریقے سے کمایا، مگر جو حرام کھاتے ہیں، انہیں نہ خدا کا خوف ہوتا ہے نہ انجام کا۔
علیزے شاہ نے انجان نمبرز سے موصول ہونے والے میسجز کے اسکرین شارٹ بھی شیئر کیے اور دعویٰ کیا کہ، منسا ملک نے دبئی میں موجود ایک شخص کو ان کا نمبر دیا جس نے رابطہ کر کے ناقابلِ قبول پیشکش کی۔
علیزے شاہ نے اس سے قبل بھی کہا تھا کہ منسا ملک نے پہلے بھی میرے خلاف کیس کیا اور بعد میں سفارشیں کروائیں کہ میں خاموش ہو جاؤں۔ انہوں نے کہا کہ اگر کوئی مجھ پر ہاتھ اٹھائے گا تو میں چپل ماروں گی، میں گاندھی نہیں کہ دوسرا گال آگے کر دوں۔ بدمعاشوں سے لڑو اور جواب دو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
علیزے شاہ علیزے شاہ بیان گاندھی منسا ملک
سعودی بحریہ کے سربراہ کا دورۂ پاکستان، پاک بحریہ کے ساتھ تعاون بڑھانے پر اتفاق