آذربائیجان کے صدر الہام علیوف کا خط وزیراعظم شہباز شریف کو مل گیا، متن بھی سامنے آگیا
اشاعت کی تاریخ: 24th, March 2025 GMT
آذربائیجان کے صدر الہام علیوف نے وزیراعظم شہباز شریف کو ایک خط لکھا ہے جس میں انہوں نے کہا ہے کہ وہ آذر بائیجان کے عوام اور اپنی طرف سے انہیں اور پاکستانی عوام کو پاکستان کے قومی دن کے موقع پر دل کی اتھاہ گہرائیوں سے مبارکباد پیش کرتے ہیں اور ان کے لیے نیک تمناؤں کا اظہار کرتے ہیں۔
صدر الہام علیوف نے اپنے خط میں دونوں ممالک کے مابین سٹریٹیجک پارٹنرشپ اور باہمی تعاون کی موجودہ سطح پر اطمینان ظاہر کرتے ہوئے انہیں مزید وسعت دینے کا عزم کیا۔ انہوں نے کہا کہ معیشت، ٹرانسپورٹ، لاجسٹک، توانائی، سرمایہ کاری، دفاعی صنعت اور باہمی دلچسپی کے مختلف شعبہ جات میں ہماری کامیاب مشترکہ کاوشیں ہمارے تعلقات کے لیے کلیدی اہمیت رکھتی ہیں۔
یہ بھی پڑھیےپاکستان اور آذربائیجان کے درمیان 2 ارب ڈالر سرمایہ کاری کے معاہدے پر اتفاق
آذربائیجانی صدر نے کہا کہ عالمی امور پر ہمارا موقف اور باہمی تعاون دونوں ملکوں کے درمیان بھائی چارہ ظاہر کرتا ہے جو دونوں ممالک اور عوام کے بنیادی مفاد میں اہم کردار ادا کر رہا ہے۔
انہوں نے کہا کہ دونوں ملکوں کے تعلقات جامع ترقی سے جڑے ہیں جن کی بنیادیں باہمی ثقافتی اقدار اور یکجہتی سے مزین اور احترام اور اعتماد پر مشتمل ہیں۔ اعلیٰ سطح کے دورے، ملاقاتیں اور رابطے ہمارے تعلقات میں نمایاں بڑھوتری کا واضح اشارہ ہیں۔
صدر الہام علیوف نے کہا کہ وہ باہمی اعتماد، مفاہمت اور اخلاص پر مبنی سودمند ملاقاتوں کو سراہتے ہیں جو گزشتہ ماہ آذر بائیجان کے سرکاری دورہ کے موقع پر ہوئیں اور جن میں ہم نے تبادلہ خیال کیا۔ انہوں نے کہا کہ اس دوران ہونے والے معاہدے دونوں ممالک کے تعلقات کی سمت کا تعین کریں گے۔
یہ بھی پڑھیےوزیراعظم شہباز شریف کی آذربائیجان کے صدر سے ملاقات، اہم معاہدوں پر دستخط
آذربائیجان کے صدر کا کہنا ہے کہ انشا اللہ ہم اپنے تعلقات کو مزید وسعت دیں گے۔ انہوں نے روایتی دوستی اور تذویراتی شراکت داری پر اطمینان ظاہر کرتے ہوئے کہا کہ اس سے آزمودہ بھائی چارہ پر تعلقات اور ہمارے عوام کا اتحاد مزید مستحکم ہوگا۔
انہوں نے وزیراعظم کے لیے اچھی صحت، خوشی اور کامیابیوں کی دعا کرتے ہوئے پاکستان کے برادر عوام کے لیے امن ، خوشحالی اور بہتری کے لیے دعا کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آذربائیجان الہام علیوف پاکستان شہباز شریف.ذریعہ: WE News
کلیدی لفظ: الہام علیوف پاکستان شہباز شریف ذربائیجان کے صدر ا ذربائیجان کے انہوں نے کہا شہباز شریف نے کہا کہ کے لیے
پڑھیں:
وزیراعظم کا چاروں وزرائے اعلیٰ کو فون، عیدالاضحیٰ کی مبارکباد
اسلام آباد:وزیراعظم شہباز شریف نے چاروں وزرائے اعلیٰ کو فون کرکے عیدالاضحیٰ کی مبارک باد دی۔
پی ایم آفس کے پریس ونگ کی جانب سے جاری بیان کے مطابق وزیراعظم محمد شہباز شریف نے وزیراعلیٰ پنجاب مریم نواز ، وزیراعلیٰ سندھ سيد مراد علی شاہ، وزیراعلیٰ خیبر پختونخوا علی امین گنڈاپور اور وزیراعلیٰ بلوچستان میر سرفراز بگٹی کو ٹیلیفون کیا اور انہیں عیدالاضحیٰ کی مبارک باد دی۔
فون پر گفتگو میں چاروں وزرائے اعلیٰ نے وزیر اعظم شہباز شریف کا شکریہ ادا کیا اور انہیں بھی عیدالاضحیٰ کی مبارک باد دی۔ انہوں نے وزیر اعظم کے لیے نیک خواہشات کا اظہار بھی کیا۔
واضح رہے کہ وزیراعظم محمد شہباز شریف نے گزشتہ روز صدر مملکت آصف علی زرداری کو بھی ٹیلیفون پر عید الاضحیٰ کی مبارک باد دی تھی۔ اس موقع صدر زرداری نے وزیر اعظم کا شکریہ ادا کیا اور ان کے لیے نیک تمناؤں کا اظہار کیا۔
دونوں رہنماؤں کے درمیان ملک کی مجموعی سیاسی صورتحال اور مختلف امور پر گفتگو بھی کی گئی۔
مولانا فضل الرحمان کا کم عمری میں شادی سے متعلق قانون کیخلاف ملک گیر احتجاج کا اعلان