فیصل قریشی کی بیٹی جنید جمشید کو دیکھ کر کیوں رونے لگی؟
اشاعت کی تاریخ: 24th, March 2025 GMT
پاکستان شوبز انڈسٹری کے معروف اور ہر دلعزیز اداکار و میزبان فیصل قریشی نے اپنی بیٹی کی جنید جمشید سے ملاقات کا ایک دل چسپ واقعہ شیئر کیا۔فیصل قریشی، جو اس وقت ایک نجی ٹی وی چینل کی رمضان ٹرانسمیشن کی میزبانی کر رہے ہیں، نے گلوکار ہارون شاہد کے ساتھ پروگرام میں گفتگو کرتے ہوئے ایک دلچسپ قصہ سنایا۔انہوں نے بتایا کہ جب ان کی بیٹی آیت تقریباً 3 سال کی تھی اور وہ اپنے اسکول کی تقریب کے لیے جنید جمشید کے مشہور ملی نغمے ’دل دل پاکستان‘ کی ریہرسل کر رہی تھی، تب ایک دن فیصل قریشی کو جنید جمشید کا فون آیا۔فیصل نے اپنی بیوی سے کہا کہ وہ جنید بھائی کے ساتھ جا رہے ہیں، جس پر بیوی نے کہا کہ آیت ابھی ’دل دل پاکستان‘ کی ریہرسل کر رہی ہے۔ اس کے بعد فیصل قریشی جنید جمشید کے ساتھ ملاقات کے لیے گئے۔ ملاقات کے دوران جب فیصل نے جنید جمشید کو بتایا کہ آیت اپنے اسکول کی تقریب کے لیے ان کے گائے ہوئے ملی نغمے کی ریہرسل کر رہی ہے، تو جنید بھائی فوراً کہا کہ وہ آیت سے ملنے چلیں گے۔فیصل قریشی نے بتایا کہ جب انہوں نے اپنی بیوی کو فون کر کے بتایا کہ جنید بھائی آیت سے ملنے آ رہے ہیں، تو آیت بہت خوش ہوئی اور فوراً تیار ہو کر بیٹھ گئی۔ تاہم، جب آیت نے جنید جمشید کو دیکھا تو وہ رونے لگ گئی۔فیصل نے آیت سے رونے کی وجہ پوچھی تو آیت نے کہا کہ ”آپ نے مجھ سے جھوٹ بولا، یہ جنید جمشید نہیں، کوئی اور ہیں۔“فیصل قریشی نے مزید بتایا کہ آیت نے جنید جمشید کو صرف پرانی ویڈیوز میں دیکھا تھا، اس لیے وہ داڑھی کے ساتھ جنید جمشید کو پہچان نہیں سکی۔ پھر جنید جمشید نے آیت کو یقین دلانے کے لیے اس کے سامنے بیٹھ کر پورا ملی نغمہ ’دل دل پاکستان‘ گایا، جس کے بعد آیت خوش ہو گئی اور رونا بند کر دیا۔ فیصل قریشی کا کہنا تھا اس پورے وقت میں میں جنید جمشید کو حیرت سے دیکھتا رہا۔
.ذریعہ: Nawaiwaqt
کلیدی لفظ: جنید جمشید کو فیصل قریشی بتایا کہ کے ساتھ کے لیے کہا کہ
پڑھیں:
قیمتیں کنٹرول میں رکھنے کیلئے مؤثر میکنزم کی ضرورت ہے؛ مسرت جمشید چیمہ
ویب ڈیسک: پاکستان تحریک انصاف کی سینئر رہنما مسرت جمشید چیمہ نے کہاہے کہ اشیائے خوردونوش کی قیمتوں کو کنٹرول میں رکھنے کیلئے مؤثر میکنزم کی ضرورت ہے۔
مسرت جمشید چیمہ نے اپنے بیان میں کہاکہ اشیائے خوردونوش کی قیمتوں کوکنٹرول میں رکھنے کے لئے ٹیکنالوجی سے استفادہ کیا جانا چاہیے ،عوام کا استحصال روکنے کیلئے پہلے سے موجود قانون میں فوری ترامیم کی جائیں ۔ انہوں نے کہا کہ پرائس کنٹرول کا موجودہ نظام نتائج نہیں دے رہا ،دکاندار سرکاری نرخنامے کو کسی خاطر میں لائے بغیر من مانے نرخوں پر اشیائے ضروریہ فروخت کرتے ہیں۔
لاہور :ڈمپر نے موٹر سائیکل کو کچل دیا، 3 افراد جاں بحق
مسرت جمشیدچیمہ نے کہا کہ انتظامیہ تھوک کی منڈیوں میں قیمتوں کو کنٹرول کرے اس کے بعد ریٹیل کی سطح پر سخت اقدامات اٹھائے جانے چاہئیں۔ انہوں نے کہاکہ قیمتوں کی چیکنگ کے نظام میں بھی تبدیلیاں لانے کی ضرورت ہے اور اس کے لئے ٹیکنالوجی کا استعمال کیا جائے ،گراں فروشی پر سخت سزائوں اور بھاری جرمانوں کے نفاذ کے لئے پہلے سے موجود قانون میں فوری ترامیم کے لئے پیشرفت کی جانی چاہیے ۔
صیہونی فوج نے جنین میں تین فلسطینیوں کو شہید کر دیا