نیوزی لینڈ نے پاکستان کیخلاف ون ڈے اسکواڈ کا اعلان کردیا
اشاعت کی تاریخ: 24th, March 2025 GMT
نیوزی لینڈ نے پاکستان کے خلاف ون ڈے اسکواڈ کا اعلان کردیا۔
ایکسپریس نیوز کے مطابق نیوزی لینڈ نے پاکستان کیخلاف ون ڈے سیریز کیلیے ٹیم کی قیادت ٹام لیتھم کو سونپی ہے جبکہ دیگر کھلاڑیوں میں آدی اشوک ، مائیکل بریسویل ، مارک چیپ مین، جیکب ڈفی، نک کیلی، ڈیرل مچل، ول او’روک اور بین سیئرز شامل ہیں۔
ون ڈے اسکواڈ میں ناتھن اسمتھ اور ول ینگ کو بھی شامل کیا گیا ہے۔
واضح رہے کہ ٹی 20 کے بعد اب پاکستان اور نیوزی لینڈ کے درمیان پہلا ون ڈے 29 مارچ کو کھیلا جائے گا، اس کے بعد دوسرا ون ڈے دو اپریل، تیسرا پانچ اپریل کو شیڈول ہے۔
واضح رہے کہ نیوزی لینڈ نے ٹی 20 سیریز میں پاکستان کو شکست دے کر سیریز اپنے نام کرلی تھی۔ سیریز کے دوران پاکستانی ٹیم بیٹنگ، بولنگ اور فیلڈنگ کے شعبے میں بری طرح سے ناکام ہوئی تھی۔
ذریعہ: Express News
کلیدی لفظ: نیوزی لینڈ نے
پڑھیں:
گوگل کروم نے یوزرز کیلئے انتہائی مفید فیچر شامل کردیا، براؤزنگ مزید آسان
data-id="863a0a8" data-element_type="widget" data-widget_type="theme-post-content.default">
گوگل کروم کے آٹو فل فیچر کو مزید بہتر بنایا جا رہا ہے جس کے بعد صارفین پاسپورٹ، ڈرائیونگ لائسنس اور گاڑی کی لائسنس پلیٹ جیسے حساس ڈیٹا کو بھی صرف ایک کلک میں فارم میں درج کر سکیں گے۔
کمپنی کے مطابق یہ فیچر بائی ڈیفالٹ بند ہوگا اور صارف کو خود اسے آن کرنا ہوگا۔
کمپیوٹر اور لیپ ٹاپ استعمال کرنے والے صارفین روزمرہ کی انٹرنیٹ سرگرمیوں میں آٹو فل کے عادی ہو چکے ہیں۔ یہی فیچر فارم بھرنے کے دوران صارفین کو وقت بچانے میں مدد دیتا ہے کیونکہ انہیں نام، پتے، یوزر نیم یا پاس ورڈ بار بار ٹائپ نہیں کرنا پڑتا۔ اب گوگل کروم نے اس فیچر کو ایک قدم مزید آگے بڑھاتے ہوئے اسے enhanced آٹو فل کے نام سے اپ گریڈ کرنے کا فیصلہ کیا ہے۔
کمپنی کے مطابق نئے ورژن میں صارف پاسپورٹ نمبر، ڈرائیونگ لائسنس، گاڑی کی لائسنس پلیٹ سمیت ایسی معلومات بھی محفوظ کر سکے گا جو عام طور پر سرکاری دستاویزات میں استعمال ہوتی ہیں۔ تاہم یہ فیچر خودکار طور پر فعال نہیں ہوگا بلکہ کروم سیٹنگز میں جا کر “Autofill and Passwords” کے اندر enhanced آٹو فل کو ہینڈ سے آن کرنا ہوگا۔ گوگل کا کہنا ہے کہ اب کروم پیچیدہ فارمز اور مختلف فارمیٹس کو بھی زیادہ بہتر طریقے سے پہچان سکے گا۔
گوگل نے واضح کیا ہے کہ یہ فیچر تمام زبانوں میں دستیاب ہوگا اور آنے والے مہینوں میں مزید ڈیٹا کیٹیگریز بھی شامل کی جائیں گی۔ کروم دنیا بھر میں سب سے زیادہ استعمال ہونے والا ویب براؤزر ہے جس کا مارکیٹ شیئر تقریباً 73 فیصد ہے اور یہی وجہ ہے کہ کمپنی مسلسل نئے فیچرز شامل کرتی رہتی ہے تاکہ صارفین کو براؤزر بدلنے کی ضرورت محسوس نہ ہو۔
پاکستان میں شمسی توانائی کا استعمال تاریخی سنگ میل عبور کرگیا