آسٹریلوی باپ، بیٹے نے گلائیڈنگ میں نیا ریکارڈ قائم کردیا
اشاعت کی تاریخ: 25th, March 2025 GMT
آسٹریلوی باپ، بیٹے کی جوڑی نے ایک گلائیڈر میں لگاتار 45 لوپ مکمل کرکے گنیز ورلڈ ریکارڈ قائم کرلیا ہے۔
آسٹریلوی شہری ڈیوڈ سکچنگز کا کہنا ہے وہ اپنی 50 ویں سالگرہ پر ورلڈ ریکارڈ قائم کرنا چاہتے تھے،اس لیے انہوں نے اپنے ساتھ اپنے بیٹے میکس(عمر 16 سال) کو بھی بھرتی کیا تاکہ اس کے ساتھ 2 سیٹوں والے DG-1000 گلائیڈر میں آسمان کی جانب گلائیڈ کرسکیں۔
یہ بھی پڑھیں: اورکزئی میں جشنِ آزادی کی تیاریاں، پیرا گلائیڈنگ میلے کا آغاز، سیاحوں کا جوش و خروش
انہوں نے گنیز ورلڈ ریکارڈز کو بتایا، ’اپنی پوری زندگی میں نوجوانوں کے لیے، خاص طور پر اپنے خاندان کے لیے اپنے آپ کو ایک رول ماڈل کے طور پر پیش کرنے کی کوشش کرتے رہے ہیں تاکہ یہ ظاہر کیا جاسکے کہ آپ جو کچھ حاصل کرنا چاہتے ہیں اسے حاصل کرنے کے لیے سخت محنت اور نظم و ضبط قائم رکھنا ہوتی ہے، یہی ہم نے کیا اور ریکارڈ قائم کیا۔
اس جوڑے نے 26 جنوری کو آسٹریلیا کے قومی دن پر ریکارڈ بنانے کی کوشش کی اور لگاتار 45 لوپس مکمل کر کے 24لوپس کا سابقہ ریکارڈ توڑ دیا، جو 2001 سے قائم تھا۔
یہ بھی پڑھیں: زخمی جرمن پیراگلائیڈر پاکستانیوں کا گرویدہ، مگر کیسے؟
سکچنگز، جو جنوبی آسٹریلیا پولیس کے لیے ہیلی کاپٹر اڑاتے ہیں، نے کہا کہ وہ نوجوانوں کو ہوا بازی میں جانے کی ترغیب دیتے ہیں۔ ’یہ آپ کی زندگی میں بہترین کاموں میں سے ایک ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آسٹریلیا گلائڈنگ گنیز ورلڈ ریکارڈ.ذریعہ: WE News
کلیدی لفظ: ا سٹریلیا گلائڈنگ گنیز ورلڈ ریکارڈ ورلڈ ریکارڈ ریکارڈ قائم کے لیے
پڑھیں:
کرسٹیانو رونالڈو کے بیٹے نے بین الاقوامی میچ کھیل کر فٹبال کی دنیا میں باضابطہ قدم رکھ لیا
فٹبال لیجنڈ اور پرتگال کے کپتان کرسٹیانو رونالڈو کے بیٹے کرسٹیانو رونالڈو جونیئر نے ترکی میں جاری فیڈریشن کپ کے دوران پرتگال کی انڈر 16 ٹیم کے لیے اپنا پہلا بین الاقوامی میچ کھیل کر فٹبال کی دنیا میں باضابطہ قدم رکھ دیا ہے۔
یہ بھی پڑھیں: فٹبال کی تاریخ کا نیا سنگِ میل، کرسٹیانو رونالڈو کے 950 گول مکمل
جمعرات 30 اکتوبر کو ہونے والے میچ میں 15 سالہ رونالڈو جونیئر نے اضافی وقت میں میدان میں اتر کر مختصر لیکن یادگار آغاز کیا، جہاں پرتگال نے میزبان ترکی کو 0 – 2 سے شکست دی۔ پرتگال کے لیے اسپورٹنگ سی پی کے سیموئل تاوریس اور ایس سی براگا کے رافائل کابریل نے گول کیے۔
یہ ڈیبیو اس وقت سامنے آیا جب رونالڈو جونیئر نے سعودی عرب میں النصر کلب کی نوجوان ٹیم میں عمدہ کارکردگی دکھائی، جہاں ان کے والد بھی سینیئر ٹیم کے لیے کھیل رہے ہیں۔
اس سے قبل رواں سال رونالڈو جونیئر نے کروشیا کے خلاف ولاتکو مارکووچ انٹرنیشنل ٹورنامنٹ کے فائنل میں 2 گول کر کے پرتگال کو 2 کے مقابلے میں 3 گول سے کامیابی دلائی تھی۔
یہ بھی پڑھیں: کرسٹیانو رونالڈو ایک بار پھر دنیا کے سب سے زیادہ کمانے والے فٹبالر قرار
پرتگالی کوچ کے مطابق ’وہ صبر، محنت اور درست تربیت کے ساتھ کھیل سیکھ رہا ہے۔ اس کے نام سے دباؤ ضرور ہے، لیکن وہ اپنی جگہ اپنی محنت سے بنا رہا ہے۔‘
دوسری جانب، کرسٹیانو رونالڈو سینئر مسلسل فٹبال کی تاریخ رقم کر رہے ہیں، حال ہی میں وہ 950 سے زائد گول مکمل کر کے مردوں کے عالمی فٹبال میں سب سے زیادہ گول کرنے والے کھلاڑی بن چکے ہیں۔
رونالڈو نے ماضی میں اپنے بیٹے کی خواہشات پر بات کرتے ہوئے کہا تھا، ’وہ مجھ سے کہتا ہے کہ وہ مجھ سے بہتر بننا چاہتا ہے۔ میں اسے کہتا ہوں کہ یہ آسان نہیں، لیکن اگر محنت کرو تو ناممکن بھی ممکن ہو جاتا ہے۔‘
یہ بھی پڑھیں: لیونل میسی نے انٹر میامی کے ساتھ نیا معاہدہ کر لیا
پرتگال کی انڈر 16 ٹیم اب اپنے اگلے میچ میں یکم نومبر کو ویلز اور 4 نومبر کو انگلینڈ کا سامنا کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بیٹا بین الاقوامی میچ پرتگال ترکیہ رونالڈو
صیہونی فوج نے جنین میں تین فلسطینیوں کو شہید کر دیا