یاسر حسین اور نوشین شاہ میں اختلافات ختم، گلے ملنے کی ویڈیو وائرل
اشاعت کی تاریخ: 26th, March 2025 GMT
کراچی(شوبز ڈیسک)مقبول اداکار یاسر حسین اور اداکارہ نوشین شاہ کے درمیان ماضی میں شادی میں شرکت کے معاملے پر ہونے والے اختلافات ختم ہوگئے اور حال ہی میں دونوں کی جانب سے ایک تقریب میں گلے ملنے کی ویڈیو وائرل ہوگئی۔دونوں کے درمیان یاسر حسین کی شادی میں مبینہ طور پر بن بلائے شرکت کرنے پر تنازع ہوگیا تھا اور دو سال تک دونوں ایک دوسرے کے خلاف بیانات دیتے رہے تھے اور دونوں کو کبھی ملتے ہوئے بھی نہیں دیکھا گیا تھا۔پہلی بار یاسر حسین نے فروری 2021 میں نجی نیوز کے پروگرام میں میزبان سے بات کرتے ہوئے انکشاف کیا تھا کہ اداکارہ نوشین شاہ بن بلائے ہی دسمبر 2019 میں ان کی شادی میں پہنچ گئی تھیں۔ان کے دعوے کے بعد نوشین شاہ نے دعویٰ کیا تھا کہ یاسر حسین نے انہیں دعوت تھی اور شادی ہال کا ایڈریس بھی خود ہی بھیجا تھا۔
بعد ازاں یاسر حسین نے کہا تھا کہ نوشین شاہ کے دباؤ ڈالنے پر انہیں اداکارہ کو شادی کے مقام کا ایڈریس بھیجا تھا۔اسی معاملے پر نوشین شاہ نے ’ٹو بی آنیسٹ‘ نامی شو میں یاسر حسین کا نام لیے بغیر ان پر تنقید کی تھی اور کہا کہ بعض لوگ دوسروں کو بدنام کرکے شہرت حاصل کرتے ہیں۔
بعد ازاں مارچ 2022 میں نوشین شاہ نے دی کرنٹ کو دیے گئے انٹرویو میں اعتراف کیا تھا کہ ان کے اور یاسر حسین کے درمیان جو کچھ ہوا، وہ نہیں ہونا چاہیے تھا۔اداکارہ نے کہا تھا کہ یاسر حسین نے جو کہا، بس کہہ دیا اور اب مذکورہ معاملے پر بات نہیں ہونی چاہیے۔تاہم اب تقریباً چار سال بعد دونوں کو ایک ساتھ تقریب میں دیکھا گیا، جہاں دونوں کی گلے ملنے کی ویڈیو وائرل ہوگئی۔دونوں نے کچھ دن قبل گرین انٹرٹینمنٹ کی جانب سے منعقد کی گئی ’سحور نائٹ‘ تقریب میں شرکت کی، جہاں دیگر شوبز شخصیات نے بھی شرکت کی۔تقریب میں نوشین شاہ اور یاسر حسین دیگر شوبز شخصیات سے بھی گلے ملتے رہے اور اس دوران دونوں نے بھی ایک دوسرے کو گلے لگایا۔وائرل ہونے والی مختصر ویڈیو میں دیکھا جا سکتا ہےکہ یاسر حسین اداکارہ کے پاؤں چھونے کی کوشش کرتے ہیں، اس دوران اداکارہ انہیں گلے لگا لیتی ہیں۔یاسر حسین اور نوشین شاہ کی جانب سے ایک دوسرے کو گلے لگانے کی ویڈیو وائرل ہوگئی اور صارفین نے اس پر تبصرے کرتے ہوئے دونوں کو آڑے ہاتھوں بھی لیا۔صارفین نے دونوں کو رمضان المبارک کا احترام کرنے سمیت غیر محرم مرد اور خاتون کے درمیان فاصلہ رکھنے کی تلقین کی جب کہ کچھ مداحوں نے نوشین شاہ کو غیر مرد سے گلے ملنے پر آڑے ہاتھوں بھی لیا۔
View this post on InstagramA post shared by SHS BLOG (@shadabhussainsiddiquishsblog)
مزیدپڑھیں:ایرانی کرنسی تاریخ کی کم ترین سطح پر، ایک ڈالر 10 لاکھ ریال میں بکنے لگا
ذریعہ: Daily Ausaf
کلیدی لفظ: کی ویڈیو وائرل یاسر حسین نے نوشین شاہ کے درمیان گلے ملنے دونوں کو تھا کہ
پڑھیں:
بجٹ میں تنخواہ دار طبقے کو 50 ارب روپے کا ریلیف ملنے کا امکان ہے، مہتاب حیدر
ماہر معاشیات اور سینیئر صحافی مہتاب حیدر نے کہا ہے کہ اس سال اکنامک گروتھ 2.68 فیصد رہی ہے جبکہ آبادی کی گروتھ 2.55 فیصد رہی ہے، ملکی معیشت کا کل حجم 411 بلین ڈالر ہو گئی ہے۔
یہ بھی پڑھیں: حکومت نے اقتصادی سروے 2025-26 جاری کردیا، جی ڈی پی میں اضافہ ریکارڈ
وی نیوز سے خصوصی گفتگو کرتے ہوئے سینیئر صحافی مہتاب حیدر نے کہا کہ ایگریکلچر سیکٹر کی گروتھ ایک فیصد سے بھی کم رہی ہے، اس کی بنیادی وجہ یہ ہے کہ بڑی اہم فصلوں کپاس، گندم، مکئی کی پیداوار میں 30 فیصد کمی ہوئی ہے، انڈسٹریل سیکٹر میں لارج سکیل مینوفیکچرنگ کی گروتھ میں کمی ہوئی ہے، سروسز سیکٹر کی گروتھ 2 فیصد سے زیادہ ہے، مہنگائی کی شرح میں کمی ہوئی ہے۔
مہتاب حیدر نے کہا کہ حکومت اس وقت بھی آئی ایم ایف پروگرام کا حصہ ہے، ملک میں معاشی استحکام آیا ہے، ڈیفالٹ کا خطرہ ٹل گیا ہے لیکن اب بھی ہمیں معاشی گروتھ کو مزید بڑھنا ہوگا۔ انہوں نے یہ بھی کہا کہ حکومت کو اپنے اخراجات کم کرنے چاہییں۔
مزید پڑھیے: ایک رات میں سب کچھ تبدیل نہیں کیا جاسکتا، وفاقی وزیر خزانہ
مہتاب حیدر نے کہا کہ بجٹ میں زیادہ ریلیف ملنے کا امکان نہیں ہے، تنخواہ دار طبقے کو 50 ارب روپے کا ریلیف ملنے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اکنامک سروے تنخواہ دار طبقہ سینیئر صحافی مہتاب حیدر
مودی حکومت حقائق کو چھپا رہی ہے، جے رام رمیش