بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
اشاعت کی تاریخ: 27th, March 2025 GMT
کانفرنس میں شیعہ سنی علماء کرام، دانشورں اور صحافیوں نے خطاب کرتے ہوئے مظلوم فلسطینیوں کی حمایت میں اپنے خیالات کا اظہار کیا اور ظالم غاصب صیہونی حکومت کی جانب سے فلسطین پر کئے جارہے مظالم کی مذمت کی۔ چھوٹی تصاویر تصاویر کی فہرست سلائیڈ شو
بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
بھارتی شہر حیدرآباد میں فلسطینیوں کی حمایت میں "یوم القدس کانفرنس" کا اہتمام
اسلام ٹائمز۔ بھارتی شہر حیدرآباد میں آج تنظیم جعفری حیدرآباد کی جانب سے مولانا سید تقی رضا عابدی صدر تنظیم جعفری و شیعہ رکن حج کمیٹی ریاست تلنگانہ کی نگرانی میں مظلوم فلسطینیوں کی حمایت میں ایک کانفرنس بعنوان "عالمی یومِ قدس" کا انعقاد عمل میں آیا، جس کا آغاز تلاوت کلام پاک سے ہوا۔ کانفرنس میں شیعہ سنی علماء کرام، دانشورں اور صحافیوں نے خطاب کرتے ہوئے مظلوم فلسطینیوں کی حمایت میں اپنے خیالات کا اظہار کیا اور ظالم غاصب صیہونی حکومت کی جانب سے فلسطین پر کئے جارہے مظالم کی مذمت کی اور تمام مسلمانوں سے ایک جٹ ہوکر مظلوم فلسطینیوں کی حمایت کے لئے آواز اٹھانے کی اپیل کی، اس کے علاوہ حکومت ہند سے بھی مطالبہ کیا کہ وہ فلسطینیوں کی حمایت کریں۔ یوم قدس کانفرنس میں علاقے کے معزز حضرات کے علاوہ کثیر تعداد میں نوجوانوں نے شرکت کی۔ اس موقع پر اسرائیل کے خلاف سخت ناراضگی کا اظہار کرکے نعرے بلند کئے گئے۔ مولانا سید تقی رضا عابدی نے کہا کہ اس کانفرنس میں لوگوں نے شرکت فرما کر اپنی دینی حمیت اور ملی غیرت کا مظاہرہ کیا اور یک زبان ہوکر فلسطینیوں کی حمایت اور غاصب اسرائیل کے مظالم کی مذمت کی گئی۔.ذریعہ: Islam Times
کلیدی لفظ: یوم القدس کانفرنس کانفرنس میں کا اہتمام
پڑھیں:
اسرائیل کی حمایت میں امریکا کا ایک بار پھر یونیسکو چھوڑنے کا اعلان
امریکا نے اقوام متحدہ کے تعلیمی، سائنسی اور ثقافتی ادارے یونیسکو (UNESCO) سے دوبارہ علیحدگی کا اعلان کر دیا ہے۔
امریکی حکومت کا کہنا ہے کہ یونیسکو اسرائیل کے خلاف تعصب رکھتا ہے اور عالمی سطح پر ’’تقسیم پیدا کرنے والے‘‘ سماجی و ثقافتی ایجنڈے کو فروغ دیتا ہے۔
امریکی محکمہ خارجہ کی ترجمان ٹیمی بروس نے کہا کہ یونیسکو میں رہنا "امریکی قومی مفاد میں نہیں" ہے۔ یہ فیصلہ صدر ڈونلڈ ٹرمپ نے 2017 میں بھی کیا تھا، لیکن جو بائیڈن کے دور میں امریکا دوبارہ یونیسکو کا رکن بن گیا تھا۔
اب ٹرمپ کی واپسی کے بعد ایک بار پھر امریکا کا ادارے سے نکلنے کا اعلان سامنے آیا ہے، جو دسمبر 2026 میں مؤثر ہو گا۔
یونیسکو کی ڈائریکٹر جنرل آڈری آذولے نے اس فیصلے پر افسوس کا اظہار کرتے ہوئے کہا کہ یہ اقدام ملٹی لیٹرلزم (کثیر الجہتی تعاون) کے اصولوں کی نفی کرتا ہے۔ تاہم انہوں نے اعتراف کیا کہ یہ فیصلہ متوقع تھا اور ادارہ اس کے لیے تیار ہے۔
یونیسکو نے کہا کہ امریکی انخلا کے باوجود ادارے کو مالی طور پر بہت زیادہ فرق نہیں پڑے گا کیونکہ گزشتہ دہائی میں امریکا کی بجٹ میں شراکت 20 فیصد سے کم ہو کر اب 8 فیصد رہ گئی ہے۔
امریکا نے یونیسکو پر الزام لگایا ہے کہ اس نے فلسطین کو ریاست تسلیم کرکے اسرائیل مخالف بیانیہ بڑھایا ہے اور مقبوضہ مغربی کنارے اور مشرقی یروشلم میں فلسطینی ثقافتی مقامات کو عالمی ورثہ قرار دینا بھی امریکی پالیسی کے خلاف ہے۔
اسرائیل نے امریکی فیصلے کا خیر مقدم کیا ہے، جب کہ فرانسیسی صدر ایمانویل میکرون نے یونیسکو کی مکمل حمایت جاری رکھنے کا اعلان کیا ہے۔
یاد رہے کہ امریکا اس سے پہلے بھی 1980 کی دہائی میں ریگن حکومت کے تحت یونیسکو سے نکل چکا ہے، اور 2000 کی دہائی میں صدر بش کے دور میں دوبارہ شامل ہوا تھا۔
کاروباری دنیا میں مفت کچھ نہیں