امریکا سے بالواسطہ بات چیت کے لیے تیار، ایران نے ٹرمپ کے خط کا جواب دیدیا
اشاعت کی تاریخ: 28th, March 2025 GMT
ایران نے عمان کے ذریعے امریکی صدر ڈونلڈ ٹرمپ کے خط کا جواب بھیجا ہے جس میں انہوں نے تہران سے نیا جوہری معاہدہ کرنے کی درخواست کی تھی۔ کہا گیا ہے کہ ہماری پالیسی اب بھی یہ ہے کہ دباؤ اور فوجی دھمکیوں کے تحت براہ راست مذاکرات میں حصہ نہ لیا جائے، تاہم ماضی کی طرح بالواسطہ مذاکرات جاری رکھے جا سکتے ہیں۔
ایران کی سرکاری نیوز ایجنسی IRNA کے مطابق ایرانی وزیر خارجہ عباس عراقچی کا کہنا ہے کہ ایران کے سپریم لیڈر علی خامنہ ای کے مشیر نے کہا ہے کہ تہران امریکا کے ساتھ بالواسطہ بات چیت کے لیے تیار ہے تاکہ دوسری طرف کا جائزہ لیا جا سکے، اپنے شرائط پیش کی جا سکیں، اور مناسب فیصلہ کیا جا سکے۔
رواں ماہ 7 مارچ کو صدر ڈونلڈ ٹرمپ نے کہا تھا کہ انہوں نے خامنہ ای کو ایک خط بھیجا ہے جس میں نئے جوہری مذاکرات کا مطالبہ کیا گیا تھا اور ایران کی انکار کی صورت میں ممکنہ فوجی کارروائی کی دھمکی دی تھی۔ یہ خط 12 مارچ کو امارات کے صدارتی مشیر انور گرگاش کے ذریعے تہران پہنچایا گیا تھا۔
مزید پڑھیں: ایران کا اقوام متحدہ کو خط، ٹرمپ کے بیان کو بے بنیاد قرار دیدیا
خامنہ ای، جو ایران کے تمام ریاستی معاملات پر حتمی فیصلہ کرتے ہیں، نے ٹرمپ کے پیغام کو مسترد کرتے ہوئے انہیں عالمی عوامی رائے کو گمراہ کرنے کی کوشش کرنے کا الزام لگایا تھا، تاکہ امریکا کو بات چیت کے لیے تیار دکھایا جا سکے اور ایران کو رکاوٹ کے طور پر پیش کیا جا سکے۔
عراقچی نے پچھلے ہفتے کہا تھا کہ ٹرمپ کا خط ایک دھمکی تھا۔ لیکن اس میں مواقع کا دعویٰ بھی کیا گیا تھا۔ ہم نے خط کے تمام نکات پر غور کیا اور اپنے جواب میں دھمکی اور موقع دونوں کو مدنظر رکھیں گے۔
خرازی جو سابق وزیر خارجہ ہیں، نے ٹرمپ انتظامیہ پر ایران کے خلاف نفسیاتی جنگ چھیڑنے کا الزام عائد کیا۔ انہوں نے کہا کہ جو کچھ ہم آج امریکی حکومت کے رویے میں دیکھتے ہیں وہ ایک نفسیاتی جنگ ہے۔ امریکی حکام کے متضاد پیغامات کے ذریعے ‘جنگ یا مذاکرات’ کا بیانیہ پیش کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ایران جوہری معاہدہ صدر ڈونلڈ ٹرمپ عباس عراقچی عراقچی عمان.ذریعہ: WE News
کلیدی لفظ: امریکا ایران جوہری معاہدہ صدر ڈونلڈ ٹرمپ عباس عراقچی عراقچی ٹرمپ کے کے لیے جا سکے
پڑھیں:
سونے سے بنا فن یا سرمایہ داری پر طنز؟ دنیا کا مہنگا ترین ٹوائلٹ نیلامی کے لیے تیار
سدابیز نے اعلان کیا کہ وہ اطالوی فنکار موریتزیو کیٹیلان کے تخلیق کردہ خالص سونے کے ٹوائلٹ ’امریکا‘ کو نیلامی کے لیے پیش کرے گا۔
سدابیز ایک بین الاقوامی کارپوریشن ہے جو فنِ لطیفہ اور اعلیٰ معیار کی آسائشی اشیا کے عالمی رہنما ادارے کے طور پر جانی جاتی ہے۔
یہ اپنی عالمی شہرت یافتہ آکشن ہاؤس یعنی نیلام گھر کے باعث مشہور ہے، جو 1744 سے سرگرمِ عمل ہے۔
یہ بھی پڑھیں: ریاض میں بازوں کی سالانہ نیلامی، 2 باز 5 لاکھ 78 ہزار ریال میں فروخت
نیلام گھر کے مطابق یہ فن پارہ ’فن اور مالیت کے تصادم پر ایک گہرا تبصرہ‘ ہے۔
Cattelan’s “America” (2016), the 101.2-kilogram solid gold toilet, will be auctioned for its bullion value, with the starting bid in the region of $10 million. https://t.co/AQIKn9EtaL
— Artsy (@artsy) November 3, 2025
’یہ صرف ایک فن پارہ نہیں بلکہ مکمل طور پر قابلِ استعمال بیت الخلا بھی ہے، جو 2019 میں انگلینڈ کے بلینہم پیلس سے چوری ہونے والے مشہور سنہری ٹوائلٹ جیسا ہی ہے۔‘
یہ نیلامی 18 نومبر کو نیویارک میں ہوگی، جس کی ابتدائی قیمت ٹوائلٹ میں استعمال ہونے والے 101.2 کلوگرام سونے کے موجودہ نرخ یعنی تقریباً 10 ملین ڈالر کے برابر رکھی گئی ہے۔
سدابیز کے نیویارک میں عصری فن کے سربراہ ڈیوڈ گالپرن کے مطابق اطالوی آرٹسٹ موریتزیو کیٹیلان ’آرٹ کی دنیا کے ایک حقیقی اشتعال انگیز فنکار‘ ہیں۔
یہ بھی پڑھیں: بدھ مت سے منسوب قیمتی جواہرات کی ہانگ کانگ میں نیلامی منسوخ، 127 سال بعد بھارت واپس پہنچ گئے
کیٹیلان اپنی متنازع اور پرمزاح تخلیقات کے لیے مشہور ہیں، ان کا ایک فن پارہ’کامیڈین‘ جس میں ایک کیلا دیوار پر ٹیپ سے چپکایا گیا تھا۔
گزشتہ سال نیویارک میں 6.2 ملین ڈالر میں فروخت ہوا، جبکہ ان کی دوسری تخلیق گھٹنوں کے بل بیٹھے ایڈولف ہٹلر کا مجسمہ تھا، انگریزی پروناؤن ’ہِم‘ نامی یہ مجسمہ 2016 میں 17.2 ملین ڈالر میں نیلام ہوا تھا۔
موریتزیو کیٹیلان کے مطابق ’امریکا‘ دولت کی زیادتی پر ایک طنزیہ تبصرہ ہے۔ ’چاہے آپ 200 ڈالر کا لنچ کھائیں یا 2 ڈالر کا ہاٹ ڈاگ، نتیجہ بیت الخلا میں ایک سا ہی ہوتا ہے۔‘
2 قن پارے’امریکا‘ کے 2 فن پارے 2016 میں تیار کیے گئے تھے، ایک 2017 سے ایک نامعلوم کلیکٹر کے پاس ہے، یہی ورژن اب فروخت کے لیے پیش کیا جا رہا ہے۔
دوسرا فن پارہ 2016 میں نیویارک کے گوگن ہائیم میوزیم کے بیت الخلا میں نصب کیا گیا، جہاں ایک لاکھ سے زائد افراد نے اس فن پارے کے ساتھ براہِ راست ’تجربہ‘ کرنے کے لیے قطاریں لگائیں۔
گوگن ہائیم نے بعد میں اس فن پارے کو امریکی صدر ڈونلڈ ٹرمپ کو پیش کرنے کی پیشکش کی، جب انہوں نے میوزیم سے ایک وین گوگ کی پینٹنگ ادھار مانگی تھی۔
مزید پڑھیں:ملکہ الزبتھ دوم کے زیرِ استعمال گاڑی نیلامی کے لیے پیش، متوقع بولی 50 سے 70 ہزار پاؤنڈ
2019 میں یہ ٹوائلٹ انگلینڈ کے تاریخی بلینہم پیلس میں نمائش کے لیے رکھا گیا، لیکن چند دن بعد چوروں نے اسے دیوار سے توڑ کر چرا لیا۔
اس واقعے میں ملوث 2 افراد کو رواں سال سزا سنائی گئی، تاہم ٹوائلٹ اب تک برآمد نہیں ہوا، تحقیقات کے مطابق امکان ہے کہ اسے پگھلا کر بیچ دیا گیا ہو۔
ڈیوڈ گالپرن کے مطابق یہ کہنا ممکن نہیں کہ ’امریکا‘ کتنی رقم میں فروخت ہوگا۔
مزید پڑھیں:ٹائٹینک سے لکھے گئے خط کی 4 لاکھ ڈالرز میں نیلامی، خط کی خاص بات کیا ہے؟
انہوں نے کہا کہ کیٹیلان کا ’دیوار پر ٹیپ زدہ کیلا ‘ والا فن پارہ اس سوال کو جنم دیتا ہے کہ کسی چیز کی حقیقی قدر کس بنیاد پر طے کی جاتی ہے، محض خیال اور مصنف کے نام پر یا مادی قیمت پر؟
’امریکا نامی یہ بیت الخلا اس سوچ کا الٹ ہے، یہاں فن پارے میں سونا موجود ہے، جو حقیقی قدر رکھتا ہے۔ سوال یہ ہے کہ اس میں زیادہ اہم کیا ہے، فنکار کا تصور یا خام مال کی قیمت؟‘
یہ سنہرا ٹوائلٹ 8 نومبر سے نیویارک کے نئے سدابیز ہیڈکوارٹر بریوار بلڈنگ میں عوامی نمائش کے لیے رکھا جائے گا، لیکن اس بار صرف دیکھنے کی اجازت ہوگی، یعنی دیکھ سکتے ہیں، مگر فلش نہیں کرسکتے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بیت الخلا ٹوائلٹ قیمتی کامیڈین لنچ مہنگا نیلامی ہاٹ ڈاگ
صیہونی فوج نے جنین میں تین فلسطینیوں کو شہید کر دیا