حکومت نے ایک سال میں پاور سیکٹر میں نقصان کم کرکے ٹیکس پیئر کے 151 ارب روپے بچائے، وزیرتوانائی
اشاعت کی تاریخ: 10th, July 2025 GMT
وفاقی وزیر توانائی حکومت توانائی کے شعبے میں بہتری کے لیے اقدامات کررہی ہے، حکومتی اقدامات سے توانائی سیکٹر میں نقصانات 591 ارب روپے سے کم ہوکر 399 ارب روپے پر آگئے ہیں، اس طرح حکومت نے ٹیکس پیئر کے 151 روپے بچائے ہیں۔
یہ بھی پڑھیں: بجلی کی قیمت میں 10 سے 12 روپے فی یونٹ کمی کرسکتے ہیں، وزیرتوانائی
اسلام آباد میں پریس کانفرنس کرتے ہوئے وزیرتوانائی اویس لغاری نے کہا کہ گزشتہ سال حکومت کو توانائی سیکٹر میں 591 ارب روپے کا نقصان ہوا، اس کے حوالے سے وزیراعظم، کابینہ اور اتحادیوں کو بڑی تشویش تھی، ہم نے ایک سال پہلے ڈسٹری بیوشن کمپنیوں کی بہتر کارکردگی پر زور دینا شروع کیا، ہم نے ان کمپنیز میں سفارشی اور جان پیچان کے لوگوں کو ہٹا کر گورننس کو بہتر کرنے کا آغاز کیا، ہم نے ملکی تاریخ میں پہلی مرتبہ ان بورڈ میں میرٹ کے اوپر ممبرز کی تعیناتی کی۔
اویس لغاری نے کہا کہ وزارت توانائی نے ان تقسیم کار کمپنیوں میں سفارشات کی بنیاد پر تعیناتیاں ختم کیں، ان کمپنیوں میں کسی کی سفارش پر تعیناتی کی اجازت نہیں دی گئی، انہی اصلاحات کی بدولت ہم ایک سال میں پاور کمپنیوں میں بہت بڑے نقصان کو کم کرنے میں کامیاب ہوچکے ہیں، ہماری کوششوں سے پاور سیکٹر کو تاریخی کامیابیاں حاصل ہوئی ہیں۔
یہ بھی پڑھیں: بجلی کی فی یونٹ پیداواری قیمت کیا ہے؟ وزیرتوانائی نے بھید کھول دیا
ان کا کہنا تھا کہ پاور سیکٹر میں پچھلے سال کے 591 ارب روپے کے نقصانات کو 399 ارب روپے پر لے آئے ہیں، اس طرح حکومت نے ٹیکس پیئر کے 151 ارب روپے بچائے ہیں، ان نقصانات میں 2 چیزیں ہوتی ہیں، ایک یہ کہ آپ بل لوگوں کو دیتے ہیں مگر اس کے باوجود لوگوں سے ریکوری نہیں کرپاتے، اس کو ریکوری کا نقصان کہا جاتا ہے، دوسرا یہ کہ آپ جو بجلی لوگوں کو دے رہے ہیں اس کی بلنگ ہوتی ہی نہیں ہے، یہ ٹی اینڈ ڈی نقصان کہلاتے ہیں، جس کا اصلی مطلب چوری ہوتا ہے۔
وزیرتوانائی نے کہا کہ 591 ارب روپے کے نقصان میں 315 ارب روپے ڈسکوز نے ریکور ہی نہیں کیے تھے، جس کا نقصان حکومت کو پورا کرنا پڑا، اس نقصان کا پچھلے مالی سال میں حکومت نے 96.
یہ بھی پڑھیں: سردیوں میں بجلی 26 روپے فی یونٹ، وزیراعظم نے پاور ڈویژن کے پیکج کی منظوری دیدی
انہوں نے کہا کہ بجلی چوری میں بہت بڑی بڑی صنعتیں بھی ملوث ہیں، لاہور الیکٹرک سپلائی کمپنی نے سب سے زیادہ 61 ارب روپے نقصان میں کمی کی، اس کمپنی نے بجلی چوری کا بہت بڑا اسکینڈل پکڑا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اویس لغاری پاور سیکٹر نقصان وزیرتوانائیذریعہ: WE News
کلیدی لفظ: اویس لغاری پاور سیکٹر وزیرتوانائی پاور سیکٹر سیکٹر میں بجلی چوری نے کہا کہ ارب روپے حکومت نے
پڑھیں:
پنجاب کی معیشت کو سیلاب سے 500 ارب روپے کا نقصان ہوا: احسن اقبال
اسلام آباد(نیوز ڈیسک) وفاقی وزیر برائے ترقی و منصوبہ بندی احسن اقبال کا کہنا ہے کہ سیلاب سے پنجاب کی معیشت کو 500 ارب روپے کا نقصان ہوا۔
بھینیاں میں متاثرین کو امدادی سامان تقسیم کرنے کی تقریب سے خطاب کرتے ہوئے وفاقی وزیر احسن اقبال نے بتایا کہ سیلاب سے پنجاب کو 500 ارب روپے کے نقصانات کا ابتدائی تخمینہ لگایا گیا ہے، سیلاب کے نتیجے میں پنجاب کی لاکھوں ایکڑ اراضی تباہ ہو گئی جبکہ 4.3 فیصد زرعی رقبہ اور 45 لاکھ افراد متاثر ہوئے۔
احسن اقبال کے مطابق حالیہ سیلاب ہمیں ایک بار پھر زراعت اور معیشت میں پیچھے دھکیل گیا ہے تاہم حکومت اس بار بیرونی امداد یا قرضوں کے بجائے خود انحصاری پر توجہ دے گی، کشکول کو خدا حافظ کہیں گے۔
وفاقی وزیر احسن اقبال نے مزید کہا کہ 2025 کے سیلاب نے ہمیں ایک بار پھر یہ دکھایا ہے کہ موسمیاتی تبدیلی مستقبل کا خطرہ نہیں بلکہ ایک موجودہ حقیقت ہے، آج کی تقسیم صرف ریلیف سامان کی فراہمی نہیں ہے، یہ یکجہتی اور امید کا پیغام ہے۔
دوسری جانب ریلیف کمشنر پنجاب کا کہنا ہے کہ شدید سیلابی صورتِ حال سے 4 ہزار 700 دیہات متاثر ہوئے اور 104 افراد جاں بحق ہو چکے، آج چاروں صوبوں کے زرعی محکموں کا اجلاس بلایا ہے۔
مزید برآں کل سے مون سون کے گیارہویں اسپیل کا الرٹ جاری کردیا گیا ہے جس کے تحت پنجاب کے بالائی علاقوں میں بارشوں کا امکان اور ندی نالوں میں طغیانی کا خدشہ ہے۔
Post Views: 7
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام