خانہ کعبہ کا سالانہ غسل: خوشبو، تقدس اور روحانیت سے بھر پور مراحل
اشاعت کی تاریخ: 10th, July 2025 GMT
حرمین شریفین کی انتظامیہ کے مطابق مسجد الحرام میں خانہ کعبہ کی سالانہ تطہیر کے روح پرور اور تقدس سے لبریز عمل کی تفصیلات جاری کی گئی ہیں جو خوشبو، روحانیت اور شوقِ عبادت سے معمور 3 مراحل پر مشتمل ہے۔
اس مبارک عمل کا پہلا مرحلہ تیاری پر مشتمل ہوتا ہے جس میں 20 لیٹر آب زمزم کو 80 ملی لیٹر خالص عود کے تیل کے ساتھ آمیزش دے کر ایک خوشبودار محلول تیار کیا جاتا ہے۔
یہ بھی پڑھیں: خانہ کعبہ کی تاریخ کو واضح کرتے 13 حصے کون سے ہیں؟
دوسرا مرحلہ غسل کہلاتا ہے جس میں خانہ کعبہ کو 540 ملی لیٹر طائف شہر کے گلاب کے پانی، 11 لیٹر مخصوص خوشبو اور 3 ملی لیٹر خالص مشک سے دھویا جاتا ہے تاکہ اس مقدس مقام کی فضاؤں میں پاکیزگی اور روحانی تازگی بھر دی جائے۔
تیسرے اور آخری مرحلے میں 500 ملی لیٹر گلاب کا تیل خانہ کعبہ پر لگایا جاتا ہے جبکہ 500 گرام اعلی درجے کا عود جلایا جاتا ہے جس سے پورا حرم معطر اور نورانی ماحول میں ڈھل جاتا ہے۔
ادھر خانہ کعبہ سے متعلق 2 اہم رسومات ہر سال مقررہ تواریخ پر انجام دی جاتی ہیں۔ پہلی رسم غلاف کعبہ کی تبدیلی ہے جو ہر سال 9 ذوالحجہ کو حج کے رکن اعظم یعنی یوم عرفہ کے موقعے پر فجر کی نماز کے بعد انجام دی جاتی ہے۔ اور یہ اس وقت کیا جاتا ہے جب حجاج میدان عرفات کی طرف روانہ ہو چکے ہوتے ہیں۔
مزید پڑھیں: تپتی دوپہر میں بھی خانہ کعبہ کا فرش ٹھنڈا کیوں رہتا ہے؟
دوسری رسم خانہ کعبہ کی تطہیر کا عمل ہے جو سال میں 2 بار یعنی 15 محرم الحرام اور 15 شعبان المعظم کو ادا کیا جاتا ہے
اس موقعے پر خانہ کعبہ کی دیواروں کو عطر، عود اور گلاب کے پانی سے دھویا جاتا ہے اور اس میں اعلیٰ حکومتی شخصیات اور حرمین شریفین کی انتظامیہ کے اراکین شریک ہوتے ہیں جو اس فریضے کو نہایت محبت سے انجام دیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خانہ کعبہ خانہ کعبہ کو غسل عطر عود گلاب معطر خانہ کعبہ.ذریعہ: WE News
کلیدی لفظ: خانہ کعبہ کو غسل گلاب خانہ کعبہ کی ملی لیٹر جاتا ہے
پڑھیں:
یاس دیال نے جنسی استحصال کے الزام پر خاموشی توڑ دی، خاتون پر چوری اور فراڈ کا الزام
نیو دہلی(نیوز ڈیسک)انڈین پریمیئر لیگ (آئی پی ایل) 2025 کی فاتح ٹیم رائل چیلنجرز بنگلورو کے فاسٹ بولر یاس دیال نے جنسی استحصال کا الزام لگانے والی خاتون کیخلاف جوابی مقدمہ کی درخواست دے دی۔
گزشتہ دنوں غازی آباد کی ایک خاتون نے یاس دیال پر شادی کا جھانسہ دے کر جنسی استحصال کا الزام لگاتے ہوئے انکے خلاف ایف آئی آر درج کرائی تھی، خاتون نے الزام لگایا تھا کہ وہ پانچ سال سے یاس دیال کے ساتھ تعلق میں تھیں اور کرکٹر نے اس تعلق کا ناجائز فائدہ اٹھایا۔
27 سالہ یاس دیال نے اس الزام پر خاموشی توڑتے ہوئے دعویٰ کیا ہے کہ مذکورہ خاتون نے ان سے لاکھوں روپے علاج اور شاپنگ کے بہانے ادھار لیے اور اب وہ ان کے خلاف جھوٹا مقدمہ دائر کر کے بلیک میل کر رہی ہے۔
یاس دیال نے پریاگ راج کے پولیس اسٹیشن میں خاتون اور اس کے اہلِ خانہ کے خلاف چوری اور فراڈ کے الزام میں شکایت درج کرائی ہے۔
یاس دیال نے الزام لگایا ہے کہ خاتون نے ان کا آئی فون اور لیپ ٹاپ بھی چوری کیا اور ان کے پاس اس کے ثبوت موجود ہیں۔
کرکٹر کے مطابق ان کی خاتون سے پہلی ملاقات 2021 میں انسٹاگرام کے ذریعے ہوئی تھی، جس کے بعد بات چیت کا سلسلہ شروع ہوا۔ بعد ازاں خاتون نے خود اور اپنے اہلِ خانہ کے علاج کے لیے بارہا رقم ادھار لی مگر آج تک واپس نہیں کی۔
یاس دیال کا کہنا ہے کہ جیسے ہی انہیں معلوم ہوا کہ خاتون نے غازی آباد میں ان کے خلاف ایف آئی آر درج کروا دی ہے تو انہوں نے قانونی راستہ اختیار کرتے ہوئے جوابی کارروائی کی۔
یاس دیال کی جانب سے جمع کرائی گئی تین صفحات پر مشتمل درخواست میں خاتون اور اس کے دو اہلِ خانہ سمیت دیگر افراد کے خلاف ایف آئی آر درج کرنے کی اپیل کی گئی ہے۔
Post Views: 5
20 بچوں کی ہلاکت، مریم نواز کے حکم پر ایم ایس اور سی ای او ہیلتھ پاکپتن گرفتار