“آبِ زم زم اور عرقِ گلاب سے بیت اللہ کو غسل، دلوں کو معطر کر دینے والا منظر”
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
مکہ مکرمہ: مسجد الحرام میں سالانہ طور پر منعقد ہونے والی روحانی اور پُر وقار تقریب میں خانہ کعبہ کے اندرونی حصے کو غسل دینے کا عمل مکمل کر لیا گیا، اس مقدس موقع پر خانہ کعبہ کو روایتی انداز میں آبِ زم زم اور عرقِ گلاب سے دھویا گیا جبکہ بعد ازاں اسے نایاب خوشبوؤں سے معطر بھی کیا گیا۔
بین الاقوامی میڈیا رپورٹس کےمطابق غسلِ کعبہ کی یہ روح پرور تقریب ہر سال اسلامی تاریخ کے اہم اور باوقار لمحات میں شمار کی جاتی ہے، جس میں خادم الحرمین الشریفین کی جانب سے اعلیٰ سطحی نمائندے شریک ہوتے ہیں، اس بار بھی سعودی عرب کے گورنر مکہ مکرمہ نے شاہ سلمان بن عبدالعزیز کی نمائندگی کرتے ہوئے اس بابرکت تقریب میں شرکت کی۔
وڈیوز دیکھنے کیلیے کلک کریں.
تقریب میں شاہی خاندان کے ارکان، حرمین شریفین کے آئمہ کرام، مختلف اسلامی ممالک کے سفرا اور دیگر اعلیٰ حکام بھی شریک ہوئے، اس موقع پر خانہ کعبہ کے اندرونی فرش اور دیواروں کو نہایت احترام اور محبت کے ساتھ 40 لیٹر آبِ زم زم اور عرقِ گلاب سے دھویا گیا جو اسلام کی روحانیت اور طہارت کے تصور کی جھلک پیش کرتا ہے۔
غسل کے بعد خانہ کعبہ کے اندر خوشبوؤں کا چھڑکاؤ کیا گیا، جن میں خالص عود، مشک، عنبر اور دیگر قیمتی عطور شامل تھے جو کعبہ شریف کے ماحول کو معطر اور پُر سکون بنا دیتے ہیں، تقریب کے شرکاء نے اس موقع پر نوافل ادا کیے اور اللہ تعالیٰ سے امتِ مسلمہ کے اتحاد، امن، سلامتی اور خیر کے لیے دعا کی۔
مسجد الحرام میں موجود ہزاروں زائرین نے اس روحانی منظر کو بڑی عقیدت اور احترام سے دیکھا، متعدد افراد نے اس منظر کو ویڈیوز اور تصاویر کی صورت میں سوشل میڈیا پر شیئر کیا، جسے دنیا بھر کے مسلمانوں نے عقیدت سے دیکھا اور پسند کیا۔
خیال رہےکہ یہ تقریب نہ صرف ایک روایت کی پاسداری ہے بلکہ مسلمانوں کے لیے روحانی بیداری، اتحاد اور مرکزیت کا استعارہ بھی ہے، غسلِ کعبہ کی اس تقریب نے ایک بار پھر دلوں کو منور کیا اور دنیا بھر کے مسلمانوں کو خانہ کعبہ سے اپنی وابستگی کا احساس دلایا۔
ذریعہ: Jasarat News
پڑھیں:
نوشہروفیروز،سیلاب متاثرین میں گھروں کے مالکانہ حقوق دینے کی تقریب
data-id="863a0a8" data-element_type="widget" data-widget_type="theme-post-content.default">
نوشہرہ فیروز(نمائندہ جسارت )سندھ حکومت کے محکمہ سندھ پیپلز ہاؤسنگ فار فلڈ افیکٹیز (ایس پی ایچ ایف) کی جانب سے لنجار ہاؤس مورو میں 2022ء کے سیلاب اور بارشوں سے متاثر ہونے والی خواتین کو گھروں کی تعمیر کے بعد ان کو مالکانہ حقوق کی اسناد دینے کی تقریب منعقد کی گئی، جس میں 146خواتین کو مکان کے مالکانہ حقوق کی اسناد دی گئیں۔تفصیلات کے مطابق سندھ حکومت نے بارش اور سیلاب سے متاثرہ خواتین کو ان کے گھروں کے مالکانہ حقوق دے دیے ہیں۔ وزیر داخلہ سندھ ضیا الحسن لنجار کی اہلیہ، ان کے صاحبزادوں حسن ضیا لنجار، علی ضیا لنجار، ڈپٹی کمشنر نوشہرو فیروز محمد ارسلان سلیم اور چیئرمین ضلع کونسل نوشہرو فیروز سہیل اختر عباسی نے 146 خواتین کو گھروں کی اسناد دیں۔ اس موقع پر مقررین نے کہا کہ ذوالفقار علی بھٹو نے عوام کو روٹی کپڑا اور مکاں کا نعرہ دیا، جس کے تحت سندھ کے عوام کو اپنے گھر کی تعمیر کے بعد اپنے گھر کے مالکانہ حقوق دیے جارہے ہیں۔ ہمارا نصب العین عوامی خدمت ہے۔ ہم عوامی خدمت پر یقین رکھتے ہیں اور عوام کی خدمت کا کام جاری رکھیں گے۔ انہوں نے کہا کہ ہمیں اور زیادہ کام کرنا ہے یہ تو صرف شروعات ہے۔ تقریب میں ایس ایس پی نوشہرو فیروز بشیر احمد بروہی، چیئرمین میونسپل کمیٹی مورو نذیر احمد میمن، پاکستان پیپلز پارٹی کے رہنما سہیل احمد راجپر، دوست علی سولنگی، محمد خان حاجن جیسر، انفارمیشن آفیسر قمر الزمان بھنبھرو، سافکو کے صوبائی ہیڈ جے پرکاش، ڈسٹرکٹ منیجر سافکو غلام اکبر کھوسو اور دیگر متعلقہ افسران موجود تھے۔
سعودی عرب: بھیڑوں کے جسم میں منشیات چھپانے کی کوشش ناکام