قال اللہ تعالیٰ و قال رسول اللہ ﷺ
اشاعت کی تاریخ: 5th, July 2025 GMT
data-id="863a0a8" data-element_type="widget" data-widget_type="theme-post-content.default">
وہ شخص جو ایمان لایا تھا، بولا ’’اے میری قوم کے لوگو، میری بات مانو، میں تمہیں صحیح راستہ بتاتا ہوں۔ اے قوم، یہ دنیا کی زندگی تو چند روزہ ہے، ہمیشہ کے قیام کی جگہ آخرت ہی ہے۔ جو برائی کرے گا اْس کو اتنا ہی بدلہ ملے گا جتنی اْس نے برائی کی ہو گی اور جو نیک عمل کرے گا، خواہ وہ مرد ہو یا عورت، بشرطیکہ ہو وہ مومن، ایسے سب لوگ جنت میں داخل ہوں گے جہاں اْن کو بے حساب رزق دیا جائے گا۔ اے قوم، آخر یہ کیا ماجرا ہے کہ میں تو تم لوگوں کو نجات کی طرف بلاتا ہوں اور تم لوگ مجھے آگ کی طرف دعوت دیتے ہو!۔ (سورۃ غافر:38تا41)
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: مَن وسَعَ عَلٰی عِیَالِہ وَاہلِہ یَومَ عَاشْورَائَ وسَعَ اللہْ عَلَیہِ سَائِرَ سَنَتِہ یعنی جو شخص عاشوراء کے دن اپنے اہل وعیال پر کھانے پینے کے سلسلے میں فراخی اور وسعت کرے گا تو اللہ تعالیٰ پورے سال اس کے رزق میں وسعت عطا فرمائیں گے۔ (رواہ البیہقی، الترغیب والترہیب)
سیدنا عبداللہ بن عمرؓ سے روایت ہے کہ ہم لوگ عاشورہ کے دن کا روزہ رکھا کرتے تھے پھر جب رمضان کے روزے فرض ہوئے تو آپؐ نے فرمایا یہ دن اللہ کے دنوں میں سے ایک دن ہے جس کا دل چاہے اس میں روزہ رکھے اور جس کا دل چاہے نہ رکھے۔ (مسلم، مشکوٰۃ)
ذریعہ: Jasarat News
پڑھیں:
پہلا سہ روزہ الحمراء صوفی فیسٹیول 2025
لاہور آرٹس کونسل الحمراء کے صفحے پر ایک سنہری خواب کی تکمیل ہونے جا رہی ہے۔ لاہور آرٹس کونسل الحمرا اپنی تاریخ میں پہلی مرتبہ ایک ایسے فیسٹیول کا انعقاد کر رہی ہے جو روحانی ورثے، ثقافتی تنوع، فنونِ لطیفہ اور انسان دوستی کے پیغام کو ایک ہی سمت میں یکجا کرتا ہے۔
اس کوشش کا نام ہے ’الحمراء صوفی فیسٹیول‘جسے آج کے دور کے تقاضوں کے مطابق ڈیزائن کیا گیا ہے، اور اس مقصد کے لیے فکری سطح پر وسیع مشاورت، تحقیق اور متعدد ثقافتی و روحانی پہلوؤں کا گہرائی سے جائزہ لیا گیا ہے۔
یہی وجہ ہے کہ یہ فیسٹیول محض ایک ایونٹ نہیں، بلکہ ایک بھرپور فکری، روحانی اور ثقافتی تجربے کے طور پر سامنے آرہا ہے۔
یہ تاریخی قدم ایگزیکٹو ڈائریکٹر لاہور آرٹس کونسل الحمرا محمد محبوب عالم چودھری کی قیادت، عزم اور وژن کا مظہر ہے۔ ان کی سرپرستی میں اس فیسٹیول کی تیاری نہایت باریک بینی، وسعتِ مطالعہ اورصوفی و ثقافتی جذبے کے ساتھ کی گئی۔
اس کاوش پر محکمہ اطلاعات و ثقافت پنجاب اور چیئرمین الحمرا رضی احمد نے بھرپور پذیرائی اور حوصلہ افزائی حاصل ہے، جو الحمرا کی اہمیت اور اس کی ثقافتی خدمات کا بین الاقوامی اعتراف بھی ہے۔
یہ سہ روزہ صوفی فیسٹیول 28، 29 اور 30 نومبر 2025ء بروزجمعہ، ہفتہ اور اتوارکولاہور میں پیش کیا جائے گا۔ 3 دنوں پر مشتمل یہ فیسٹیول اپنے اندر بے شمار فکری و جمالیاتی جہتیں سموئے ہوئے ہے۔
اس فیسٹیول کی عالمی اہمیت اس حقیقت سے بھی ظاہر ہوتی ہے کہ پاکستان کے معروف اسکالرز، مندو مین، محققین اور صوفی سلسلوں سے وابستہ شخصیات اس میں شریک ہونے کے لئے مدعو کیا جائے گا۔
یہ بین الاقوامی سطح پر ایک ایسا ثقافتی پل بنے گا، جس کا مقصد محبت، بھائی چارے، انسان دوستی اور فنونِ لطیفہ کے ذریعے دلوں کو جوڑنا ہے۔
فیسٹیول میں شامل نمایاں سرگرمیاں میں آج کے انسان اور صوفی فکر کے درمیان نئے رشتے پر گفتگو اور فکری نشستیں،عالمی معیار کی قوالی اور صوفی موسیقی، روحانی جذبے اور سماجی پیغام کے حامل تھیٹر پلے، فنونِ لطیفہ، فلسفہ اور جمالیات پر مبنی ورکشاپس، صوفی مصوری، خطاطی، کرافٹس اور تصویری اظہار کی نمائشیں، صوفی ادب، کلاسیکی کتب اور تحقیقی تصانیف کے کتب اسٹالز،ملک کے نامور فنکاروں، ادیبوں، آرٹسٹوں اور دانشوروں کی خصوصی شرکت بھی اس فیسٹیول کے حسن کو رونق بخشے گی۔
یہ فیسٹیول صوفی فکر کے اس پہلو کو اجاگر کرتا ہے، جو انسان کو باطنی سکون، خیر، محبت، احترام اور تہذیبی آہنگ عطا کرتا ہے۔ فرد کی خیرخواہی سماج کی بہتری کا زینہ بنتی ہے اور یہی صوفی پیغام کی اصل روح بھی ہے۔
الحمراء کا یہ فیسٹیول نہ صرف پاکستان کے روحانی ورثے کو نئی زندگی دے گا، بلکہ عالمی ثقافتی منظرنامے پر بھی ایک نمایاں مقام حاصل کرے گا۔ اس اعلان کے ساتھ ہی عوام اور ثقافت سے محبت رکھنے والوں میں ایک جوش اور خوشی کی لہر دوڑ گئی ہے، اور دنیا بھر سے لوگ اس منفرد اور تاریخ ساز فیسٹیول کا حصہ بننے کے لیے بے تاب ہیں۔
یہ حقیقت ہے کہ ایگزیکٹو ڈائریکٹر محمد محبوب عالم چودھری کی یہ کاوش آنے والے وقت میں نہ صرف الحمرا بلکہ پاکستان کی ثقافتی تاریخ میں سنہری حرفوں سے لکھی جائے گی۔
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
نیب کا کرپشن و قبضہ مافیا کیخلاف آپریشن، اڑھائی برس میں 8397 ارب روپے ریکور