جماعت اسلامی کا 3 روزہ ’بدل دو نظام‘ اجتماع کیا ہے؟
اشاعت کی تاریخ: 20th, November 2025 GMT
’بدل دو نظام‘ پروگرام دراصل ایک ایسا ملک گیر اجتماع ہے جو 21، 22 اور 23 نومبر 2025 کو لاہور کے مینار پاکستان گراؤنڈ میں منعقد ہو رہا ہے۔ یہ پروگرام ’بدل دو نظام‘ کے نعرے کے تحت منعقد کیا جا رہا ہے۔ اسے ملک کے موجودہ سیاسی، معاشی اور سماجی نظام کو تبدیل کرنے کی تحریک کا آغاز قرار دیا جا رہا ہے۔
امیر جماعت اسلامی حافظ نعیم الرحمان نے اسے ایک تاریخی موقع قرار دیا ہے، جہاں لاکھوں کارکن اور شہری اکٹھے ہو کر اتحاد، یکجہتی اور عدل و انصاف پر مبنی نئے نظام کا اعلان کریں گے۔
جماعت اسلامی پاکستان یہ دعویٰ کر رہی ہے کہ ملک بھر سے لاکھوں کارکنوں ’بدلو نظام‘ اجتماع کا حصہ بن رہے ہیں۔ اجتماع میں فلسطین اور کشمیر کی حمایت کے بھی واضح پیغامات دیے جائیں گے۔
یہ بھی پڑھیے فارم 47 کی بنیاد پر حکومت بنے گی تو لوگوں کا جمہوریت سے اعتماد اٹھ جائے گا، حافظ نعیم الرحمان
امیر جماعت اسلامی حافظ نعیم الرحمان نے پریس کانفرنس میں اعلان کیا تھا کہ یہ اجتماع محض ایک جلسہ نہیں بلکہ موجودہ ظالمانہ اور کرپٹ نظام کو بدلنے کی تحریک کا باقاعدہ آغاز ہے۔ انہوں نے کہا کہ پاکستان چند جاگیرداروں، سرمایہ داروں اور مافیاز کی جاگیر نہیں، یہ اللہ کی بنائی ہوئی قوم کا ملک ہے، اور اب وقت آ گیا ہے کہ اسے نظامِ مصطفیٰ ﷺ کی طرف لے جایا جائے۔ ’بدلو نظام تحریک‘ اس لوٹ مار کا خاتمہ کرے گی۔
3 روزہ اجتماع میں کیا کیا ہوگا؟21 نومبر بروز جمعہ، اجتماع کا افتتاحی سیشن ہوگا۔ ملک بھر سے قافلوں کا تاریخی استقبال ہوگا، ملک کی جاری معاشی صورتحال پر عوام کو آگاہ کیا جائے گا، اور نئے نظام کے حوالے سے قراداد منظور کروائی جائے گئی۔
22 نومبر کو تربیتی و فکری سیشنز، اسلامی نظامِ معیشت و سیاست پر لیکچرز، خواتین نوجوانوں کے خصوصی اجلاس ہوں گے۔
اختتامی سیشن 23 نومبر کو ہوگا جس میں آئندہ لائحہ عمل کا اعلان، تحریک ’بدلو نظام‘ کا باقاعدہ آغاز اور قوم کے نام پیغام ہوگا۔ امیر جماعت اسلامی حافظ نعیم الرحمان خطاب کریں گے۔
وی نیوز سے بات کرتے ہوئے جماعت اسلامی کے مرکزی سیکرٹری جنرل امیر العظیم کا کہنا تھا کہ ’بدلو نظام پروگرام‘ کا مطلب پرانے نظام سے چھٹکارا ہے۔ جب پاکستان آزاد ہوا تو ایک عبوری ایکٹ منظور کیا گیا تھا۔ اس وقت یہ کہا گیا کہ جب تک پاکستان اپنا نیا نظام نہیں بنا لیتا تو یہ پرانے نظام اور قواعد چلتے رہیں گے لیکن ابھی تک پرانا نظام ہی رائج ہے جیسا کہ پولیس کا نظام، فوجداری نظام، عدالتی نظام، بیوروکریسی، تحصیل کا نظام۔آج بھی ہماری کتابوں میں لکھا جاتا ہے کہ یہ 1857 کا پروگرام ہے، اس کو تبدیل کرنے کی ضرورت ہے۔ انہوں نے کہا کہ چھبیسویں اور ستائیسویں آئینی ترمیم کے ذریعے پرانے نظام کو مزید مضبوط کرنے کی کوشش ہو رہی ہے۔
یہ بھی پڑھیے سب کو اپنی آئینی پوزیشن پر واپس جانا ہوگا ورنہ انتشار بڑھے گا، حافظ نعیم الرحمان
ان کا کہنا تھا کہ حافظ نعیم الرحمان نے کہا ہے کہ یہ اجتماع 1941 کی یاد تازہ کرے گا جب لاہور ہی میں جماعت اسلامی کی بنیاد رکھی گئی تھی۔ اب ایک بار پھر یہیں سے پاکستان کو عدل و انصاف، شفافیت اور اللہ کی حاکمیت والا نظام دینے کا اعلان کیا جائے گا۔
ان کا کہنا ہے کہ اجتماع مکمل پرامن اور آئینی دائرے میں ہو گا۔ اس کے بعد تحریک کا اگلا مرحلہ پورے پاکستان میں عوامی رابطہ مہم اور احتجاجی پروگراموں پر مشتمل ہوگا۔
جماعت اسلامی کے اجتماع کی ٹائمنگ بہت اہم ہےوی نیوز سے بات کرتے ہوئے سنئیر تجزیہ نگار سلمان غنی کے مطابق جماعت اسلامی کے اس اجتماع کی ٹائمنگ بہت اہم ہے۔ سوال یہ ہے کہ ’بدلو نظام‘ ماٹو کے ساتھ جماعت اسلامی جو اجتماع کر رہی ہے کیا وہ نظام بدلنے کی اہلیت رکھتا ہے؟ نظام بدلنے کے لیے پارلمنٹ میں آنا پڑے گا۔ موجود صورتحال میں یہ ایک بڑی سیاسی مشق ضرور ہے۔ اس اجتماع کے اثرات بلدیاتی انتخابات پر بھی ہوں گے۔ اس اجتماع کے ذریعے جماعت اسلامی ریاست کو ٹارگٹ نہیں کر رہی ہے۔ جماعت اسلامی نے کبھی بھی ریاست سے ٹکراؤ والی پالیسی اختیار نہیں کی۔
انہوں نے کہا کہ جماعت اسلامی کے امیر حافظ نعیم الرحمان کا ’بنو قابل پروگرام‘ قابل ستائش ہے۔ اس پروگرام کے ذریعے وہ لاکھوں نوجوانوں کو آئی ٹی سے ہم آہنگ کر کے لوگوں کو وسائل مہیا کرنے پر کام کر رہے ہیں۔ جماعت اسلامی ایک مہذب سیاسی جماعت ہے، اس لیے یہ اجتماع کامیاب ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بدل دو نظام جماعت اسلامی اجتماع 2025 حافظ نعیم الرحمان.
ذریعہ
ذریعہ: WE News
کلیدی لفظ: جماعت اسلامی اجتماع 2025 حافظ نعیم الرحمان حافظ نعیم الرحمان جماعت اسلامی کے بدلو نظام نے کہا رہی ہے
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
پاکستان نے ورلڈ کپ 2028 کیلیے براہ راست کوالیفائی کر لیا