کراچی: جھگڑے کے دوران بھائی نے بھائی کو قتل کر دیا
اشاعت کی تاریخ: 10th, July 2025 GMT
جمشید کوارٹر کے علاقے پیٹل پاڑہ میں جھگڑے کے دوران بھائی نے بھائی کو تیز دھار آلے کے وار سے قتل کر دیا اور موقع سے فرار ہوگیا۔ مقتول کی لاش چھیپا کے رضا کاروں نے ضابطے کی کارروائی کے لیے سول اسپتال پہنچائی۔
جمشید کوارٹر پولیس کا کہنا ہے کہ مقتول کی شناخت 40 سالہ دلاور ولد دوست محمد کے نام سے کی گئی جبکہ ابتدائی تفتیش کے مطابق واقعہ ذاتی جھگڑے کے دوران پیش آیا جس میں مقتول کو اس کے بھائی نے جہانگیر نے تیز دھار آلے کے وار سے قتل کیا ہے جو کہ موقع سے فرار ہوگیا جس کی تلاش میں پولیس چھاپے ما رہی ہے۔
.ذریعہ: Express News
پڑھیں:
کراچی، قیوم آباد میں پولیس مقابلہ، 2 زخمی ڈاکوؤں سمیت 3 گرفتار
کراچی:ڈیفنس پولیس نے شہر کے مصروف علاقے قیوم آباد اے ایریا میں ایک مبینہ پولیس مقابلے کے دوران تین ڈاکوؤں کو گرفتار کر لیا، جن میں سے دو زخمی حالت میں اسپتال منتقل کیے گئے ہیں۔
چھیپا حکام کے مطابق مقابلے کے دوران زخمی ہونے والے ڈاکوؤں کی شناخت جواد اور شیراز کے نام سے ہوئی ہے جنہیں ابتدائی طبی امداد کے لیے اسپتال منتقل کر دیا گیا ہے۔
جبکہ تیسرا ملزم علی حیدر کو پولیس نے گرفتار کر کے تھانے منتقل کر دیا ہے۔
20 بچوں کی ہلاکت، مریم نواز کے حکم پر ایم ایس اور سی ای او ہیلتھ پاکپتن گرفتار