اسلام آباد ہائیکورٹ کے قائم مقام چیف جسٹس اور ججز کے درمیان کیس ٹرانسفر پر نیا تنازع پیدا ہوگیا
اشاعت کی تاریخ: 28th, March 2025 GMT
اسلام آباد ہائیکورٹ: فوٹو فائل
اسلام آباد ہائیکورٹ کے قائم مقام چیف جسٹس اور ججز کے درمیان کیس ٹرانسفر پر نیا تنازع پیدا ہوگیا۔
جسٹس بابر ستار نے کیس سننے سے معذرت کی، قائم مقام چیف جسٹس نے جسٹس بابر ستار کے بینچ کو ہی کیس سننے کا ایڈمنسٹریٹو آرڈر جاری کردیا۔
اسلام آباد ہائیکورٹ کے جج جسٹس بابر ستار نے قائم مقام چیف جسٹس کے اختیارات پر سوال اٹھاتے ہوئے جوڈیشل آرڈر جاری کردیا۔
حکم نامے میں کہا گیا کہ کیس واپس اِس عدالت کو بھیجنا چیف جسٹس آفس یا رجسٹرار کے اسٹاف کی غیر دانستہ غلطی ہوگی۔
.ذریعہ: Jang News
کلیدی لفظ: قائم مقام چیف جسٹس
پڑھیں:
کیا برطانیہ بھی اسرائیل کی کھل کر مدد کرے گا؟ برطانوی وزیر کا اہم بیان
لندن:برطانیہ کی وزیر خزانہ ریچل ریویس نے کہا ہے کہ برطانیہ ممکنہ طور پر ایران کے ساتھ تنازع میں اسرائیل کی مدد کرسکتا ہے۔
غیرملکی خبرایجنسی رائٹرز کی رپورٹ کے مطابق برطانوی وزیر خزانہ ریچل ریویس نے میڈیا سے گفتگو کرتے ہوئے بتایا کہ برطانیہ ممکنہ طور پر ایران کے ساتھ تنازع میں اسرائیل کی مدد کرسکتا ہے تاہم وضاحت کی کہ مشرق وسطیٰ میں اضافی جنگی طیاروں کی منتقلی کا فیصلہ بنیادی طورپر برطانیہ کے مراکز اورعملے کے تحفظ کے لیے کیا گیا تھا۔
برطانوی وزیرخزانہ نے اسرائیل اور ایران کے درمیان جاری تنازع ختم کرنے پر زور دیا اور کہا کہ مشرق وسطیٰ میں اضافی لڑاکا طیارے بھیجنے کا فیصلہ حفاظتی حکمت عملی تھی۔
تنازع میں اسرائیل کی مدد کے حوالے سے پوچھے گئے سوال پر انہوں نے کہا کہ ہم نے ماضی میں جب بھی میزائل آرہے ہوں تو اسرائیل کی مدد کی ہے اور ہم جنگی سازوسامان اپنی اور اپنے اتحادیوں دونوں کی ممکنہ مدد کے لیے بھیج رہے ہیں۔
برطانیہ کی وزارت خارجہ نے اسرائیل کا سفر نہ کرنے کے لیے ٹریول گائیڈ جاری کردیا ہے جبکہ اس سے قبل جمعے کو وزارت خارجہ نے اپنے شہریوں کو اسرائیل جانے سے خبردار کردیا تھا۔
خیال رہے کہ گزشتہ برس جب ایران اور اسرائیل کے درمیان تنازع ہوا تھا اور ایران نے اسرائیل پر میزائل داغے تھے تو برطانیہ نے اسرائیل کی کھل کر مدد کی تھی، اپریل میں برطانوی طیاروں نے ایرانی ڈرونز مار گرائے تھے جو اسرائیل کی طرف بڑھ رہے تھے۔
بعد ازاں اکتوبر میں بیان میں برطانیہ نے کہا تھا کہ اس کارروائی میں اس کے دو لڑاکا طیارے اور فضا میں ری فیولنگ ٹینکر شامل تھے تاکہ ایرانی میزائلوں کو ناکارہ بنا دیا جائے تاہم جنگی طیاروں نے کسی مقام کو نشانہ نہیں بنایا تھا۔
برطانیہ اور اسرائیل کے درمیان غزہ جنگ کے حوالے سے اختلافات سامنے آئے تھے اور دونوں کے درمیان مسلسل بیان بازی جاری رہی تھی۔
برطانیہ نے گزشتہ ہفتے اسرائیل کے دو سخت گیر وزرا ایٹامار بین گویر اور بیزالیل اسموٹریچ پر پابندیاں بھی عائد کردی تھیں اور ان کو فلسطینیوں کے خلاف اشتعال انگیزی کا مرتکب قرار دیا گیا تھا۔
یمن:ایک ہفتے کے دوران مزید 1,139 بارودی سرنگیں تلف,کل تعداد4 لاکھ 98 ہزار 683 ہوگئی۔