نہروں کا مسئلہ فیڈریشن سے بڑا نہیں، اتفاق رائے ہو گا تو بات آگے بڑھے گی: رانا ثناء
اشاعت کی تاریخ: 31st, March 2025 GMT
اسلام آباد(نوائے وقت رپورٹ) وزیراعظم کے مشیر برائے سیاسی امور اور مسلم لیگ (ن) کے رہنما رانا ثنا اللّٰہ نے کہا ہے نہروں کا مسئلہ فیڈریشن سے بڑا نہیں، نہروں پر اتفاق رائے ہوگا تو بات آگے بڑھے گی۔ انہوں نے کہا وزیراعظم اور بلاول بھٹو کی ملاقات میں کینالز کا مسئلہ زیر بحث آیا، وزیراعظم نے معاملہ اتفاق رائے سے حل کرنے کی یقین دہانی کرائی۔ رانا ثنا اللّٰہ نے کہا سندھ میں کینالز کے خلاف پیپلز پارٹی اور فیڈریشن پر حملے ہو رہے ہیں۔ پیپلز پارٹی کو رد عمل دینا چاہیے، فیڈریشن کو نقصان پہنچانے کی اجازت نہیں دینی چاہیے۔ رانا ثنااللّٰہ نے کہا ہمیں اکھٹے ہو کر ملک کو معاشی بحران سے نکالنا چاہیے، بجلی کے نرخ میں کمی کے لیے وفاقی حکومت کوشش کر رہی ہے۔وزیراعظم کے مشیر برائے سیاسی امور رانا ثناء اللہ نے کہا ہے کہ سندھ میں کچھ عناصر نے کینال منصوبے کو متنازع بنا دیا ہے۔ سندھ میں ایسے عناصر ہیں جو خود کو سندھ کے سب سے زیادہ ہمدرد سمجھتے ہیں۔ پی پی کے لئے ممکن نہیں رہا کہ وہ کینال منصوبے پر بیٹھ کر بات کر سکے، اس وقت پی پی کی جو پوزیشن ہے اسے سمجھ سکتے ہیں۔ یہ پروجیکٹ ہے اس کے مثبت اثرات اور منفی بھی ہو سکتے ہیں۔ اس پر بیٹھ کر بات کر کے کوئی راستہ نکالا جا سکتا ہے۔ بات سی سی آئی اجلاس کے بعد آگے چلے گی۔ کینال منصوبہ کو ان عناصر نے سیاست زدہ کر دیا ہے۔ انہوں نے کالا باغ ڈیم منصوبے کو بھی اسی طرح سیاست زدہ کر دیا تھا۔
.ذریعہ: Nawaiwaqt
کلیدی لفظ: نے کہا
پڑھیں:
ن لیگ اور پی پی کا پانی کے مسئلے پر مشاورتی عمل کو آگے بڑھانے پر اتفاق
اسلام آباد(نیوز ڈیسک)مسلم لیگ ن اور پیپلزپارٹی کے درمیان پانی کے مسئلے پر مشاورت کے عمل کو آگے بڑھانے پر اتفاق ہوگیا۔
وزیراعظم کے مشیر رانا ثنا اللہ کا سینئر وزیر سندھ شرجیل میمن سے دوبارہ ٹیلیفونک رابطہ ہوا، رانا ثنا اللہ نے کہا کہ تمام معاملات کو افہام و تفہیم سے حل کرنے پر یقین رکھتے ہیں، واٹر کارڈ کے مطابق کسی صوبے کا پانی دوسرے صوبے کو منتقل نہیں کیا جاسکتا۔
ان کا مزید کہنا تھا کہ پانی کے مسئلے کا حل انتظامی اور تکنیکی بنیادوں پر کیا جائے گا، کسی صوبے کی حق تلفی نہیں ہوگی۔
Post Views: 1
تمام اختلافات بھلا کر دہشت گردی کے خاتمے کیلئے مل کر کام کرنا ہے:شہباز شریف