امیتابھ بچن کی پہلی محبت کون؟ نوجوانی کی اَن سنی محبت کا راز فاش
اشاعت کی تاریخ: 2nd, April 2025 GMT
بالی ووڈ کے شہنشاہ امیتابھ بچن کی محبت کی داستان ہمیشہ سے فلمی دنیا کی دلچسپ ترین کہانیوں میں سے ایک رہی ہے۔ جبکہ سب جانتے ہیں کہ ان کی زندگی میں جیا بچن اور ریکھا کا خاص مقام رہا، اب ایک نئے انکشاف نے سب کو حیرت میں ڈال دیا ہے۔
سینئر صحافی حنیف زویری نے اپنے پوڈکاسٹ ’میری سہیلی‘ میں انکشاف کیا کہ جیا بچن سے شادی اور ریکھا سے تعلقات سے بہت پہلے، امیتابھ کولکتہ میں ایک عام نوکری کرتے وقت مایا نامی لڑکی سے پیار کر بیٹھے تھے۔ اس وقت بچن صرف 250-300 روپے ماہانہ کماتے تھے۔
مایا برٹش ایئرویز میں ملازم تھیں اور دونوں کا یہ رشتہ کافی عرصہ چلا۔ حنیف کے مطابق، ’’مایا بھی امیتابھ سے بہت پیار کرتی تھی اور وہ اکثر ملتے تھے۔‘‘ لیکن جب امیتابھ نے اداکار بننے کا فیصلہ کیا اور ممبئی چلے گئے، تو معاملات پیچیدہ ہونے لگے۔
ممبئی میں امیتابھ اپنی والدہ تیجی بچن کی ایک دوست کے بنگلے میں رہنے لگے۔ حنیف بتاتے ہیں، ’’مایا وہاں امیتابھ سے ملنے آتی تھیں، لیکن بچن ڈرتے تھے کہ کہیں ان کی والدہ کو ان کے تعلقات کا پتہ نہ چل جائے۔‘‘ یہی وہ وقت تھا جب انور علی نے امیتابھ کو اپنے بھائی محمود علی کے گھر میں پناہ دی۔
دلچسپ بات یہ کہ دونوں کی شخصیات میں زمین آسمان کا فرق تھا۔ حنیف کے الفاظ میں، ’’امیتابھ شرمیلے تھے جبکہ مایا بہت بولڈ تھیں۔‘‘ آخرکار انور علی کے مشورے پر امیتابھ نے مایا سے دوری اختیار کرلی اور یوں یہ رشتہ ختم ہوگیا۔
یہ کہانی اس لحاظ سے بھی دلچسپ ہے کہ اگر امیتابھ نے مایا سے شادی کرلی ہوتی، تو شاید ہندی سنیما کو وہ بگ بی کبھی نہ ملتا جو آج ہم جانتے ہیں۔ جیا بچن سے ان کی شادی نے نہ صرف ان کی ذاتی زندگی کو استحکام دیا بلکہ ان کے کیریئر کو بھی نئی راہیں دکھائیں۔
Post Views: 1.ذریعہ: Daily Mumtaz
پڑھیں:
مس یونیورس میں حصہ لینے کے لیے فلسطین کی پہلی حسینہ میدان میں آگئی
خوبصورتی کے عالمی مقابلے مس یونیورس کی تاریخ میں پہلی مرتبہ فلسطین اپنی نمائندہ کے ساتھ اسٹیج پر آئےگا۔ فلسطینی نژاد اور متحدہ عرب امارات میں مقیم حسینہ نادین ایوب رواں سال نومبر میں منعقد ہونے والے اس مقابلے میں شریک ہوں گی۔
نادین ایوب نے انسٹاگرام پر ایک ویڈیو اور پیغام میں اپنے انتخاب کی تصدیق کی اور کہاکہ وہ اس عالمی ایونٹ کو اپنے وطن کے مسائل دنیا کے سامنے رکھنے کا ذریعہ بنائیں گی۔
View this post on Instagram
A post shared by Nadeen Ayoub (@nadeen.m.ayoub)
یہ بھی پڑھیں: دبئی میں بطور ویٹرس کام کرنے والی لڑکی مس یونیورس فلپائنز 2025 کی امیدوار کیسے بنی؟
انہوں نے بتایا کہ وہ مقابلے میں فلسطینی ڈیزائنر ہبا عبدالکریم کا تیار کردہ روایتی لباس پہنیں گی، جس پر قومی رنگ اور نفیس کشیدہ کاری نمایاں ہے۔
تھائی لینڈ کے شہر پاک کریت میں نومبر کو ہونے والے 73ویں سالانہ مس یونیورس مقابلے میں شرکت کو نادین نے اپنے لیے اعزاز قرار دیا۔
ان کا کہنا تھا کہ جب ان کا ملک خاص طور پر غزہ شدید بحران سے گزر رہا ہے، وہ ایسے عوام کی آواز ہیں جو خاموشی اختیار کرنے پر تیار نہیں۔ وہ ہر اس فلسطینی عورت اور بچے کی نمائندہ ہیں جن کی ہمت اور عزم دنیا کو دکھایا جانا ضروری ہے۔
نادین ایوب نے کہاکہ ہم صرف اپنے زخم نہیں بلکہ اپنی امید، حوصلے اور اس دھڑکتے دل کے وارث ہیں جو ہمارے وطن کو زندہ رکھتا ہے۔ ’ان کی شرکت اس موقع پر ہو رہی ہے جب غزہ میں 22 ماہ سے جاری جنگ نے انسانی بحران کو بدترین شکل دے دی ہے۔‘
اقوام متحدہ کے ورلڈ فوڈ پروگرام کے مطابق جنگ کے آغاز کے بعد سے بھوک اور غذائی قلت کی سطح بلند ترین مقام پر پہنچ چکی ہے، اور کم از کم 100 ٹرک روزانہ خوراک غزہ میں داخل کرنے کا مطالبہ کیا گیا ہے۔ غزہ کی وزارتِ صحت کے مطابق غذائی قلت سے اب تک 239 افراد، جن میں 106 بچے شامل ہیں، جان کی بازی ہار چکے ہیں۔
نادین ایوب کا پس منظر
یافا سے تعلق رکھنے والی 27 سالہ نادین نے بچپن مغربی کنارے، کینیڈا اور امریکا میں گزارا۔ انہوں نے کینیڈا کی یونیورسٹی آف ویسٹرن اونٹاریو سے ادب اور نفسیات میں ڈگری حاصل کی اور فی الحال فٹنس کوچ اور غذائیت کی ماہر کے طور پر کام کر رہی ہیں۔
سنہ 2022 میں مس فلسطین کا تاج اپنے نام کرنے کے بعد نادین نے فلپائن میں منعقدہ مس ارتھ مقابلے میں فلسطین کی نمائندگی کی، جہاں وہ ٹاپ فائیو میں شامل ہوئیں اور مس واٹر 2022 کا اعزاز جیتا۔
View this post on Instagram
A post shared by Nadeen Ayoub (@nadeen.m.ayoub)
وہ انسانی حقوق اور ماحولیاتی تحفظ کی سرگرم کارکن بھی ہیں۔ دبئی میں انہوں نے اولِو گرین اکیڈمی قائم کی، جو متحدہ عرب امارات میں خواتین کو پائیداری اور مصنوعی ذہانت کے شعبوں میں تربیت فراہم کرنے والا پہلا ادارہ ہے۔
یہ بھی پڑھیں: ’مس یونیورس 2024‘، دنیا کی سب سے خوبصورت دوشیزہ کس ملک سے ہیں؟
نادین سیداتِ فلسطین نامی پلیٹ فارم کے ساتھ بھی منسلک ہیں، جو خواتین کو تعلیم اور بااختیار بنانے کے پروگرام چلاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پہلی حسینہ فلسطین مس یونیورس مقابلہ وی نیوز
پاک افغان بارڈر سے خواجیوں کی پاکستان میں داخلے کی کوشش ناکام ، 33جہنم واصل