ایک اور خوشخبری آنے والی ہے، وزیراعظم جلد اعلان کریں گے: عظمیٰ بخاری
اشاعت کی تاریخ: 6th, April 2025 GMT
لاہور (نوائے وقت رپورٹ+نیوز رپورٹر) وزیر اطلاعات پنجاب عظمٰی بخاری نے کہا ہے کہ ملک میں خوشخبریوں کا سلسلہ شروع ہو چکا ہے۔ دوسری جانب آئی ایم ایف کو خط لکھنے والے شدید تکلیف میں ہیں۔ پاکستان کے عوام کیلئے ایک اور خوشخبری آنے والی ہے جس کا وزیر اعظم جلد اعلان کریں گے۔ عوامی ریلیف پر نام نہاد یوٹیوبرز اور فساد پارٹی کو بہت تکلیف ہو رہی ہے۔ انہوں نے کہا کہ گنڈا پور کی وزارتِ اعلیٰ خطرے میں ہے۔ اسے اپنی ہی جماعت کے لوگ کرپٹ قرار دے رہے ہیں۔ کے پی میں کرپشن کی کہانیاں ہر زبان پر ہیں، مگر اس معاملے پر نام نہاد یوٹیوبرز اور میڈیا خاموش ہیں۔ کے پی میں نہ تو انفراسٹرکچر بنا اورنہ ہی ادویات فراہم ہوئیں جبکہ چترال کے جنگلات میں 866 کروڑ روپے کا قومی نقصان ہوا۔ کے پی میں ہسپتالوں، مساجد اور گندم کی خریداری کے نام پر اربوں روپے ٹائیگر فورس میں تقسیم کئے گئے ہیں۔ پنجاب میں رمضان سہولت بازاروں میں عوام کو 1 ارب 11 کروڑ روپے کی بچت فراہم کی گئی ہے۔ تھیٹرز میں اصلاحات کی کوشش پر مالکان کی بلیک میلنگ اور عدالتی دھمکیاں سننے کو مل رہی ہیں۔ وزیر اعلٰی پنجاب مریم نواز کی اپروول کے بعد تھیٹرز میں بہتری کیلئے نیا لائحہ عمل لائیں گے۔ پانی کے معاملے پر بات جلسوں میں نہیں بلکہ بیٹھ کر ہونی چاہیے۔ ان خیالات کا اظہار انہوں نے ڈی جی پی آر میں پریس کانفرنس کرتے ہوئے کیا۔ انہوں نے کہا کہ عید الفطر کے بعد شہباز شریف نے بجلی کی قیمتوں میں کمی کا اعلان کیا ہے، جس سے گرمیوں کے موسم میں عوام کو بڑا ریلیف حاصل ہو گا۔ انہوں نے کہا کہ یہ ریلیف ایک مشکل مرحلے کے بعد ممکن ہوا، کیونکہ آئی ایم ایف کو منانا آسان نہیں تھا۔ پنجاب حکومت کی جانب سے وزیر اعظم شہباز شریف کا شکریہ ادا کیا گیا ہے کہ بجلی کے بلوں میں تیزی سے ہونے والے اضافے کو روکا گیا۔ شہباز شریف نے ملک کی معیشت کو سنبھالا اور سری لنکا جیسے حالات پیدا کرنے کی سازشوں کو ناکام بنایا۔ اگست تک تیرہ نئے سہولت بازار قائم کیے جائیں گے اور 69 کروڑ روپے کی لاگت سے موجودہ سہولت بازاروں کو سولر انرجی پر منتقل کیا جا رہا ہے۔14 مقامات پر "سہولت آن دی گو" پروگرام شروع ہو گا۔ اب تمام ادویات مارکیٹ میں ڈسپلے پر دستیاب ہوں گی اور اس حوالے سے شکایات کے لیے وزیر اعلیٰ کا خصوصی ڈیسک قائم کیا گیا ہے۔ پنجاب میں عید کے دوران صفائی کے مربوط نظام کے تحت ایک ارب روپے کی لاگت سے ایک لاکھ افراد کو روزگار فراہم کیا گیا۔ وفاقی حکومت چھ سو ارب روپے امن و امان کے فنڈز کا حساب لے۔ این ایف سی ایوارڈ میں پیسوں کی تقسیم سے پہلے ان کے خرچ کا حساب ہونا چاہیے۔
.ذریعہ: Nawaiwaqt
پڑھیں:
امید ہے وزیر اعلیٰ خیبر پختونخوا سہیل آفریدی تعاون کی پیشکش کو قبول کریں گے، وزیر اعظم شہباز شریف
اسلام آباد(ڈیلی پاکستان آن لائن)وزیراعظم شہباز شریف نے دہشتگردی کے خاتمے کے لیے خیبر پختونخوا سمیت تمام صوبوں سے مل کر کام کرنے کی اپیل کردی۔چترال میں دانش سکول کا سنگ بنیاد رکھنے کی تقریب سے خطاب کرتے ہوئے وزیراعظم نے کہا کہ ہمیں امن و اتحاد کا ثبوت دینا چاہیے، سیاست کریں لیکن ملک کی ترقی اور دہشتگردی کے خاتمے کیلیے ایک رہیں، سہیل آفریدی کو وزیر اعلیٰ خیبر پختونخوا منتخب ہونے پر فون پر مبارک باد دی، تعاون کی پیشکش کی، امید ہے وہ میری پیشکش کو قبول کریں گے۔
وزیر اعظم شہباز شریف نے معرکہ حق میں فیلڈ مارشل عاصم منیر اور افواج پاکستان کی بہادری کو سراہا، جنگ بندی میں اہم کردار ادا کرنے پر امریکی صدر ڈونلڈ ٹرمپ کا شکریہ ادا کیا۔شہباز شریف نے کہا کہ چترال کےخوبصورت علاقے میں حاضر ہوا ہوں، خیبر پختونخوا کے عوام بہادر اور غیور ہیں، انہوں نے پاکستان کیلئے بڑی قربانیاں دی ہیں، چترال والوں کی حب الوطنی مثالی ہے، آپ نے پاکستان کی ترقی کیلئے عظیم کاوشیں کی ہیں، چترال کے عوام بہت مہذب اور پُرامن لوگ ہیں، چترال آکر بہت خوشی ہوئی۔
خیبرپختونخوا کابینہ کے 10 ارکان نے حلف اُٹھا لیا
وزیراعظم نے کہا کہ نواز شریف پورے ملک کی ترقی میں ہمیشہ مصروف رہتے تھے، نواز شریف کی کے پی کے ترقیاتی منصوبوں میں بہت دلچسپی ہوتی تھی، چترال کے عوام کیلئے خاص تحفہ لے کر آیا ہوں، دانش اسکول منصوبہ آپ کا حق ہے، یہ احسان نہیں، عام آدمی کے بچے اس دانش اسکول میں جائیں گے، تعلیمی معیار بہترین ہوگا، دانش اسکول میں تعلیم بالکل مفت ہوگی، وفاق آپ کے ساتھ بھر پور تعاون کرے گا۔شہباز شریف نے کہا کہ پاکستان کو عظیم بنائیں گے، پاکستان کو اللّٰہ تعالیٰ نے بے پناہ معدنیات سے نوازا ہے، نوجوان بچوں کو اعلیٰ تعلیم دلوا کر اثاثہ بنوائیں گے، چترال کے بچوں اور بچیوں کو بھی لیپ ٹاپس دیے جائیں گے۔وزیراعظم شہباز شریف نے چترال میں اسپتال بنانے کا اعلان کیا اور کہا کہ اسلام آباد جاتے ہی چترال میں گیس پلانٹ کے آرڈر جاری کروں گا، چترا ل میں فی الفور گیس پلانٹ لگایا جائے گا۔
پی ٹی آئی اور اسٹیبلشمنٹ کی وجہ سے آزاد کشمیر کے گزشتہ الیکشن میں ہماری جیت کو راتوں رات شکست میں تبدیل کیاگیا،بلاول بھٹو
مزید :
کراچی: گورنر خیبرپختونخوا کے میڈیا ایڈوائزر کی چھینی گئی گاڑی برآمد