ڈیجیٹل نومیڈ ویزا: پاکستانی فری لانسرز کے لیے راہیں مسدود کیوں؟
اشاعت کی تاریخ: 6th, April 2025 GMT
اسلام آباد (اُردو پوائنٹ ۔ DW اردو۔ 06 اپریل 2025ء) ماہرین کے مطابق، یورپ، جنوب مشرقی ایشیا اور لاطینی امریکہ کے کئی ممالک نے غیر ملکی فری لانسرز کو قانونی طور پر کام کرنے اور ملکی معیشت میں حصہ ڈالنے کے لیے خصوصی پروگرام متعارف کرائے ہیں۔ تاہم، سخت ویزا پالیسیوں اور قانونی پیچیدگیوں کے باعث پاکستانی فری لانسرز کے لئے ان مواقع سے فائدہ اٹھانا ایک بڑا چیلنج ہے۔
ڈیجیٹل نومیڈ ویزا کیا ہے؟متحدہ عرب امارات کا ڈیجیٹل نومیڈ ویزا حاصل کرنے والے پاکستانی خالد حسین میر کہتے ہیں یہ ویزا فری لانسرز اور ڈیجیٹل ورکرز کو کسی دوسرے ملک میں رہتے ہوئے بین الاقوامی کلائنٹس یا کمپنیوں کے لئے کام کرنے کی اجازت دیتا ہے اور بغیر مقامی ملازمت کی شرط کے قانونی رہائش فراہم کرتا ہے۔
(جاری ہے)
یہ عالمی منڈیوں تک رسائی، بہتر بینکنگ سہولیات، نیٹ ورکنگ کے مواقع اور مستحکم کام کے ماحول کی سہولت فراہم کرتا ہے۔
خالد حسین کے مطابق، یہ پاکستان میں محدود ادائیگی کے گیٹ ویزا، بینکنگ پابندیوں اور انٹرنیٹ سنسرشپ جیسے چیلنجز کو کم کرنے میں مدد دیتا ہے، جس سے عالمی ادائیگیوں کی وصولی اور کاروبار کو وسعت دینا آسان ہو جاتا ہے۔ اس کے ساتھ ساتھ، یہ بین الاقوامی کلائنٹس کے ساتھ اعتماد اور ساکھ میں بھی اضافہ کرتا ہے۔
کون سے ممالک نومیڈ ویزا فراہم کرتے ہیں؟خالد حسین میر کے مطابق، متعدد ممالک پاکستانی فری لانسرز کو ڈیجیٹل نومیڈ ویزا کی سہولت فراہم کرتے ہیں، جن میں متحدہ عرب امارات، ملائیشیا، پرتگال، اسپین، ایسٹونیا، یونان، کروشیا اورجارجیا شامل ہیں۔
زیادہ تر ممالک ویزا کے لیے چھ ماہ کا بینک اسٹیٹمنٹ، کم از کم چھ ماہ کے لیے درست پاسپورٹ، دور دراز کام کا ثبوت، پولیس کلیئرنس، اور ہیلتھ انشورنس کا تقاضا کرتے ہیں۔ تاہم، ہر ملک کی شرائط مختلف ہو سکتی ہیں۔ نومیڈ ویزا کا حصول کیوں مشکل؟اسلام آباد کے نوجوان فری لانسر فرحان یونس کے مطابق، پاکستانی فری لانسرز کو ویزا حاصل کرنے میں سب سے بڑی رکاوٹ انکم پروف اور ٹیکس اسٹیٹس جیسے غیر واضح دستاویزی تقاضے ہیں، جنہیں خود تیار کرنا پڑتا ہے، جس سے عمل مزید پیچیدہ ہو جاتا ہے۔
وہ کہتے ہیں کہ ٹیکس قوانین کی غیر یقینی صورتحال اور دوہرے ٹیکس کے مسائل ویزا درخواست دہندگان کے لیے مشکلات پیدا کرتے ہیں۔ پاکستان میں ریموٹ ورک اور فری لانسنگ کے لیے واضح قانونی فریم ورک نہ ہونے کے باعث ویزا پراسیس مزید پیچیدہ ہو جاتا ہے، جس کی وجہ سے کئی فری لانسرز درخواست دینے سے گریز کرتے ہیں۔ پاکستانی پاسپورٹ کی کمزور درجہ بندیخالد حسین میر کے مطابق، پاکستانی پاسپورٹ کی کمزور حیثیت اور حالیہ ملک بدری کے واقعات ویزا کے حصول کو مزید دشوار بنا دیتے ہیں۔
سخت جانچ پڑتال، سوشل میڈیا کے بے جا استعمال کے الزامات، اور پاکستان میں آن لائن کام پر بار بار عائد کی جانے والی پابندیاں فری لانسرز کے لیے ایک مستحکم اور سازگار کام کے ماحول کی راہ میں رکاوٹ بنی ہوئی ہیں۔فرحان یونس کے مطابق، سیاسی عدم استحکام، بیوروکریسی کی پیچیدگیاں، سکیورٹی خدشات اور اقتصادی مشکلات پاکستانی شہریوں کے لیے بین الاقوامی ویزا کے حصول کو دشوار بنا رہی ہیں۔
کئی ممالک فری لانسرز کو ویزا دینے میں ہچکچاہٹ کا مظاہرہ کرتے ہیں، جبکہ ویزا ملنے کے بعد بھی بعض خطوں میں پابندیاں عائد کی جاتی ہیں۔ عالمی مارکیٹ میں پاکستانی ٹیلنٹ کا مستقبلمعروف سیاسی ماہرِ معیشت خالد محمود رسول کے مطابق، پاکستان میں آئی ٹی گریجویٹس کی بڑی تعداد اور ضروری مہارتوں کے باعث ایک مضبوط فری لانسر کمیونٹی ابھر کر سامنے آ رہی ہے، جسے بین الاقوامی سطح پر تسلیم کیا جا رہا ہے۔
آئی ٹی سیکٹر کی ترقی روایتی صنعتوں سے مختلف ہے، جہاں ریموٹ ورکنگ اور اوپن کمپیٹیشن کے رجحانات غالب ہیں، جو پاکستانی فری لانسرز کے لیے عالمی مواقع فراہم کرتے ہیں۔راولپنڈی کی فری لانسر عروج فاطمہ کا کہنا ہے کہ بین الاقوامی کلائنٹس کم لاگت میں معیاری کام کے حصول کے لیے پاکستان اور دیگر ایشیائی ممالک کو ترجیح دیتے ہیں، جو نہ صرف فری لانسرز کے لیے بہتر آمدنی کے مواقع پیدا کرتے ہیں بلکہ بین الاقوامی کمپنیوں کو کم لاگت میں معیاری کام فراہم کرتے ہیں۔
عروج فاطمہ کے مطابق، اگر انٹرنیٹ اور بنیادی سہولیات کے مسائل حل ہو جائیں تو پاکستان میں فری لانسنگ کا شعبہ مزید ترقی کر سکتا ہے۔ پاکستانی معیشت میں نجی شعبے کا کردار؟ماہرِ معیشت خالد محمود رسول کے مطابق، پاکستان کی معیشت میں نجی شعبہ فعال کردار ادا نہیں کر رہا، جس کی کئی ایک وجوہات ہیں۔ ان کے مطابق دولت کی تخلیق کی حوصلہ شکنی سخت حکومتی پالیسیوں، پیچیدہ ٹیکس نظام اور دیگر عوامل کی وجہ سے کی جاتی ہے۔
انہوں نے مزید کہا کہ وفاقی اور صوبائی سطح پر پیچیدہ پالیسی سازی اور ماضی کے غیر مستحکم معاشی حالات نے نجی شعبے کی ترقی میں رکاوٹیں پیدا کی ہیں، جس کے نتیجے میں سرمایہ کاری کے مواقع محدود ہو گئے ہیں۔ ماہرین کا کہنا ہے کہ اگر پاکستان میں اقتصادی ترقی کو فروغ دینا ہے تو نجی شعبے کے لیے سازگار ماحول فراہم کرنا ناگزیر ہے۔
پاکستان ایشیائی ممالک سے پیچھے؟خالد محمود رسول کے مطابق، پاکستان میں قدرتی کاروباری صلاحیت کو وہ ترقی نہیں ملی جو دیگر ایشیائی ممالک میں دیکھنے کو ملی، جس کی وجہ سے ملکی معیشت میں ایس ایم ایز اور بڑی صنعتوں کا حصہ 25 فیصد سے کم ہے۔
وہ کہتے ہیں کہ اگر کاروباری ماحول کو آسان اور مارکیٹ کو آزاد رکھا جاتا تو نجی شعبہ زیادہ مؤثر کردار ادا کر سکتا تھا۔انہوں نے مزید کہا کہ آئی ٹی ایک منفرد صنعت ہے جو روایتی ماڈلز سے مختلف ہے۔ چونکہ اس شعبے میں ریموٹ ورکنگ عام ہے اور خدمات انٹرنیٹ کے ذریعے دنیا بھر میں فراہم کی جا سکتی ہیں، اس لیے یہ اوپن کمپیٹیشن ماڈل پر چلتا ہے، جہاں مہارت کی بنیاد پر عالمی مواقع دستیاب ہوتے ہیں۔
ادارت جاوید اختر
.ذریعہ: UrduPoint
کلیدی لفظ: تلاش کیجئے پاکستانی فری لانسرز فری لانسرز کے لیے فراہم کرتے ہیں فری لانسرز کو بین الاقوامی پاکستان میں خالد حسین کے مطابق
پڑھیں:
خلا میں کون سا پاکستانی خلاباز جائے گا؟ چین میں انتخاب شروع
چین کا شینزو خلائی 20 مشن خلا میں جانے کے لیے تیار ہے، یہ مشن جمعرات شام 5.17 بجے 3 خلابازوں کو چینی خلائی اسٹیشن تیانگونگ لے کر جائے گا۔
چائنا مینڈ اسپیس ایجنسی کے حکام کے مطابق مشن کا بنیادی مقصد شینزو 19 کے عملے کے ساتھ مدار میں گردش مکمل کرنا ہے۔
یہ بھی پڑھیں:چینی خلابازمستقبل قریب میں خلائی اسٹیشن سے باہر دوسری سرگرمی انجام دیں گے
حکام کے مطابق شمال مغربی چین میں جیوکوان سیٹلائٹ لانچ سینٹر سے شینزو 20 خلائی پرواز خلابازوں چن ڈونگ، چن ژونگروئی اور وانگ جی کو لے کر جائے گی۔
خلائی پرواز چن ڈونگ کی تیسری اور دیگر 2 کے لیے پہلی ہوگی۔ ان میں ایک خلائی انجینئر اور ایک فضائیہ کا سابق پائلٹ ہے۔
چائنا مینڈ اسپیس ایجنسی کے حکام کے مطابق خلاباز خلائی سائنس اور ایپلیکیشن کے تجربات کریں گے۔ اس کے علاوہ خلائی ملبے سے بچاؤ کے آلے کے ساتھ ساتھ ایکسٹرا ویکیولر پے لوڈ اور آلات نصب کریں گے، اور بحالی کے کام انجام دیں گے۔
یہ مشن اپنے ساتھ زیبرا فش، پلانریئنز اور اسٹریپٹومائسز کو بھی تحقیقی اشیا کے طور پر لے کر جائے گا تاکہ خلائی اسٹیشن پر زندگی سے متعلق سائنسی تجربات کیے جائیں۔
ہانگ کانگ، مکاؤ اور پاکستانی خلابازچائنا مینڈ اسپیس ایجنسی کے حکام کے مطابق شینزو خلائی پروازوں میں حصہ لینے کے لیے ملک کے خلابازوں کی چوتھی کھیپ اس وقت زیر تربیت ہے، جس میں پہلی بار چین کے خصوصی انتظامی علاقوں ہانگ کانگ اور مکاؤ کے ساتھ ساتھ پاکستان کے خلاباز بھی شامل ہیں۔
چینی سرکاری میڈیا کے مطابق ہانگ کانگ اور مکاؤ کے خلاباز 2026 کے اوائل میں اپنا پہلا مشن انجام دے سکتے ہیں۔
چین نے کہا کہ پاکستانی خلابازوں کے انتخاب کا عمل جاری ہے۔ دونوں ممالک نے فروری میں خلائی تعاون کے ایک معاہدے پر دستخط کیے تھے۔
چینی مشن میں شامل ہونے والے 2 پاکستانی خلابازوں میں سے ایک چین کے خلائی اسٹیشن پر پے لوڈز اور سائنسی تحقیق پر توجہ مرکوز کرنے کے لیے تیار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان پاکستانی خلاباز پانگ کانگ چائنا مینڈ اسپیس ایجنسی چین مکاؤ
افغان باشندوں کی باعزت واپسی یقینی بنا رہے ہیں، چیف سیکرٹری بلوچستان