پی ٹی آئی کے سوشل میڈیا کی وجہ سے عمران خان کے لیے مشکلات بڑھ رہی ہیں، شیر افضل مروت
اشاعت کی تاریخ: 6th, April 2025 GMT
سینیئر سیاستدان و ممبر قومی اسمبلی شیر افضل مروت نے کہا ہے کہ عمران خان اور کارکنوں کی گرفتاری سے پارٹی کا مورال بلند ہوا، لیکن اب کسی کو بانی کی رہائی کی فکر نہیں۔ پی ٹی آئی کے سوشل میڈیا کی وجہ سے عمران خان کے لیے مشکلات بڑھ رہی ہیں۔
نجی ٹی وی کو انٹرویو دیتے ہوئے انہوں نے کہاکہ مجھے آہستہ آہستہ پارٹی سے سائیڈ لائن کیا گیا، مجھ پر ہونے والی تنقید گالم گلوچ تک پہنچ گئی۔
یہ بھی پڑھیں شیر افضل مروت پی ٹی آئی میں جلد واپسی کے لیے پرامید کیوں؟
انہوں نے کہاکہ 9 مئی کے بعد پی ٹی آئی کو سیاسی عروج حاصل ہوا، لیکن تحریک انصاف میں لوگ روایتی ہتھکنڈے استعمال کرتے ہیں۔
شیر افضل مروت نے کہاکہ 9 مئی کے بعد پریس کانفرنس کرنے کے باوجود کئی لوگ پی ٹی آئی میں واپس آئے، الیکشن میں بہت سے سارے کارکنوں کو ٹکٹ ملنے چاہیے تھے جو نہیں ملے۔
انہوں نے کہاکہ آج بھی 80 فیصد وہ لوگ پارلیمنٹ میں ہیں جو پہلے بھی موجود تھے، جبکہ 20 فیصد وہ لوگ ہیں جن کا اثرورسوخ ہے۔
انہوں نے کہاکہ پارٹی میں جو لوگ فرنٹ پر آکر کام کرتے ہیں ان کے خلاف بات کی جاتی ہے، عمران خان نے مجھے کہاکہ آپ باتیں کرتے ہیں جس پر لوگ آپ سے ناراض ہیں۔
شیر افضل مروت نے کہاکہ میں عمران خان کے علاوہ کسی کو اپنا لیڈر تسلیم نہیں کرتا، بانی پی ٹی آئی کے ذہن میں یہ بات ڈالی گئی کہ انٹرا پارٹی الیکشن کی بات میں نے کی تھی۔
انہوں نے کہاکہ پی ٹی آئی میں آنے سے قبل بھی مجھے لوگ پہچانتے تھے، میں نے آج تک کبھی منافقت سےکام نہیں لیا۔
انہوں نے کہاکہ کچھ یوٹیوبرز نے مجھ پر الزام لگایا کہ اسٹیبلشمنٹ کے ساتھ ملا ہوا ہوں، 9مئی کے بعد خوف کے سائے پارٹی پر چھائے ہوئے تھے، اس آزمائش کے دور میں ہم نےجلوس نکالنے کی ہمت کی۔
شیر افضل مروت نے کہاکہ میں پوچھنا چاہتا ہوں اس دورمیں کیوں ان لوگوں نے کوشش نہیں کی، 9 مئی کے بعد سارے لیڈر چھپے ہوئے تھے۔
انہوں نے کہاکہ وہ لوگ میرے خلاف ہیں جنہیں کہا سوشل میڈیا پر سوچ سمجھ کر بات کرنی چاہیے، ہمیں کبھی انتشار پسند اور کبھی دہشتگرد کہا گیا، سوشل میڈیا نے سیاسی جماعتوں اور اداروں سے ٹکراؤ کی پالیسی کو اپنایا اور گالم گلوچ کے کلچر کو فروغ دیا گیا۔
یہ بھی پڑھیں پی ٹی آئی کا حصہ نہیں، اب ن لیگ والوں کی ٹرولنگ نہیں کروں گا، شیر افضل مروت
شیر افضل مروت نے کہاکہ سوشل میڈیا پر مسلسل جھوٹ بولا جاتا ہے اور ڈالرز کمانے کی خاطر ایسا ہو رہا ہے، عمران خان جب رہا ہوں گے تو یہ سلسلہ رک جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان تحریک انصاف پی ٹی آئی سوشل میڈیا شیر افضل مروت عمران خان عمران خان رہائی مشکلات وی نیوز.ذریعہ: WE News
کلیدی لفظ: پاکستان تحریک انصاف پی ٹی ا ئی سوشل میڈیا شیر افضل مروت عمران خان رہائی مشکلات وی نیوز شیر افضل مروت نے کہاکہ انہوں نے کہاکہ سوشل میڈیا پی ٹی ا ئی کے بعد کے لیے
پڑھیں:
سوشل میڈیا پر ریاست مخالف پروپیگنڈا کے الزام میں علیمہ خان سمیت 4 افراد طلب
نیشنل سائبر کرائم انویسٹی گیشن ایجنسی (این سی سی آئی اے) نے سوشل میڈیا پر ریاست کے خلاف پروپیگنڈا کرنے کے الزام میں بانی پی ٹی آئی کی بہن علیمہ خان سمیت 4 افراد کو طلب کرلیا۔
این سی سی آئی اے کی جانب سے سوشل میڈیا پر ریاست کے خلاف پروپیگنڈا کرنے کے الزام میں علیمہ خان، صنم جاوید، فلک جاوید اور اینکر پرسن آفتاب اقبال کو نوٹسز جاری کیے گئے ہیں۔
نوٹس کے مطابق چاروں افراد کو 5 جون 2025 کو لاہور آفس میں ذاتی حیثیت میں پیش ہونے کا حکم دیا گیا ہے۔
نوٹس کے مطابق ان افراد کے خلاف 27 مئی 2025 کو انکوائری شروع کی گئی تھی اور الزام ہے کہ انہوں نے پاک،بھارت جنگ کے دوران سوشل میڈیا پر ریاستی اداروں کے خلاف منفی پروپیگنڈا کیا۔
جی ایچ کیو حملہ کیس، عمران خان کی حاضری، مزید تین شہادتیں ریکارڈ ہو گئیں