گنڈاپورسے ملاقات اختلاف ختم کرنے پر گفتگو: امریکی قانون سازی کا پی ٹی آئی سے تعلق نہیں اپوزیشن اتحاد بنائیں گے : بیرسٹرگوہر
اشاعت کی تاریخ: 8th, April 2025 GMT
اسلام آباد (نوائے وقت رپورٹ) چیئرمین پی ٹی آئی بیرسٹر گوہر نے کہا ہے کہ امریکی قانون سازی کا پی ٹی آئی سے کوئی تعلق نہیں۔ کسی امریکی وفد سے کوئی رابطہ نہیں۔ اتنے ہی باخبر ہیں جتنے آپ۔ اپوزیشن جماعتوں کے ساتھ الائنس بنائیں گے۔ آئندہ کا لائحہ عمل مشترکہ طے کریں گے۔ مولانا فضل الرحمن 15 اپریل کو فیصلے سے آگاہ کریں گے۔ بانی نے کسی پارٹی رہنما کو سازشی نہیں کہا۔ پارلیمنٹ ہاؤس میں میڈیا سے گفتگو کرتے ہوئے بیرسٹر گوہر نے کہا کہ اسٹیبلشمنٹ کے ساتھ رابطوں سے اتنا ہی باخبر ہوں جتنا آپ لوگ ہیں۔ پی ٹی آئی چیئرمین نے کہا کہ نفرت نہیں بلکہ ہم بھائی ہیں، آپس میں یہ اختلاف ہوتا رہتا ہے‘ ہم جمہوری پارٹی ہیں کسی کو بولنے سے منع نہیں کرتے۔ بیرسٹر گوہر نے کہا ہے کہ خواہش ہے کہ اسٹیبلشمنٹ کے ساتھ بریک تھرو ہو لیکن فیصلہ عمران خان کا ہی مانا جائے گا جبکہ ماضی میں اسٹیبلشمنٹ سے رابطہ ہوا، ڈائیلاگ نہیں۔ ملک اور جمہوریت کی خاطر‘ ڈائیلاگ ہر صورت ہونے چاہئے اور اس کے لئے عمران خان نے نیک نیتی سے ایک کمیٹی بھی بنائی تھی۔ دریں اثناء بیرسٹر گوہر کی وزیراعلیٰ خیبر پی کے علی امین گنڈا پور سے ملاقات ہوئی‘ جس میں معاملات پر گفتگو کی گئی۔ ذرائع کا کہنا ہے کہ وزیراعلیٰ نے اختلافات ختم کرنے کی بات پر مثبت ردعمل کا اظہار کیا۔ بیرسٹر گوہر کے دیگر متعلقہ پارٹی رہنماؤں سے بھی مسلسل رابطے جاری ہیں۔ بیرسٹر گوہر کی متعلقہ رہنماؤں کو ایک ٹیبل پر لانے کیلئے کوششیں جاری ہیں۔ دوسری جانب پی ٹی آئی کے رہنما شوکت یوسفزئی نے کہا کہ جمہوری پارٹی میں وقتی اختلافات کوئی بڑی بات نہیں‘ پارٹی میں اختلافات نہیں بلکہ کچھ غلط فہمیاں ہیں‘ امید ہے بعض رہنماؤں میں غلط فہمیاں جلد دور ہو جائیں گی۔ ادھر تحریک انصاف کی قومی اسمبلی میں پارلیمانی پارٹی کا اجلاس ہوا۔ ذرائع کے مطابق وزیراعلیٰ خیبر پی کے علی امین کے اسد قیصر‘ عاطف خان اور شہرام ترکئی سے متعلق بیان پر اظہار تشویش کیا گیا۔ متعدد ارکان نے علی امین کے بیان پر اظہار ناراضی کیا۔ ارکان نے کہا کہ اہم عہدے پر بیٹھ کر غیر ذمہ دارانہ بیان پارٹی کے نقصان کا سبب ہے۔ پارلیمانی پارٹی اجلاس میں اسد قیصر نے ٹیلی فون کے ذریعے ارکان کو معاملے سے آگاہ کیا۔ عاطف خان نے علی امین کے بیان پر تحفظات کا اظہار کیا۔ بیرسٹر گوہر نے بانی پی ٹی آئی سے ملاقات کی تفصیل پارلیمانی پارٹی کے سامنے پیش کی۔ زرتاج گل نے کہا کہ پارٹی کے کسی رکن کو معزز ممبر کیخلاف الفاظ استعمال نہیں کرنے چاہئیں۔ ایسے بیانات نہیں دینے چاہئیں جو بانی کی رہائی میں رکاوٹ بنیں۔
.ذریعہ: Nawaiwaqt
کلیدی لفظ: بیرسٹر گوہر نے نے کہا کہ پی ٹی آئی علی امین
پڑھیں:
امریکی اداکارہ جینیفر اینسٹن کا انسٹاگرام پر نئے رشتے کا اعلان، نئی محبت کون ہے؟
ہالی ووڈ اسٹار جینیفر اینسٹن نے پہلی بار اپنے نئے تعلق کا اعلان کرتے ہوئے اپنے ساتھی جِم کرٹس کو سالگرہ کی مبارکباد دی۔
اداکارہ نے انسٹاگرام پر ایک بلیک اینڈ وائٹ تصویر شیئر کی جس میں وہ جِم کرٹس کو گلے لگائے ہوئے نظر آئیں اور انہیں اپنی محبت قرار دیا۔ مداحوں کے لیے یہ پوسٹ ایک خوشگوار حیرت ثابت ہوئی، کیونکہ یہ اینسٹن کی جانب سے اپنے تعلق کا پہلا باضابطہ اظہار تھا۔
View this post on Instagram
A post shared by Jennifer Aniston (@jenniferaniston)
ذرائع کے مطابق، جِم کرٹس ایک معروف ویلنیس ماہر، ہپنو تھراپسٹ، ٹرانسفارمیشنل کوچ اور مصنف ہیں جو گزشتہ 20 برسوں سے ذاتی نشوونما اور ذہنی سکون کے شعبے میں کام کر رہے ہیں۔ ان کا کام ذہنی دباؤ، صدمے اور سوچ میں مثبت تبدیلی پر مرکوز ہے، جبکہ وہ خود کو ’سائنس اور روحانیت کے امتزاج پر کام کرنے والا ماہر‘ قرار دیتے ہیں۔
قریبی ذرائع کا کہنا ہے کہ جینیفر اینسٹن جِم کے کام سے پہلے ہی متاثر تھیں اور ان کی کتاب پڑھنے کے بعد ان سے رابطہ میں آئیں۔ دونوں کی ملاقات مشترکہ دوستوں کے ذریعے ہوئی، جس کے بعد ان کے درمیان قریبی تعلق قائم ہوا۔
یہ بھی پڑھیں: ‘چاہتی ہوں کہ ایسے کردار ادا کروں جو مجھے خوفزدہ کریں’، ہالی ووڈ اداکارہ مائیکی میڈیسن
رپورٹس کے مطابق، جینیفر اور جِم کو جولائی 2025 میں اسپین کے جزیرے مایورکا میں چھٹیاں مناتے ہوئے ایک ساتھ دیکھا گیا۔ ستمبر میں، جِم نے نیویارک میں جینیفر کے شو ‘The Morning Show’ کے پریمیئر میں بھی ان کے ساتھ شرکت کی، اگرچہ وہ ریڈ کارپٹ پر موجود نہیں تھے۔
اندرونی ذرائع کے مطابق، اگرچہ دونوں کو فی الحال “کیژول ڈیٹنگ” کے طور پر بیان کیا جا رہا ہے، لیکن ان کے تعلق میں سنجیدگی، اعتماد اور باہمی احترام نمایاں ہے۔ قریبی دوستوں کا کہنا ہے کہ جِم ایک ’پُرسکون، بااعتماد اور غیرڈرامائی‘ شخصیت کے مالک ہیں، جو جینیفر کے مصروف اور دباؤ بھرے کیریئر میں توازن پیدا کر رہے ہیں۔
ماہرینِ شوبز کے مطابق، جینیفر اینسٹن کا اپنے تعلق کو سوشل میڈیا پر ظاہر کرنا ایک غیر معمولی قدم ہے، جو اس بات کی نشاندہی کرتا ہے کہ یہ رشتہ وقتی نہیں بلکہ ایک پُختہ اور پائیدار تعلق میں تبدیل ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جینیفر اینسٹن جینیفر اینسٹن تعلقات ہالی ووڈ
ترکیہ برطانیہ سے 20 یورو فائٹر طیارے خریدے گا، معاہدے طے