پی ایس ایل 10: نیشنل اسٹیڈیم میں تیاریاں آخری مراحل میں داخل
اشاعت کی تاریخ: 9th, April 2025 GMT
ایچ بی ایل پاکستان سپر لیگ 10 کے لیے نیشنل اسٹیڈیم میں تیاریاں آخری مراحل میں داخل ہوگئیں۔ جمعے سے شروع ہونے والے ایونٹ کے لیے کراچی میں شیڈول پانچ میچز کا پہلا مقابلہ ہفتہ کو کرچی کنگز اور ملتان سلطانز کے درمیان طے ہے۔
اسٹیڈیم میں تزین و آرائش کا کام آخری مراحل میں داخل ہو گیا،تماشائیوں کے لیے مختلف انکلوثرز میں نشستوں کی صفائی ستھرائی کا عمل تیزی کے ساتھ جاری ہے اور ٹوٹ پھوٹ کا شکار ہونے والی سیٹوں کو تبدیل کیا جا رہا ہے۔ واش رومز میں سہولیات ممکن بنانے کے ساتھ پینے کا پانی فراہم کرنے کے لیے اقدامات کیے جا رہے ہیں۔
میچز کے موقع پر کھانے پینے کے اسٹالز کا بھی اہتمام کیا جا رہا ہے، میچز کے دوران تماشائیوں اور تعینات عملے کوطبی سہولیات فراہم کرنے کے لیے موبائل اسپتال قائم ہوگا۔ سندھ حکومت کے محکمہ صحت کے تحت مختلف انکلوثرز میں ڈاکٹروں سمیت طبی عملہ تعینات کیا جائے گا، کسی بھی ہنگامی صورتحال سے نمٹنے کے لیے عمارت میں اسپتال بھی قائم کر دیا گیا ہے۔مزید براں دوران میچ انکلوثرز میں ایمبولنسز بھی تیار رہیں گی۔
دوسری جانب ٹکٹوں کی فروخت کا سلسلہ سست روی کے ساتھ جاری ہے۔ تماشائیوں کی آمد کو ممکن بنانے کے لیے پرکشش انداز میں قرعہ اندازی کے ذریعے بیش قیمت انعامات دیے جائیں گےجن میں موٹر سائیکل اور موبائل ٹیلی فون بھی شامل ہوں گے۔
ادھر پی سی بی کے چیف کیوریٹر ٹونی ہیمنگ کی زیر نگرانی پچ پریکٹس اور میچز کے لیے پانچ دوستانہ پچز تیار کرلی گئی ہیں۔ قیاس ہے کہ بیٹنگ کے لیے ساز گار پچز پر چوکوں اور چھکوں کی بارش ہوگی۔
اسٹیڈیم کا رخ کرنے والے تماشائیوں کو پیڈسٹرین برج کے ساتھ نئے پارکنگ ایریا کی بھی سہولیات میسر ہوگی جبکہ تماشائی دونوں ڈیجیٹل اسکرینز سے بھی لطف اندوز ہوں گے۔
.
ذریعہ
ذریعہ: Express News
پڑھیں:
فرانس: نفسیاتی مریضوں کے علاج کی ذمہ داری گدھوں کے سپرد
فرانس میں قائم ایک نفسیاتی اسپتال نے ذہنی صحت کے علاج کے لیے ایک غیرمعمولی طریقہ اختیار کیا ہے، جہاں مریضوں کے ڈپریشن، اضطراب اور ذہنی دباؤ کو کم کرنے کے لیے گدھوں کی مدد لی جا رہی ہے۔
امریکی خبر رساں ادارے ایسوسی ایٹڈ پریس کے مطابق یہ منصوبہ فرانس میں اپنی نوعیت کا واحد تجربہ سمجھا جاتا ہے۔ دارالحکومت پیرس کے مضافات میں سرسبز و شاداب ماحول اور تاریخی عمارتوں سے گھرا ویل ایورارڈ اسپتال مریضوں کو روایتی طبی علاج کے ساتھ ایک منفرد اور پُرسکون تجربہ بھی فراہم کر رہا ہے۔
اس پروگرام کے تحت مریض گدھوں کے ساتھ وقت گزارتے ہیں، انہیں سیر کرواتے ہیں، ان کی دیکھ بھال کرتے ہیں اور جذباتی تعلق قائم کرتے ہیں۔ حالیہ سیشن کے دوران بھی متعدد مریضوں نے گدھوں کے ساتھ خوشگوار وقت گزارا اور رخصت ہوتے ہوئے انہیں گلے لگا کر محبت کا اظہار کیا۔
60 سالہ مریضہ نیتھلی کے مطابق گدھوں کے ساتھ وقت گزارنے سے انہیں ویسا ہی سکون ملتا ہے جیسا کسی پُرسکون دوا کے استعمال سے حاصل ہوتا ہے۔ ان کا کہنا تھا کہ جانوروں کے ذریعے ہونے والا یہ علاج ذہنی آسودگی فراہم کرتا ہے اور وقتی طور پر تمام پریشانیاں ختم دیتا ہے۔
فرانس کے سرکاری نظامِ صحت کے تحت یہ سیشنز مریضوں کو بغیر کسی معاوضے کے فراہم کیے جاتے ہیں۔ عموماً ہر مریض کو ایک مخصوص گدھے کے ساتھ منسلک کیا جاتا ہے تاکہ وقت کے ساتھ دونوں ایک دوسرے کی عادات اور مزاج سے واقف ہو سکیں۔
اس یونٹ میں خدمات انجام دینے والی نرس آڈرے سیفار کے مطابق نیتھلی کی حالت میں چند ملاقاتوں کے بعد ہی نمایاں بہتری دیکھی گئی۔
انہوں نے بتایا کہ ابتدا میں وہ جسمانی معذوری کے باعث وہیل چیئر سے نکلنے پر آمادہ نہیں تھیں، لیکن گدھے کے ساتھ تعلق نے ان میں اعتماد پیدا کیا اور اب وہ نہ صرف چیئر سے اٹھتی ہیں بلکہ اپنے جانور کے ساتھ کھڑی بھی ہوتی ہیں۔
دوسری جانب 52 سالہ مریض جیروم کا کہنا ہے کہ اس منفرد پروگرام نے ان کے احساسِ تنہائی کو کم کرنے میں اہم کردار ادا کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ