پی اے سی ممبر کے گھر سے میٹر اتارنے کا معاملہ، چیئرمین کمیٹی کا معاملہ حل ہونے تک اجلاس نہ چلانے کا اعلان
اشاعت کی تاریخ: 16th, April 2025 GMT
جنید اکبر کی زیر صدارت پارلیمنٹ کی پبلک اکاونٹس کمیٹی کے اجلاس میں ممبر پی اے سی ثنء اللہ مستی خیل کا کہنا تھا کل چیئرمین واپڈا سے سوال کیا کہ 4 ارب کا پراجیکٹ 36 ارب میں کیوں ہوا؟ اسلام ٹائمز۔ چیئرمین پبلک اکاؤنٹس کمیٹی جنید اکبر نے کمیٹی رکن ثنا اللہ مستی خیل کے گھر سے بجلی کے میٹر اتارے جانے کی مذمت کرتے ہوئے معاملے کو منطقی انجام تک پہنچانے تک کمیٹی اجلاس نہ چلانے کا اعلان کر دیا۔ جنید اکبر کی زیر صدارت پارلیمنٹ کی پبلک اکاونٹس کمیٹی کے اجلاس میں ممبر پی اے سی ثنء اللہ مستی خیل کا کہنا تھا کل چیئرمین واپڈا سے سوال کیا کہ 4 ارب کا پراجیکٹ 36 ارب میں کیوں ہوا؟ میں نے ان سے تقرری کے بارے بھی سوال پوچھا تھا، سوال کرنےکی پاداش میں رات گئے میرے گھر، رشتہ داروں کے گھروں سے بجلی کے میٹر اتار لیے گئے۔ ثناء اللہ مستی خیل کا کہنا تھا اگر پی اے سی میں سوال کرنے پر انتقامی کاروائیاں ہوں گی تو کمیٹی اپنا کام کیسے کرے گی؟
پبلک اکاؤنٹس کمیٹی کے ارکان نے معاملے پر شدید احتجاج کرتے ہوءے معاملے کو اسپیکر قومی اسمبلی کے نوٹس میں لا کر سخت ترین ایکشن کا مطالبہ کیا۔ چیئرمین کمیٹی جنید اکبر کا کہنا تھا کمیٹی اس وقت تک کام نہیں کرےگی جب تک انتقامی کاروائی واپس نہیں لی جاتی، اگر لوگوں کو اس طرح دھمکایا جائے گا تو کوئی رکن پارلیمنٹ کام نہیں کر سکے گا، معاملے کو اسپیکر قومی اسمبلی کے نوٹس میں بھی لا رہا ہوں۔ جنید اکبر کا کہنا تھا میں سیکرٹری پاور کو کمیٹی میں طلب کرتا ہوں اور باز پرس کرتا ہوں، اپنے ارکان کی توہین برداشت نہیں کر سکتا۔ کمیٹی ارکان کا کہنا تھا ممبر کے میٹر اتروانا غنڈہ گردی ہے اور ارکان کی تضحیک ہے، معاملے کو منطقی انجام تک پہنچایا جائے۔ چیئرمین کمیٹی جنید اکبر کا کہنا تھا معاملہ حل ہونے تک کمیٹی کا اجلاس نہیں چلاؤں گا، پبلک اکاونٹس کمیٹی کے چیئرمین جنید اکبر نے کمیٹی کا اجلاس ملتوی کر دیا۔
ذریعہ: Islam Times
کلیدی لفظ: اللہ مستی خیل کا کہنا تھا جنید اکبر معاملے کو کمیٹی کے پی اے سی
پڑھیں:
پی پی ایس سی کامختلف محکموں کی اسامیوں کے تحریری اور حتمی نتائج کا اعلان
پنجاب پبلک سروس کمیشن نے سروسز اینڈ جنرل ایڈمنسٹریشن، اسپیشلائزڈ ہیلتھ کیئر اینڈ میڈیکل ایجوکیشن، پنجاب پولیس، مائنز اینڈ منرلز، ہاؤسنگ اربن ڈیویلپمنٹ اینڈ پبلک ہیلتھ انجینئرنگ، بورڈ آف ریونیو، ڈیزاسٹر مینجمنٹ ڈیپارٹمنٹ، سمیت مختلف محکموں کی اسامیوں کے تحریری اور حتمی نتائج کا اعلان کر دیا ہے۔ ترجمان پنجاب پبلک سروس کمیشن کے مطابق جاری نتائج میں مجموعی طور پر 4 تحریری امتحانات کے نتائج اور 4 حتمی نتائج کا اعلان کیا گیا ہے.
صدرِ مملکت سے سردار سلیم حیدر سمیت پارٹی رہنماؤں کی ملاقات، اہم امور پر تبادلہ خیال
پنجاب پبلک سروس کمیشن نے حکومت پنجاب کے مختلف محکموں کی اسامیوں کے تحریری اور حتمی نتائج کا اعلان کر دیا ہے۔
ڈیزاسٹر مینجمنٹ ڈیپارٹمنٹ (بورڈ آف ریونیو) میں اسسٹنٹ کی 2 اسامیوں کے لیے 11 امیدوار تحریری امتحان میں کامیاب قرار پائے ہیں۔
سروسز اینڈ جنرل ایڈمنسٹریشن ڈیپارٹمنٹ کے پروٹوکول ونگ میں اسسٹنٹ پروٹوکول آفیسر کی ایک آسامی کے لیے 5 امیدوار تحریری امتحان میں کامیاب ہوئے ہیں۔
مائنز اینڈ منرلز ڈیپارٹمنٹ کے مائنز لیبر ویلفیئر آرگنائزیشن میں مائنز لیبر ویلفیئر آفیسر کی ایک آسامی کے لیے 5 امیدوار تحریری امتحان میں کامیاب ہوئے ہیں۔
محکمہ آبپاشی (فیصل آباد) میں جونیئر کمپیوٹر آپریٹر کی 44 اسامیوں کے لیے 103 امیدوار تحریری امتحان اور ٹائپنگ ٹیسٹ میں کامیاب قرار پائے ہیں۔
پنجاب پبلک سروس کمیشن نے 04 محکموں کی اسامیوں کے لیے امیدواروں کی سفارشات بھی جاری کی ہیں:
اسپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ میں سینئر رجسٹرار پیڈیاٹرک میڈیسن کی 33 اسامیوں کے لیے 32 امیدواروں کو حتمی طور پر کامیاب قرار دیا گیا ہے جبکہ اقلیتوں کے کوٹے کی ایک آسامی موزوں امیدوار نہ ہونے کے باعث خالی رہ گئی ہے۔
پنجاب پولیس کے لیے جونیئر ٹریفک وارڈن (ملتان ریجن) کی اسامیوں پر 8 امیدواروں کو کامیاب قرار دیا گیا ہے، جبکہ 7 اسامیاں موزوں امیدواروں کی عدم دستیابی کی وجہ سے خالی رہ گئی ہیں۔
اسی طرح جونیئر ٹریفک وارڈن (ساہیوال ریجن) کی اسامیوں پر 6 امیدوار کامیاب قرار پائے ہیں۔
متحدہ عرب امارات میں عید الاضحیٰ پر 3 ہزار قیدیوں کی رہائی کا حکم
واسا راولپنڈی (محکمہ ہاؤسنگ) میں اسسٹنٹ ڈائریکٹر (مانیٹرنگ اینڈ ایویلیوایشن / پلاننگ اینڈ ڈویلپمنٹ) کی آسامی پر ایک امیدوار کو حتمی طور پر کامیاب قرار دیا گیا ہے۔
ان تمام کامیاب امیدواروں کے نوٹیفکیشن سیکرٹری پنجاب پبلک سروس کمیشن افضال احمد کی جانب سے جاری کر دیے گئے ہیں۔
تحریری امتحان میں کامیاب امیدواروں کو انٹرویو کے لیے کال لیٹرز ویب سائٹ پر جلد جاری کیے جائیں گے، جبکہ کامیاب امیدواروں کی فہرستیں پبلک سروس کمیشن کی ویب سائٹ پر بھی دستیاب ہیں۔
ماسک پہننے اور موٹر سائیکل کی ڈبل سواری پر پابندی
Ansa Awais Content Writer
ابیہہ بتول: بچوں کی آواز جو قومی و عالمی سطح پر گونجی