فینسی نمبر پلیٹ اور رنگین شیشے فروخت کرنے والے دکانداروں کیخلاف بھی کارروائی ہوگی، کراچی پولیس
اشاعت کی تاریخ: 17th, April 2025 GMT
کراچی:
ڈی آئی جی ٹریفک نے دکانداروں کو فینسی نمبر پلیٹس، رنگین شیشوں اور نیلی لائٹس کی غیر قانونی فروخت فوری روکنے کی ہدایت کردی۔
ڈی آئی جی ٹریفک آفس میں ڈی ایس پی سیکیورٹی سعید آرائیں اور ڈی ایس پی ایڈمن کاشف ندیم کی زیر صدارت ایک اجلاس منعقد ہوا جس میں شہر بھر سے کار ایسیسریز اور نمبر پلیٹس سے وابستہ دکانداروں نے شرکت کی۔
اجلاس میں دکانداروں کو 17 اپریل سے فینسی نمبر پلیٹس ، رنگین شیشوں اور نیلی لائٹوں کی غیر قانونی فروخت تاحکم ثانی فوری بند کرنے کی ہدایت جاری کر دی گئیں۔
ترجمان ٹریفک پولیس کے مطابق اجلاس کا مقصد ٹریفک قوانین کی خلاف ورزی ، خصوصاً فینسی نمبر پلیٹس ، رنگین شیشوں اور نیلی لائٹوں کے غیر قانونی استعمال کی روک تھام اور سڑکوں پر قانون کی بالادستی کو یقینی بنانا تھا جبکہ ان غیر قانونی اشیا کا استعمال نہ صرف بڑھتا جا رہا ہے جو نہ صرف قانون شکنی ہے بلکہ شہریوں کی سلامتی کے لیے بھی خطرہ بن سکتا ہے۔
اجلاس میں تمام دکانداروں کو ہدایات دی گئی ہیں کہ فینسی نمبر پلیٹس پر مکمل پابندی عائد ہے اور وہ فینسی یا ڈیزائنر نمبر پلیٹس کی تیاری ، فروخت اور تنصیب فوری طور پر بند کر دیں صرف وہی نمبر پلیٹس قابل قبول ہوںگی جو موٹر وہیکلز آرڈیننس 1965 اور موٹر وہیکلز رول 1969 کے مطابق ہوں جبکہ گاڑیوں پر رنگین یا سیاہ شیشوں پر بھی پابندی عائد کی گئی ہے۔
ترجمان کے مطابق دکانداروں کو ہدایت کی گئی کہ گاڑیوں کے شیشوں پر استعمال ہونے والی رنگین فلمز ، بلیک پیپر یا دیگر اشیا کی فروخت اور تنصیب مکمل طور پر ممنوع قرار دی گئی ہے۔
اجلاس میں نیلی لائٹوں کا غیر مجاز استعمال کو بھی ممنوع قرار دیا گیا ہے اور اس حوالے سے بتایا گیا کہ عام شہریوں کی گاڑیوں پر ان کی تنصیب یا فروخت غیر قانونی ہے اور خلاف ورزی پر سخت قانونی کارروائی کی جائے گی۔
ترجمان کے مطابق دکانداروں کو ہدایت جاری کی گئی ہے کہ وہ 17 اپریل سے گاڑیوں میں استعمال کی جانے والی فینسی نمبر پلیٹس ، رنگین شیشوں اور نیلی لائٹوں سمیت دیگر ممنوعہ اشیا اپنی دکانوں سے ہٹا دیں بصورت دیگر خلاف ورزی کی صورت میں نہ صرف دکان کی بندش بلکہ بھاری جرمانے اور مقدمات بھی درج کیے جائینگے۔
.ذریعہ: Express News
کلیدی لفظ: رنگین شیشوں اور نیلی فینسی نمبر پلیٹس دکانداروں کو کے مطابق
پڑھیں:
کراچی: بچے بچیوں کے ساتھ بدفعلی کرنے والے ملزم کے بارے میں علاقہ مکین کیا کہتے ہیں؟
کراچی میں بچے اور بچیوں سے زیادتی کرنے اور ان کی نازیبا ویڈیوز بنانے کے الزام میں قیوم آباد کے علاقے سے ایک شبیر احمد نامی شخص گرفتار کرلیا گیا جس کے بارے میں متاثرہ محلے کے مکینوں نے تفصیلات سے آگاہ کیا ہے۔
پولیس کے مطابق ملزم پر الزام ہے کہ اس نے گزشتہ تقریباً 10 سالوں سے کم عمر بچیوں اور لڑکوں کے ساتھ جنسی زیادتی کی اور اس عمل کی ویڈیوز بنائیں۔ پولیس نے ملزم کے قبضے سے موبائل فون اور یو ایس بیز برآمد کیں جن میں یہ غیر اخلاقی ویڈیوز موجود تھیں۔
یہ بھی پڑھیں: 100 سے زائد بچوں سے زیادتی کا مرتکب شخص گرفتار، ویڈیوز برآمد، این سی آر سی کا شدید ردعمل
ابتدائی طبی معائنے میں 4 میں سے 3 کم عمر لڑکیوں کے ساتھ جنسی تشدد کے شواہد ملے ہیں۔
پولیس نے ملزم سے مزید تفتیش کے لیے جسمانی ریمانڈ حاصل کیا ہوا ہے۔ پولیس کا کہنا ہے کہ جرم کی نوعیت سنگین ہے اور قانونی دفعات جنسی زیادتی (خاص طور پر نابالغ بچوں کے خلاف) سے متعلقہ ہیں۔
علاقہ مکین کہتے ہیں کہ یہ افسوسناک واقعہ ہے اور ایسے شخص کو سرعام پھانسی دے دینی چاہیے۔
ایک مکین کا کہنا تھا کہ وہ گزشتہ 10 برس سے ملزم کو جانتا ہے اور اس نے لانڈھی کے علاقے میں ہر طرح کی مزدوری کی ہے۔ مکین نے بتایا کہ ملزم رہائش بھی بدلتا رہا ہے۔
انہوں نے کہا کہ کرائے پر مکان دینے والوں کو بھی پہلے تحقیقات کرنی چاہییں اور پولیس کے پاس اندراج بھی کرنا چاہیے تاکہ کسی بھی شخص کا کریمنل ریکارڈ پتا لگایا جا سکے۔
قانونی ماہر خیر محمد خٹک کے مطابق چائلڈ ریپ کے لیے سخت سزائیں عمر قید یا سزائے موت جیسے قوانین موجود ہیں جن پر سختی سے عملدرآمد ہونے کے بعد ایسے واقعات کو روکا جا سکتا ہے۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
ان کا کہنا ہے کہ چائلڈ پروٹیکشن یونٹ کا قیام ہر ضلع میں کیا جائے جو فوری مدد فراہم کرنے کا پابند ہو۔ ویڈیو اور ڈیجیٹل شواہد سے متعلق سائبر کرائم قوانین کو مزید مضبوط کیا جائے کیوں کہ ان شواہد کو مضبوط نہیں سمجھا جاتا۔
خیبر محمد خٹک کا مزید کہنا تھا کہ بچوں سے زیادتی کے کیسز کے لیے فوری سماعت اور فیصلہ کرنے والی عدالتیں بنائی جائیں۔ مزید جانیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بچوں سے زیادتی بچوں کی نازیبا ویڈیوز چائلڈ ریپ قیوم آباد کراچی
سونے کی قیمت نئی بلند ترین سطح پر پہنچ گئی