ہنگری کی پاکستان کے جی ایس پی پلس درجے میں وسعت کی حمایت
اشاعت کی تاریخ: 17th, April 2025 GMT
ہنگری کے امور خارجہ اور تجارت کے وزیرPeter Szijjarto نے معیشت اور تجارت سمیت مختلف شعبوں میں پاکستان کے ساتھ تعاون بڑھانے کی اپنے ملک کی خواہش ظاہر کی ہے۔انہوں نے آج(جمعرات) اسلام آباد میں پاکستان ہنگری بزنس فورم سے خطاب کرتے ہوئے یقین ظاہر کیا کہ آج فریقین کے درمیان کاروباری ملاقاتیں کامیاب ثابت ہوں گی۔انہوں نے دوہزار ستائیس کے بعد بھی پاکستان کا جی ایس پی پلس کا حصہ رہنے کی حمایت کی۔
وزیر تجارت جام کمال خان نے اپنے خیالات کا اظہار کرتے ہوئے کہا کہ کاروباری ملاقاتیں پاکستان او رہنگری کے درمیان با مقصد شراکت داری میں طویل مدتی تعلقات کی نئی راہیں متعین کریں گی۔انہوں نے کہا کہ پاکستان میں تجارت اور سرمایہ کار ماحول میں نمایاں بہتری آئی ہے۔
جام کمال نے کہا کہ پاکستان میں کاروبار کی حوصلہ افزائی اور فروغ کیلئے مناسب ٹیرف پر خصوصی توجہ دیتے ہوئے محصولات کی ایک قومی پالیسی وضع کی جارہی ہے۔وزیر تجارت نے کہا کہ پاکستان میں غیر ملکی سرمایہ کاروں کیلئے شاندار مواقع ہیں ۔ انہوں نے کہا کہ ہم ہنگری کی ٹیکنالوجی میں مہارت، جدت اور صنعتی استعداد کار تسلیم کرتے ہیں۔
اس سے قبل ہوائی اڈے آمد پر یورپ کے امور کے ایڈیشنل سیکرٹری محمد ایوب ، ہنگری کے سفیر اور دیگر اعلیٰ حکام نے ہنگری کے وزیر خارجہ کا استقبال کیا۔پیٹر سجارتو آج پاکستان کے ایک روزہ دورے پر اسلام آباد پہنچے۔
اشتہار
ذریعہ: Al Qamar Online
کلیدی لفظ: نے کہا کہ انہوں نے ہنگری کے
پڑھیں:
آمنہ بلوچ نے قومی سلامتی کمیٹی کے اجلاس کے فیصلوں سے سفارتی برادری کو آگاہ کردیا
دفتر خارجہ کے بیان کے مطابق سیکرٹری خارجہ نے وفاقی دارالحکومت میں قائم مشن کے سربراہان اور سفارت کاروں کے ایک گروپ کو قومی سلامتی کمیٹی کے اجلاس کے فیصلوں سے آگاہ کیا، انہوں نے پاکستان کے خلاف بھارتی غلط معلومات کی مہم کو مسترد کرتے ہوئے کہا کہ اس طرح کے ہتھکنڈے خطے میں امن و استحکام کی راہ میں رکاوٹ بنیں گے۔ اسلام ٹائمز۔ سیکرٹری خارجہ آمنہ بلوچ نے وفاقی دارالحکومت میں قائم مشن کے سربراہان اور سفارت کاروں کے ایک گروپ کو پہلگام حملے کے بعد ابھرتی ہوئی صورتحال سے آگاہ کیا۔ دفتر خارجہ کے بیان کے مطابق آمنہ بلوچ نے قومی سلامتی کمیٹی کے اجلاس کے فیصلوں سے آگاہ کیا، انہوں نے پاکستان کے خلاف بھارتی غلط معلومات کی مہم کو مسترد کرتے ہوئے کہا کہ اس طرح کے ہتھکنڈے خطے میں امن و استحکام کی راہ میں رکاوٹ بنیں گے۔ سیکرٹری خارجہ نے اس بات پر زور دیا کہ پاکستان نے ہمیشہ دہشتگردی کو اس کی تمام شکلوں اور مظاہر میں مسترد کیا ہے۔ انہوں نے کشیدگی بڑھانے کی بھارتی کوششوں کے خلاف بھی خبردار کرتے ہوئے کہا کہ پاکستان کسی بھی مہم جوئی کا مقابلہ کرنے کے لیے تیار ہے۔
افغان باشندوں کی باعزت واپسی یقینی بنا رہے ہیں، چیف سیکرٹری بلوچستان