کامیاب ہڑتال پر قوم کو مبارکباد، غزہ غیرت ایمانی کا معاملہ ہے، حافظ نعیم
اشاعت کی تاریخ: 26th, April 2025 GMT
امیر جماعت اسلامی نے پریس کانفرنس میں کہا کہ پاکستانی عوام ساری صورتحال کو دیکھ رہے ہیں اور قوم فلسطین کیساتھ ہے، جبکہ ہڑتال نے ثابت کر دیا پوری قوم اسرائیل کیخلاف ہے، دنیا میں دہشت گردی کی جتنی بھی اقسام ہیں، اس میں بھارت اور اسرائیل کا گٹھ جوڑ ہے، اور انکا سرپرست امریکہ ہے، جبکہ بھارت اقوام متحدہ کی قراردادوں پر عمل درامد نہیں کرتا اور بھارت نے کشمیر کی خصوصی حیثیت بھی ختم کردی ہے۔ اسلام ٹائمز۔ منصورہ لاہور میں جماعت اسلامی کے امیر حافظ نعیم الرحمان نے دیگر رہنماوں کے ہمراہ پریس کانفرنس کرتے ہوئے کہا کہ پورے ملک میں زبردست ہڑتال کی گئی، جبکہ ہڑتال کی کال اسرائیلی مظالم کے حوالے سے تھی۔ ان کا کہنا تھا کہ بھارت نے عملاً جنگ کا اعلان کر دیا ہے، مختلف اقدامات کرکے ایسی صورتحال میں قوم متحد ہو کر اس جارحیت کا مقابلہ کرے۔ حافظ نعیم الرحمن نے مزید کہا کہ غزہ کا معاملہ غیرت ایمانی کا معاملہ ہے، غزہ میں بربریت کو دنیا نے تسلیم بھی کیا ہے، جبکہ اسرائیل نسل کشی کر رہا ہے اور گزشتہ سو سال سے فلسطینیوں کو گھروں سے بے دخل کرنا اور قتل کرنے کا عمل اس وقت عروج پر ہے، تاہم بدقسمتی سے جو قوتیں انسانیت کا دم بھرتی ہیں، وہ فلسطین کا ساتھ دینے کی بجائے اسرائیل کیساتھ کھڑی ہیں، جبکہ صرف حماس عالمی قوانین کے تحت مزاحمت کر رہی ہے۔
ان کا کہنا تھا کہ پاکستانی عوام ساری صورتحال کو دیکھ رہے ہیں اور قوم فلسطین کیساتھ ہے، جبکہ ہڑتال نے ثابت کر دیا پوری قوم اسرائیل کیخلاف ہے، دنیا میں دہشت گردی کی جتنی بھی اقسام ہیں، اس میں بھارت اور اسرائیل کا گٹھ جوڑ ہے، اور انکا سرپرست امریکہ ہے، جبکہ بھارت اقوام متحدہ کی قراردادوں پر عمل درامد نہیں کرتا اور بھارت نے کشمیر کی خصوصی حیثیت بھی ختم کردی ہے، ایک لاکھ سے زائد کشمیری شہید ہو چکے ہیں لیکن کوئی بھی ذمہ داری کیلئے تیار نہیں، پاکستان کو بھی کشمیریوں کا ساتھ دینا چاہیے۔ ان کا کہنا تھا کہ بھارت ہر چند ماہ بعد ڈرامہ کرتا ہے۔ انہوں نے خود ہی پہلگام کا واقعہ کروایا سیاحوں کو قتل کروایا پھر چند منٹ بھی ایف آئی آر درج کروا دی گئی، بھارت کا یہ ڈرامہ بھی بُری طرح پٹ گیا ہے۔
حافظ نعیم الرحمن کا کہنا تھا کہ بھارت پاکستان کیخلاف کچھ نہ کچھ کرتا رہتا ہے، اب اس نے سندھ طاس معاہدے کو معطل کرنے کا کہا ہے، معاہدہ ختم کرنا ہوگا تو حتمی فیصلہ دونوں فریق طے کریں گے اکیلے بھارت کچھ نہیں کر سکتا، جبکہ حکومت پاکستان کو جس طرح ردعمل دینا چاہیے، اس میں کمی ہے، حکومت کو آل پارٹیز کانفرنس بلانی چاہیے پوری قوم کو کشمیریوں کا ساتھ دینا چاہیے، ایک بہترین پیٍغام دینا چاہیے۔ ان کا کہنا تھا کہ آج خوشی ہے، پوری قوم ہڑتال کر رہی ہے، جبکہ بلوچستان کے لوگ بھی اس ہڑتال میں شامل ہیں اور بلوچستان کے عوام اسرائیل اور بھارت کیخلاف ہیں، تاہم بلوچوں کو اعتماد دینا ہوگا، ان کے مسائل کو سننا ہوگا۔
ذریعہ: Islam Times
کلیدی لفظ: ان کا کہنا تھا کہ دینا چاہیے حافظ نعیم کہ بھارت پوری قوم
پڑھیں:
ہمارے حکمرانوں نے غزہ میں مظالم کی پشت پناہی کرنیوالے ٹرمپ کو نوبل انعام کیلئے نامزد کردیا، حافظ نعیم
امیر جماعت اسلامی نے فلسطین کے ایک نحیف بچے کی تصویر شیئر کرکے اسلامی دنیا کے حکمرانوں اور عالمی ضمیر کو جھنجھوڑنے کی کوشش کی اور کہا کہ یہ غزہ کا فاقہ زدہ بچہ 18 ماہ کا محمد زکریا ہے جس کی تصویر امریکا، اور اقوام متحدہ پر کلنک کا ٹیکہ ہے۔ اسلام ٹائمز۔ جماعت اسلامی پاکستان کے امیر حافظ نعیم الرحمان نے کہا ہے کہ غزہ کی 21 لاکھ کی آبادی کو بھوک کا سامنا ہے، لوگ فاقوں سے شہید ہو رہے ہیں جب کہ اسرائیل اسے اپنی فتح قرار دے رہا ہے، صہیونی مظالم کو امریکی صدر ڈونلڈ ٹرمپ کی مکمل پشت پناہی میسر ہے جبکہ پاکستانی حکمران اس سے نوبل انعام کے لیے نامزد کر رہے ہیں۔ سماجی رابطے کی ویب سائٹ ایکس پر جاری بیان میں امیر جماعت اسلامی حافظ نعیم الرحمان نے فلسطین کے ایک نحیف بچے کی تصویر شیئر کرکے اسلامی دنیا کے حکمرانوں اور عالمی ضمیر کو جھنجھوڑنے کی کوشش کی اور کہا کہ یہ غزہ کا فاقہ زدہ بچہ 18 ماہ کا محمد زکریا ہے جس کی تصویر امریکا، اور اقوام متحدہ پر کلنک کا ٹیکہ ہے۔ انہوں نے کہا کہ یہ نام نہاد ''مہذب'' دنیا کی ناکامی اور عالمی قوانین کی پامالی ہے۔ امیر جماعت اسلامی نے کہا کہ فلسطین میں صہیونی افواج کی سفاکیت انسانی تاریخ کی بدترین مثال ہے، اسرائیل کی بارود اور آگ کی بارش بلاتمیز مساجد، اسپتالوں، اسکولوں اور پناہ گزین کیمپوں پر جاری ہے۔
ان کا کہنا تھا کہ بمباری سے 60 ہزار سے زائد لوگ جن میں بڑی تعداد بچوں اور خواتین کی ہے، شہید ہوگئے ہیں، زخمیوں اور ملبے تلے دب جانے والوں کی تعداد کا تاحال اندازہ نہیں ہے۔ حافظ نعیم الرحمان نے کہا کہ اسرائیل نے لاکھوں کی آبادی کو خوراک اور ادویات کی ترسیل پر بھی پابندی لگا رکھی ہے، اہل غزہ کو پینے کے پانی تک کی عدم دستیابی کا سامنا ہے۔ انہوں نے کہا کہ صہیونی مظالم کو ٹرمپ کی مکمل پشت پناہی میسر ہے جب کہ پاکستان کے حکمرانوں نے اسے نوبل انعام کے لیے نامزد کردیا ہے۔ حافظ نعیم الرحمان نے مطالبہ کیا ہے اسلامی دنیا اور بالخصوص عرب ممالک اور پاکستان کے حکمران خواب خرگوش سے بیدار ہوں اور غزہ کے معاملہ پر امت کے جذبات کی ترجمانی کریں۔
حکومت کا ایران،عراق اور شام جانے والے زائرین کے متعلق اہم فیصلہ