رجب بٹ تنازع پر حمزہ علی عباسی نے حیران کن حل پیش کردیا
اشاعت کی تاریخ: 27th, April 2025 GMT
پاکستانی ڈرامہ انڈسٹری کے خوبرو اداکار حمزہ علی عباسی نے ٹک ٹاکر رجب بٹ تنازع پر ایک حیران کن حل پیش کیا ہے۔
حمزہ علی عباسی کا نام شوبز میں کسی تعارف کا محتاج نہیں، مگر ان کی پہچان اب صرف ایک اداکار تک محدود نہیں رہی، دین کی طرف ان کے سفر نے انہیں ایک مختلف مقام عطا کیا ہے۔
حال ہی میں FHM پوڈکاسٹ میں بطور مہمان شرکت کرتے ہوئے حمزہ نے مذہب، روحانیت اور موجودہ سماجی رویوں پر کھل کر بات کی، اور ساتھ ہی رجب بٹ کے متنازع کیس پر ایک نہایت اہم تجویز بھی پیش کی۔
گفتگو کے دوران حمزہ علی عباسی نے مذہبی علما اور عام عوام کے درمیان جاری برسوں پرانے تناؤ پر بات کی۔ انہوں نے کہا کہ ہمارے معاشرے میں بارہا ایسا ہوا ہے کہ کوئی کچھ کہہ بیٹھتا ہے، یا تو اس کی بات کو غلط سمجھ لیا جاتا ہے یا پھر ناسمجھی میں کوئی بیان دیا جاتا ہے، جس کے نتیجے میں ہنگامہ کھڑا ہو جاتا ہے۔ حال ہی میں یوٹیوبر رجب بٹ کے ساتھ بھی ایسا ہی واقعہ پیش آیا، جس کے بعد وہ ملک چھوڑنے پر مجبور ہوگئے۔
حمزہ علی عباسی نے اس صورتحال کا حل پیش کرتے ہوئے کہا کہ ایک طرف عوام کو چاہیے کہ اپنے بیانات میں احتیاط برتیں اور غیر ضروری باتوں سے گریز کریں، مگر ساتھ ہی مذہبی طبقے کو بھی نرمی اور درگزر کا رویہ اپنانا چاہیے۔ حمزہ نے زور دے کر کہا کہ اگر کوئی اپنی غلطی تسلیم کرلے اور معذرت پیش کرے تو اسے معاف کر دینا چاہیے، معاملے کو طول دینے کے بجائے اسے ختم کر دینا ہی عقل مندی ہے۔
اس پوڈکاسٹ میں حمزہ نے اپنی ذاتی پروفیشنل زندگی کے متعلق بھی بات کی۔ انہوں نے بتایا کہ اب وہ اداکاری کو ایسے دینی اصولوں کے تحت دیکھتے ہیں جہاں اخلاقیات کی حد بندی ہو۔ ان کے انتخاب کا معیار یہ ہے کہ اسکرپٹ میں فحاشی نہ ہو، لباس باحیا ہو اور برائی کو اچھے انداز میں پیش نہ کیا جائے۔ وہ کسی اور پر اپنی سوچ مسلط نہیں کرتے، مگر اپنے لیے یہی راستہ چن لیا ہے۔
TagsShowbiz News Urdu.
ذریعہ: Al Qamar Online
کلیدی لفظ: حمزہ علی عباسی نے
پڑھیں:
توشہ خانہ ٹو کیس کے 2 اہم گواہوں کے بیانات سامنے آگئے، اہم انکشافات
توشہ خانہ ٹو کیس کے 2 اہم گواہان کے بیانات ایکسپریس نیوز کو موصول ہوگئے جنہوں نے اہم انکشافات کیے ہیں۔
رپورٹ کے مطابق گواہان بانی پی ٹی آئی عمران خان اور بشری بی بی کے خلاف عدالت کے روبرو بیانات ریکارڈ کراچکے ہیں، گواہان میں بانی پی ٹی آئی کے سابق پرسنل سیکرٹری انعام اللہ شاہ اور وعدہ معاف گواہ صہیب عباسی شامل ہیں۔
پرائیویٹ اپریزز صہیب عباسی نے بلغاری جیولری سیٹ کی قیمت کم لگانے کا اعتراف کیا، انعام اللہ شاہ نے پرائیویٹ اپریزر پر دباؤ ڈال کر جیولری سیٹ کی قدر کم کرنے کا انکشاف کیا۔
صہیب عباسی نے اپنے بیان میں کہا کہ انعام اللہ شاہ نے دباؤ ڈال کر بلغاری سیٹ کی 50 لاکھ روپے میں ویلیو لگانے کو کہا، انعام اللہ شاہ نے دھمکی دی اگر ویلیو کم نہ کی تو سرکاری محکموں سے بلیک لسٹ کر دیا جائے گا، چیئرمین نیب کے سامنے معافی مانگتے ہوئے اپنا بیان ریکارڈ کروایا، ریکارڈ پر دستخط بھی کئے۔
صہیب عباسی نے کہا کہ مجسٹریٹ کے سامنے بھی اپنے بیان میں اعتراف کیا کہ ڈر کے مارے جیولری سیٹ کی قدر کم کر کے رپورٹ دی، 23 مئی 2024 کو نیب کے انوسٹیگیشن افسر کے سامنے پیش کیا گیا اور معافی کی درخواست جمع کرائی۔
صہیب عباسی نے مزید کہا کہ بلغاری جیولری سیٹ کی تشخیص 25 مئی 2022 کو کیبنٹ ڈویژن کے سیکشن آفیسر نے سونپی تھی، میں نے اپنی رضامندی سے نیب کے انوسٹیگیشن افسر کو دستاویزات فراہم کیں۔
انعام اللہ شاہ نے بیان دیا کہ میں نے صہیب عباسی سے جیولری سیٹ کی قدر کم کرنے کو کہا تھا، میں نے پی ٹی آئی اور سرکاری نوکری دونوں سے تنخواہیں وصول کیں، میں 2019 سے 2021 تک ڈبل سیلری وصول کرتا رہا، بشریٰ بی بی کی ناراضی پر نوکری سے برطرف کیا گیا ڈبل سیلری کی شکایت نہیں تھی، بشری بی بی کو شک تھا جہانگیر ترین کے ساتھ میرے بھائی کے تعلقات ہیں۔
انعام اللہ شاہ نے کہا کہ میں پرائم منسٹر ہاؤس کے کامپٹرولر کے طور پر بنی گالا ہاؤس میں تعینات تھا، بلغاری جیولری سیٹ سعودی ولی عہد نے بطور سابق وزیر اعظم بانی پی ٹی آئی اور بشری بی بی کو گفٹ کیا تھا۔
نیب حکام کے مطابق بانی پی ٹی آئی اور بشری بی بی نے جیولری سیٹ توشہ خانہ میں جمع نہیں کرایا تھا، بانی پی ٹی آئی اور بشری بی بی نے پرائیویٹ اپریزر سے کم قیمت لگاکر جیولری سیٹ اپنے پاس رکھا تھا۔
نیب حکام نے کہا کہ بلغاری جیولری سیٹ کی اصل قیمت ساڑھے سات کروڑ تھی، بانی پی ٹی آئی نے پرائیویٹ اپریزر سے سیٹ کی قیمت 59 لاکھ لگوائی، بانی پی ٹی آئی نے صرف 29 لاکھ روپے سرکاری خزانے میں جمع کرائے، جیولری سیٹ میں نیکلیس، بریسلیٹ، ائیر رنگز اور ایک انگوٹھی شامل تھیں۔
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی