شاہ رخ خان نے کئی برسوں تک کشمیر سے دوری کیوں اختیار کی؟
اشاعت کی تاریخ: 27th, April 2025 GMT
دنیا کے کونے کونے میں سفر کرنے والے اور بالی ووڈ کے بے تاج بادشاہ کہلانے والے شاہ رخ خان نے کبھی کشمیر نہ جانے کا عہد کیوں کیا تھا؟
اس جذباتی قصے کی جھلک پہلی بار 2012 میں مشہور کوئز شو ’کون بنے گا کروڑ پتی‘ کے ایک خصوصی قسط میں سامنے آئی، جہاں وہ اپنی ساتھی اداکارہ کترینہ کیف کے ہمراہ اپنی فلم ’جب تک ہے جان‘ کی تشہیر کےلیے شریک ہوئے تھے۔
شو کے دوران جب میزبان امیتابھ بچن نے ذکر چھیڑا کہ ’جب تک ہے جان‘ وہ پہلی فلم ہے جس کی شوٹنگ شاہ رخ نے کشمیر میں کی، تو کنگ خان کے چہرے پر ایک خاص سی سنجیدگی چھا گئی۔ انہوں نے اپنے دل کی گہرائیوں سے ایک قصہ سنایا، جو ان کے مرحوم والد کی خواہشات سے جڑا ہوا تھا۔
شاہ رخ نے بتایا کہ ان کے والد نے زندگی میں تین جگہیں دیکھنے کی وصیت کی تھی: استنبول، روم اور کشمیر۔ مگر ساتھ ہی یہ نصیحت بھی کی کہ استنبول اور روم تو چاہے اکیلے دیکھ لینا، لیکن کشمیر کبھی میرے بغیر نہ جانا۔ شاہ رخ کے والد کا جلد ہی انتقال ہوگیا، جب وہ محض 15 برس کے تھے، اور یوں ایک بے نام سی اداسی کے ساتھ یہ وصیت ان کے دل میں بس گئی۔
دوستوں کی فرمائشیں ہوئیں، گھر والے کئی بار چھٹیاں منانے کشمیر گئے، مگر شاہ رخ نے ہمیشہ خود کو روکے رکھا۔ کشمیر نہ جانے کا فیصلہ جغرافیائی یا سیاسی حالات کی بنیاد پر نہیں تھا، بلکہ ایک بیٹے کے دل میں بسے والد کے خواب کی حفاظت تھی۔
یہ عہد شاید ہمیشہ قائم رہتا اگر قسمت ایک نیا موڑ نہ لیتی۔ فلم ’جب تک ہے جان‘ کی شوٹنگ کے دوران، ہدایتکار یش چوپڑا، جنہیں شاہ رخ والد جیسا مانتے تھے، نے اچانک کہا، ’’بیٹا، ہم کشمیر میں شوٹ کریں گے۔‘‘ اس لمحے شاہ رخ کے لیے انکار ممکن نہ تھا۔ وہ جانتے تھے کہ اگر ابا کے بعد کسی نے باپ کی محبت دی ہے، تو وہ یش جی ہی ہیں۔
جب شاہ رخ خان پہلی بار کشمیر کی سرزمین پر اترے، اور ہیلی کاپٹر میں بیٹھے گلمرگ کی طرف محوِ پرواز تھے، تو برسوں کے ضبط کے بعد ان کا دل خوشی سے لبریز ہوگیا۔ شاہ رخ نے اعتراف کیا کہ کشمیر میں شوٹنگ کرنا ان کی زندگی کے حسین ترین لمحات میں سے ایک تھا۔
قابل ذکر ہے کہ ’جب تک ہے جان‘ نہ صرف شاہ رخ خان کا کشمیر میں پہلا فلمی تجربہ تھا بلکہ یہی فلم عظیم ہدایتکار یش چوپڑا کی زندگی کا آخری تخلیقی شاہکار بھی بنی۔ افسوس کہ فلم کی ریلیز سے کچھ ہی ہفتے قبل، اکتوبر 2012 میں، یش چوپڑا بھی دنیا سے رخصت ہوگئے۔
شاہ رخ خان کے والد میر تاج محمد خان کا انتقال 1981 میں کینسر کے باعث ہوا تھا، جب شاہ رخ خان محض پندرہ سال کے تھے۔ چند سال بعد، 1991 میں، ان کی والدہ لطیف فاطمہ خان بھی ذیابیطس کی بیماری سے زندگی کی بازی ہار گئیں۔ شاید یہی محرومیاں شاہ رخ کو ایک نرم دل، وفادار اور جذباتی انسان بنانے میں سب سے بڑا کردار ادا کرتی ہیں، وہ شخص جس نے صرف اپنے والد کی بات دل پر نہیں، روح پر لکھ لی۔
.ذریعہ: Express News
کلیدی لفظ: جب تک ہے جان شاہ رخ خان شاہ رخ نے
پڑھیں:
میٹرک بورڈ ملتان کے امتحان میں رکشہ ڈرائیور کا بیٹا سب پر بازی لے گیا
میٹرک بورڈ ملتان کے امتحان میں رکشہ ڈرائیور کا بیٹا سب پر بازی لے گیا WhatsAppFacebookTwitter 0 25 July, 2025 سب نیوز
لاہور(آئی پی ایس) محنت اور لگن ہو تو کم وسائل میں بھی بہترین نتائج دیے جا سکتے ہیں، کچھ ایسا ہی دیکھنے میں آیا تعلیمی بورڈ ملتان کے نتائج میں جس میں رکشہ ڈرائیور کے بیٹے محمد احمد نے آرٹس گروپ میں 1161 نمبر حاصل کرکے پہلی پوزیشن حاصل کی۔
محمد احمد کا تعلق بورے والا کے ایک گاؤں سے ہے، انہوں نے مدرسہ جامعہ حنفیہ سے میٹرک کا امتحان دیا اور میٹرک کے سالانہ امتحانات میں آرٹس گروپ میں 1161 نمبر حاصل کرکے پہلی پوزیشن حاصل کی۔
محمد احمد کے والد رکشہ چلاتے ہیں اور ان کی خواہش تھی کہ وہ تو نہیں پڑھے لیکن ان کا بیٹا ان کا نام روشن کرے۔
آرٹس گروپ میں فرسٹ پوزیشن حاصل کرنے والے محمد احمد کا کہنا ہے میرا تعلق ایک غریب گھرانے سے ہے اور میرے والد رکشہ چلاتے ہیں لیکن انہوں نے ناصرف معاشی طور پر سپورٹ کیا بلکہ بہت زیادہ حوصلہ افزائی بھی کی۔
محمد احمد کے والد محمد افضل کا کہنا ہے میں رکشہ چلاتا ہوں اور ان پڑھ ہوں لیکن میری خواہش ہے کہ بچہ میرا پڑھ جائے، آج میں بڑا خوش ہوں کہ بچہ میرا پڑھ گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرفرانس کا ستمبر میں فلسطینی ریاست کو تسلیم کرنے کا اعلان مغربی کنارے کا الحاق غیر قانونی، عالمی برادری اسرائیل کو جواب دہ ٹھہرائے: پاکستان اسلامی نظریاتی کونسل نے ماں اوربچے کی صحت کیلئے بچوں کی پیدائش میں مناسب وقفہ ناگزیرقراردیدیا قائد حزب اختلاف قومی اسمبلی عمر ایوب خان کا مستونگ آپریشن کے شہدا کو خراجِ عقیدت وزیراعظم ہاوس میں جرگہ، میڈیکل کالجز اور انجینئرنگ یونیورسٹیوں میں ضم شدہ اضلاع کا کوٹا بحال چھبیس نومبر احتجاج، حکومت پنجاب کا 20ملزمان کی ضمانتیں منسوخ کرانے کیلئے سپریم کورٹ سے رجوع کا فیصلہ صوبائی عہدیدار ڈی آئی خان میں طالبان کو کتنے پیسے دیتا ہے؟، محسن نقوی کا علی امین گنڈا پور پر طنزCopyright © 2025, All Rights Reserved
رابطہ کریں ہمارے بارے ہماری ٹیم
ٹک ٹاک اکاؤنٹ ڈیلیٹ کرنے سے انکار پر باپ نے بیٹی کو قتل کر دیا