نوشکی سانحہ: وزیراعلیٰ بلوچستان میر سرفراز بگٹی کا سول اسپتال کوئٹہ کا ہنگامی دورہ
اشاعت کی تاریخ: 29th, April 2025 GMT
وزیراعلیٰ بلوچستان میر سرفراز بگٹی نے سول اسپتال کوئٹہ کا ہنگامی دورہ کیا جہاں انہوں نے نوشکی میں تیل بردار ٹینکر پھٹنے کے المناک سانحے میں زخمی ہونے والے افراد کی عیادت کی۔
وزیراعلیٰ نے زخمیوں کو ہر ممکن اور بہترین طبی سہولیات فراہم کرنے کی ہدایت دیتے ہوئے کہا کہ سیریس نوعیت کے زخمیوں کو ڈاکٹرز کی تجویز پر فوری طور پر کراچی منتقل کیا جائے۔
میر سرفراز بگٹی نے متاثرہ افراد اور ان کے اہل خانہ سے دلی ہمدردی کا اظہار کرتے ہوئے زخمیوں کے مکمل علاج کی یقین دہانی کرائی۔ انہوں نے کہا کہ نوشکی میں پیش آنے والا سانحہ انتہائی افسوسناک ہے، حادثے کی اطلاع ملتے ہی ہیلی کاپٹر اور ایمبولینسز نوشکی روانہ کر دی گئیں اور 70 سے زائد زخمیوں کو فوری طور پر کوئٹہ منتقل کیا گیا۔
مزید پڑھیں: نوشکی: تیل سے بھرے ٹرک میں آگ لگنے سے دھماکا، متعدد افراد جھلس گئے
وزیراعلیٰ نے بتایا کہ وزیر صحت اور ماہر ڈاکٹرز زخمیوں کی نگہداشت میں مصروف ہیں، جبکہ محکمہ صحت کی جانب سے حادثے کے فوری بعد اٹھائے گئے اقدامات پر اطمینان کا اظہار کیا گیا۔ انہوں نے اس موقع پر صحت کے شعبے میں اصلاحات پر زور دیتے ہوئے کہا کہ ماضی کی غفلتوں سے محکمہ صحت متاثر ہوا ہے، لیکن اب ہم اس میں انقلابی اصلاحات لا رہے ہیں۔
ان کا کہنا تھا کہ صوبے کے تمام اضلاع میں صحت کی معیاری سہولیات کی فراہمی کو یقینی بنایا جائے گا۔ عام غریب بلوچ شہری کو صحت کی بنیادی سہولتیں ان کی دہلیز پر فراہم کرنا ہمارا عزم ہے۔ وزیراعلیٰ نے سول اسپتال میں موجود صوبائی وزیر صحت بخت محمد کاکڑ اور دیگر اعلیٰ حکام سے بریفنگ بھی لی، اور زخمیوں کے لیے طبی خدمات کی تسلسل کے ساتھ فراہمی پر زور دیا۔
انہوں نے سرکاری شعبے میں صحت کے نظام کو جدید خطوط پر استوار کرنے اور مقامی سطح پر مریضوں کے معیاری علاج کو ممکن بنانے کے اقدامات کو سراہا، اور طبی عملے کی کارکردگی پر اطمینان کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تیل بردار ٹینکر سول اسپتال کوئٹہ میر سرفراز بگٹی نوشکی سانحہ: وزیراعلیٰ بلوچستان.ذریعہ: WE News
کلیدی لفظ: تیل بردار ٹینکر سول اسپتال کوئٹہ میر سرفراز بگٹی نوشکی سانحہ وزیراعلی بلوچستان میر سرفراز بگٹی سول اسپتال انہوں نے
پڑھیں:
کوئٹہ میں موبائل انٹرنیٹ ڈیٹا سروس معطل
data-id="863a0a8" data-element_type="widget" data-widget_type="theme-post-content.default">
حکومتِ بلوچستان نے امن و امان کی صورتحال کے پیشِ نظر صوبائی دارالحکومت کوئٹہ میں موبائل انٹرنیٹ ڈیٹا سروس عارضی طور پر معطل کر دی ہے۔
محکمہ داخلہ بلوچستان کے مطابق یہ فیصلہ احتیاطی اقدام کے طور پر کیا گیا ہے، اور موبائل فون ڈیٹا سروس 24 گھنٹوں کے لیے بند رہے گی۔ حکام نے بتایا کہ سروس آج رات 12 بجے تک بحال نہیں کی جائے گی۔ اس بندش کے باعث طلبا، کاروباری افراد اور آن لائن خدمات فراہم کرنے والے صارفین کو شدید مشکلات کا سامنا ہے، کیونکہ انٹرنیٹ پر انحصار کرنے والے بیشتر کام متاثر ہو رہے ہیں۔
محکمہ داخلہ کا کہنا ہے کہ فیصلہ عوام کے تحفظ اور شہر میں ممکنہ ناخوشگوار واقعات سے بچاؤ کے لیے کیا گیا ہے۔ یاد رہے کہ اس سے قبل بھی کوئٹہ سمیت بلوچستان کے مختلف اضلاع میں طویل عرصے تک موبائل انٹرنیٹ سروس معطل رہی تھی۔ بعد ازاں صوبائی حکومت نے بلوچستان ہائیکورٹ کے احکامات کی روشنی میں 16 روز بعد انٹرنیٹ سروس بحال کی تھی۔
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر