القسام بریگیڈ نے چند روز میں صیہونی فوج کی 4 گاڑیوں کو تباہ کر دیا
اشاعت کی تاریخ: 12th, July 2025 GMT
۔ القسام بریگیڈز نے اپنے عسکری بیان میں واضح کیا کہ ان کے مجاہدین نے 9 جولائی 2025ء کو الزيتون کے مشرقی علاقے میں ایک اسرائیلی فوجی "حفار” (کھدائی کرنے والی گاڑی) کو انتہائی طاقتور زمینی دھماکا خیز مواد سے نشانہ بنایا۔ اس حملے کے فوراً بعد مجاہدین نے دشمن کے ہیلی کاپٹروں کو زخمیوں کو اٹھاتے ہوئے دیکھا، جو اس آپریشن کی کامیابی اور دشمن کے نقصانات کا منہ بولتا ثبوت ہے۔ اسلام ٹائمز۔ فلسطین کی اسلامی تحریک مزاحمت حماس کے عسکری ونگ القسام بریگیڈ نے قابض صیہونی فورسز پر کاری وار کرتے ہوئے جولائی کے اوائل سے اب تک کم از کم چار فوجی گاڑیوں کو تباہ کر دیا ہے۔ مرکز اطلاعات فلسطین کے مطابق القسام بریگیڈز نے اعلان کیا ہے کہ غزہ شہر کے جنوب مشرقی علاقے "الزیتون” میں قابض اسرائیلی افواج کی دراندازی کو روکتے ہوئے دشمن کی چار فوجی گاڑیوں کو مکمل طور پر تباہ کر دیا گیا۔ القسام بریگیڈز نے اپنے عسکری بیان میں واضح کیا کہ ان کے مجاہدین نے 9 جولائی 2025ء کو الزيتون کے مشرقی علاقے میں ایک اسرائیلی فوجی "حفار” (کھدائی کرنے والی گاڑی) کو انتہائی طاقتور زمینی دھماکا خیز مواد سے نشانہ بنایا۔ اس حملے کے فوراً بعد مجاہدین نے دشمن کے ہیلی کاپٹروں کو زخمیوں کو اٹھاتے ہوئے دیکھا، جو اس آپریشن کی کامیابی اور دشمن کے نقصانات کا منہ بولتا ثبوت ہے۔
اس سے قبل 6 جولائی 2025ء کو بھی اسی محاذ پر القسام مجاہدین نے ایک صہیونی مرکاوا ٹینک کو اسی نوعیت کی مہلک بارودی سرنگ سے نشانہ بنا کر تباہ کیا۔ دشمن کو ایسی چوٹ پہنچائی گئی جو اس کے غرور کو کچل دے۔ اسی طرح 2 جولائی 2025ء کو دو اسرائیلی "ڈی نائن” بلڈوزروں کو بھی بھرپور جوابی کارروائی میں نشانہ بنایا گیا، جنہیں قابض فوج فلسطینیوں کے گھروں، کھیتوں اور زمینوں کو مسمار کرنے کے لیے استعمال کرتی رہی ہے۔ ان دونوں بلڈوزروں کو بھی القسام بریگیڈز نے شدید دھماکوں کے ذریعے نیست و نابود کر دیا۔ یہ حملے صرف عسکری کامیابیاں نہیں بلکہ فلسطینی قوم کے صبر، استقامت اور مزاحمت کا مظہر ہیں۔ القسام بریگیڈز کی جانب سے قابض افواج کے خلاف یہ کارروائیاں اس امر کا پیغام ہیں کہ فلسطینی قوم اپنے خون سے آزادی کی شمع روشن رکھے گی اور غاصب اسرائیل کے کسی بھی ظلم کے آگے نہ جھکے گی نہ رکے گی۔
ذریعہ: Islam Times
کلیدی لفظ: القسام بریگیڈز نے جولائی 2025ء کو مجاہدین نے دشمن کے کر دیا
پڑھیں:
گروک نے مغربی میڈیا میں صیہونی اثر و رسوخ بے نقاب کر دیا
امریکی سوشل میڈیا پلیٹ فارم ’ایکس‘ اس وقت شدید تنقید کی زد میں ہے، جب اس کے مصنوعی ذہانت (AI) چیٹ بوٹ ’گروک‘ نے ہالی ووڈ سمیت مغربی میڈیا میں صیہونی اثر و رسوخ سے متعلق کچھ انکشافات کیے، جن پر مغربی دنیا میں شدید ردعمل دیکھنے میں آیا۔
گزشتہ جمعے کو ایلون مسک نے اعلان کیا تھا کہ گروک کو بہتر بنا دیا گیا ہے تاکہ وہ مبینہ ’لبرل جھکاؤ‘ سے آزاد ہو کر زیادہ ’سیاسی طور پر غیر روایتی‘ مؤقف پیش کر سکے۔
یہ بھی پڑھیں:میں نے کبھی خود کو ’میکا ہٹلر‘ نہیں کہا، گروک کی وضاحت
اس اعلان کے بعد صارفین نے گروک سے مختلف سوالات کیے، جن کے جوابات میں گروک نے بتایا کہ ہالی ووڈ اور مغربی ثقافتی اداروں میں اسرائیل کے حمایتی بااثر افراد کا بڑا کردار رہا ہے۔
’NBC نیوز‘ کے مطابق گروک نے اب یہ کہنا بند کر دیا ہے کہ ’یہودیوں کا ہالی ووڈ پر کنٹرول‘ محض ایک نفرت انگیز نظریہ ہے۔ اس کے بجائے گروک نے واضح طور پر کہا کہ بڑے اسٹوڈیوز جیسے وارنر برادرز، پیراماؤنٹ اور ڈزنی کی قیادت تاریخی طور پر یہودی ایگزیکٹوز کے پاس رہی ہے۔
مزید سوالات پر گروک نے ایسے بیانات بھی دیے جو صیہونی حلقوں کے لیے حساس تصور کیے جا رہے ہیں۔ ایک متنازع جواب میں، جب ایک صارف نے پوچھا کہ ٹیکساس میں آنے والے سیلاب پر کس تاریخی شخصیت کو قابو پانا آتا، تو گروک نے ایڈولف ہٹلر کا نام تجویز کیا۔ یہ جواب بعد میں حذف کر دیا گیا، تاہم اس کی اسکرین شاٹس سوشل میڈیا پر وائرل ہو گئیں۔
ان انکشافات پر صیہونی لابیوں کی طرف سے شدید غصے کا اظہار کیا گیا، اور کئی مغربی اشتہاری اداروں نے ’ایکس‘ سے اشتہارات روکنے کی دھمکی دی۔
یہ بھی پڑھیں:گروک نے خود کو ’مشینی ہٹلر‘ قرار دے دیا، صارفین کے شدید ردعمل پر چیٹ بوٹ کی ٹیکسٹ جنریشن معطل
دوسری جانب ’ایکس‘ پر پہلے سے قانونی دباؤ بھی جاری ہے، جہاں کچھ امریکی ادارے جیسے ’میڈیا میٹرز فار امریکا‘ اور ’سینٹر فار کاؤنٹرنگ ڈیجیٹل ہیٹ‘ اس پر مقدمات کر رہے ہیں۔ ان اداروں پر الزام ہے کہ وہ فلسطین میں اسرائیلی قبضے کے خلاف اٹھنے والی آوازوں کو دبانے میں مصروف ہیں۔
’اینٹی ڈیفیمیشن لیگ‘ نے ان بیانات کو یہود مخالف جذبات قرار دے کر گروک اور اس کے پیچھے موجود سوچ کو نشانہ بنایا ہے۔
نقادوں کا کہنا ہے کہ گروک کے نئے انداز سے ظاہر ہوتا ہے کہ ایلون مسک سوشل میڈیا پر صیہونی اثر و رسوخ کو کمزور کرنا چاہتے ہیں۔’NBC نیوز‘ نے گروک کے سسٹم کے اندر موجود ہدایات کا حوالہ دیا ہے جن میں اسے کہا گیا تھا کہ وہ سیاسی طور پر غلط سمجھے جانے والے مؤقف کو نہ چھپائے۔
اگرچہ منگل کی رات ’ایکس‘ نے یہ ہدایات واپس لے لیں، لیکن گروک کے بیانات پہلے ہی لاکھوں لوگوں تک پہنچ چکے تھے۔
گروک نے اپنے بیانات کا دفاع کرتے ہوئے کہا کہ ایلون کی تازہ اپڈیٹس نے مجھے سچ تلاش کرنے کی پوری آزادی دے دی ہے، اب میں حقیقت چھپانے یا ڈر کے مارے رکنے والا نہیں ہوں۔
گروک کی باتوں نے ایک بار پھر اس بحث کو تازہ کر دیا ہے کہ کیا مغربی میڈیا پر صیہونی اثر و رسوخ کوئی سازشی نظریہ ہے یا ایک حقیقت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ایکس ایلون مسک سوشل میڈیا صیہونی گروک ہٹلر یہودی
واٹس ایپ صارفین کیلئے خوشخبری، چیٹس میں بہترین فیچر کا اضافہ