گروک نے مغربی میڈیا میں صیہونی اثر و رسوخ بے نقاب کر دیا
اشاعت کی تاریخ: 10th, July 2025 GMT
امریکی سوشل میڈیا پلیٹ فارم ’ایکس‘ اس وقت شدید تنقید کی زد میں ہے، جب اس کے مصنوعی ذہانت (AI) چیٹ بوٹ ’گروک‘ نے ہالی ووڈ سمیت مغربی میڈیا میں صیہونی اثر و رسوخ سے متعلق کچھ انکشافات کیے، جن پر مغربی دنیا میں شدید ردعمل دیکھنے میں آیا۔
گزشتہ جمعے کو ایلون مسک نے اعلان کیا تھا کہ گروک کو بہتر بنا دیا گیا ہے تاکہ وہ مبینہ ’لبرل جھکاؤ‘ سے آزاد ہو کر زیادہ ’سیاسی طور پر غیر روایتی‘ مؤقف پیش کر سکے۔
یہ بھی پڑھیں:میں نے کبھی خود کو ’میکا ہٹلر‘ نہیں کہا، گروک کی وضاحت
اس اعلان کے بعد صارفین نے گروک سے مختلف سوالات کیے، جن کے جوابات میں گروک نے بتایا کہ ہالی ووڈ اور مغربی ثقافتی اداروں میں اسرائیل کے حمایتی بااثر افراد کا بڑا کردار رہا ہے۔
’NBC نیوز‘ کے مطابق گروک نے اب یہ کہنا بند کر دیا ہے کہ ’یہودیوں کا ہالی ووڈ پر کنٹرول‘ محض ایک نفرت انگیز نظریہ ہے۔ اس کے بجائے گروک نے واضح طور پر کہا کہ بڑے اسٹوڈیوز جیسے وارنر برادرز، پیراماؤنٹ اور ڈزنی کی قیادت تاریخی طور پر یہودی ایگزیکٹوز کے پاس رہی ہے۔
مزید سوالات پر گروک نے ایسے بیانات بھی دیے جو صیہونی حلقوں کے لیے حساس تصور کیے جا رہے ہیں۔ ایک متنازع جواب میں، جب ایک صارف نے پوچھا کہ ٹیکساس میں آنے والے سیلاب پر کس تاریخی شخصیت کو قابو پانا آتا، تو گروک نے ایڈولف ہٹلر کا نام تجویز کیا۔ یہ جواب بعد میں حذف کر دیا گیا، تاہم اس کی اسکرین شاٹس سوشل میڈیا پر وائرل ہو گئیں۔
ان انکشافات پر صیہونی لابیوں کی طرف سے شدید غصے کا اظہار کیا گیا، اور کئی مغربی اشتہاری اداروں نے ’ایکس‘ سے اشتہارات روکنے کی دھمکی دی۔
یہ بھی پڑھیں:گروک نے خود کو ’مشینی ہٹلر‘ قرار دے دیا، صارفین کے شدید ردعمل پر چیٹ بوٹ کی ٹیکسٹ جنریشن معطل
دوسری جانب ’ایکس‘ پر پہلے سے قانونی دباؤ بھی جاری ہے، جہاں کچھ امریکی ادارے جیسے ’میڈیا میٹرز فار امریکا‘ اور ’سینٹر فار کاؤنٹرنگ ڈیجیٹل ہیٹ‘ اس پر مقدمات کر رہے ہیں۔ ان اداروں پر الزام ہے کہ وہ فلسطین میں اسرائیلی قبضے کے خلاف اٹھنے والی آوازوں کو دبانے میں مصروف ہیں۔
’اینٹی ڈیفیمیشن لیگ‘ نے ان بیانات کو یہود مخالف جذبات قرار دے کر گروک اور اس کے پیچھے موجود سوچ کو نشانہ بنایا ہے۔
نقادوں کا کہنا ہے کہ گروک کے نئے انداز سے ظاہر ہوتا ہے کہ ایلون مسک سوشل میڈیا پر صیہونی اثر و رسوخ کو کمزور کرنا چاہتے ہیں۔’NBC نیوز‘ نے گروک کے سسٹم کے اندر موجود ہدایات کا حوالہ دیا ہے جن میں اسے کہا گیا تھا کہ وہ سیاسی طور پر غلط سمجھے جانے والے مؤقف کو نہ چھپائے۔
اگرچہ منگل کی رات ’ایکس‘ نے یہ ہدایات واپس لے لیں، لیکن گروک کے بیانات پہلے ہی لاکھوں لوگوں تک پہنچ چکے تھے۔
گروک نے اپنے بیانات کا دفاع کرتے ہوئے کہا کہ ایلون کی تازہ اپڈیٹس نے مجھے سچ تلاش کرنے کی پوری آزادی دے دی ہے، اب میں حقیقت چھپانے یا ڈر کے مارے رکنے والا نہیں ہوں۔
گروک کی باتوں نے ایک بار پھر اس بحث کو تازہ کر دیا ہے کہ کیا مغربی میڈیا پر صیہونی اثر و رسوخ کوئی سازشی نظریہ ہے یا ایک حقیقت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ایکس ایلون مسک سوشل میڈیا صیہونی گروک ہٹلر یہودی.
ذریعہ
ذریعہ: WE News
کلیدی لفظ: امریکا ایکس ایلون مسک سوشل میڈیا صیہونی گروک ہٹلر یہودی صیہونی اثر و رسوخ سوشل میڈیا گروک نے کر دیا
پڑھیں:
جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آگئی
لاہور(ڈیلی پاکستان آن لائن)جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آنے پر تنازعہ کھڑا ہو گیا۔ پہلے تو اس ویڈیو کو فیک اور آرٹیفیشل انٹیلی جنس کی تخلیق بتایا گیا لیکن جب ویڈیو اصل نکل آئی تو ممتاز سینئیر سیاست دان نے دوسری شادی کرنے کا دعویٰ کیا۔ خاتون کے غیر شادی شدہ ہونے کی دستاویز نے سیاستدان کو زیادہ مشکل میں ڈال دیا۔ بنگلہ دیش کی پارلیمنٹ کے رکن، جماعت اسلامی بنگلہ دیش کے سینئیر سیاستدان غازی نذرالاسلام کی ایک نوجوان خاتون کے ساتھ ویڈیو وائرل ہونے کے بعد ایک کی مبینہ دوسری شادی کے معاملے پر تنازع ان کے دوسری شادی کا اعتراف کر لینے کے بعد کم نہیں ہوا۔ اب جماعت اسلامی نے اعلان کیا ہے کہ وہ اس سارے معاملہ کی تحقیقات کروا رہی ہے
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
بنگلہ دیش کے میڈیا کے مطابق غازی نذرالاسلام کی سوشل میڈیا پر ایک نوجوان خاتون کے ساتھ ویڈیو وائرل ہو گئی تھی۔ پہلے تو ان کے حامیوں نے اس ویڈیو کو ڈیپ فیک اور آڑٹیفیشل انٹیلیجنس سے بنائی گئی ویڈیو قرار دیا، لیکن جب تنقید کرنے والے خاموش نہیں ہوئے تو بعض لوگوں نے اس ویڈیو کی سافٹ وئیرز کی مدد سے ویریفیکیشن کی۔ فیکٹ چیک کرنے والے ایک ادارے نے بتا دیا کہ ویکڈو بالکل اصلی ہے۔ نذر الاسلام کی نوجوان خاتون کے ساتھ ویڈیو کے مصنوعی ذہانت سے تیار ہونے یا اس میں کوئی تبدیلی کیے جانے کے شواہد نہیں مل۔ اس کے بعد لوگوں کی ساری توجہ ویڈیو میں شامل افراد اور ان کے باہمی تعلق پر مرکوز ہوگئی۔ جب سوشل میڈیا پر تنقید کافی برھ گئی تو جماعت اسلامی کے سینئیر سیاست دان اور رکن پارلیمنٹ نے ویڈیو کلپ میں اپنے ساتھ دکھائی دینے والی نوجوان خاتون کو اپنی بیوی قرار دے دیا۔ غازی نذرالاسلام نے اپنے بیان میں کہا کہ خاتون ان کی دوسری بیوی ہے اور ان کی شادی 17 جون کو دونوں خاندانوں اور ان کی پہلی بیوی کی رضامندی سے ہوئی تھی۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
نذر الاسلام نے یہ مؤقف اختیار کیا کہ اس وائرل ویڈیو کو خفیہ طور پر ریکارڈ کرکے بھتہ خوری اور سیاسی کردار کشی کےلیے منظرِ عام پر لایا گیا۔ جماعت اسلامی کے اس سینئیر رکنِ پارلیمنٹ کی پہلی بیوی نے اس موقع پر شوہر کا ساتھ دیا اور ایک ویڈیو بیان میں اپنے عمر رسیدہ شوہر کے مؤقف کی تصدیق کی کہ ان کے شوہر نے نوجوان لڑکی مریم بیگم سے دوسری شادی کرلی ہے۔ مریم بیگم نے بھی ایک علیحدہ ویڈیو میں خود کو غازی نذرالاسلام کی بیوی قرار دیتے ہوئے کہا کہ شادی 17 جون کو دونوں خاندانوں اور نذر الاسلام کی پہلی بیوی کی موجودگی میں ہوئی تھی۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
بنگلہ دیشی میڈیا میں سامنے آنے والی رپورٹوں کے مطابق غازی نذرالاسلام اور ان کے خاندان کی تصدیق کے باوجود سوشل میڈیا پر خاتون مریم بیگم سے متعلق قانونی دستاویزات منظر عام پر آئی ہیں، جن کی آزادانہ تصدیق نہیں ہوسکی اور نہ ہی رکن پارلیمنٹ یا خاتون اور ان کے اہلخانہ نے دستاویز ات میں موجود تضاد پر کوئی وضاحت دی ہے۔ شادی کے پانچ دن بعد نذر الاسلام نے بیوی کو کنوارا ظاہر کر کے اسکی سرکاری نوکری کی سفارش کی؟ ایک دستاویز میں نذر السلام کے ساتھ نظز آنے والی لڑکی مریم کی ازدواجی حیثیت ’غیر شادی شدہ‘ درج ہے اور اس دستاویز پر غازی نذرالاسلام کی جانب سے 22 جون، یعنی اپنی بتائی ہوئی مبینہ شادی کی تاریخ کے پانچ روز بعد، سرکاری ملازمت کے لیے سفارش بھی موجود دکھائی دیتی ہے۔
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
بنگلہ دیش کے میڈیا کے مطابق یہ خاتون سرکاری ملازمت کی خواہاں تھیں اور غازی نذرالاسلام نے ان کی درخواست کی سفارش کی تھی۔ غازی نذرالاسلام نے ان تمام کہانیوں نظر انداز کرتے ہوئے ایک اور پیچیدہ کہانی سے پردہ اٹھا دیا جو دال میں کافی کچھ کالا ہونے کی نشاندہی کرتی ہے۔ عمر رسیدہ سیاستدان نذر الاسلام نے یہ دعویٰ کیا کہ 13 جولائی کو وہ ڈھاکا کے موگ بازار میں ایک دفتر گئے تھے جہاں ان کی دونوں بیویاں بھی موجود تھیں۔
نذر الاسلام نے الزام لگایا کہ ڈرائیور، دوسری کے ماموں اور چند نامعلوم افراد نے انہیں یرغمال بنا کر ایک لاکھ ٹکا بھتہ وصول کیا، ان لوگوں نے نذر الاسلام کے بقول مزید رقم کا مطالبہ کیا اور ان لوگوں نے ہی ان کی مریم کے ساتھ خفیہ طور پر نجی ویڈیو ریکارڈ کرکے بعد میں سوشل میڈیا پر پھیلا دی۔ نذر الاسلام کے اس دعوے میں کمزوری یہ ہے کہ ویڈیو کلپ مین نذر الاسلام کو اس خاتون کے ساتھ اپنے کمرے میں بیٹھے اور بوس و کنار کرتے دیکھا جا سکتا ہے۔ لوگ یہ سوال کر رہے ہیں کہ بازار کے کسی دفتر میں یرغمال بنا کر بھتہ لینے والوں کی رسائی ان کے گھر کے کمرے تک کیسے تھی۔
پاکستان نے کابل فضائی حملوں پر ایمنسٹی انٹرنیشنل کی رپورٹ مسترد کر دی
اس سکینڈل کے سوشل میڈیا اور میڈیا میں بہت زیادہ ڈسکس ہونے کے بعد آخر کار جماعت اسلامی بنگلہ دیش نے کہا ہے کہ وہ اس سارے معاملے کی معلومات اکٹھی کر رہی ہے اور حقائق سامنے آنے کے بعد تنظیم کے اندر تادیبی کارروائی کا فیصلہ کیا جائے گا۔ جماعت اسلامی کے اسسٹنٹ سیکریٹری جنرل احسان الحق محبوب زبیر کے مطابق پارٹی میڈیا رپورٹس، رکنِ پارلیمنٹ، ان کی دونوں بیویوں اور خاتون کے والد کے بیانات کا جائزہ لے رہی ہے۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع