بیوی نے ناچاقی پر اپنے شوہر کو پتھر سے مار کر ق ت ل کردیا
اشاعت کی تاریخ: 10th, July 2025 GMT
بھارت کی ریاست حیدرآباد میں قتل کی لرزہ خیز واردات پیش آئی ہے جہاں بیوی نے شوہر کو قتل کردیا ۔
بھارت کے شہر حیدرآباد میں ایک چونکا دینے والے واقعہ پیش آیا ہے جہاں ایک خاتون نے مبینہ طور پر اپنے شوہر کو سر پر پتھر مار کر قتل کر دیا۔
بھارتی پولیس کے مطابق متوفی شیخ محمد شراب نوشی کا عادی تھا اور روز نشے کی حالت میں گھر واپس آنے کے بعد مبینہ طور پر اپنی بیوی کو زبانی بدسلوکی اور ہراساں کرنے کا نشانہ بناتا تھا۔
واقعے کے دن بھی شیخ محمد مبینہ طور پر دوبارہ نشے میں گھر آیا اور اپنی بیوی کو ہراساں کرنے لگا تاہم غصے اور مایوسی کے عالم میں بیوی نے ایک پتھر اٹھایا اور اس کے سر پر مارا جس سے وہ موقع پر ہی ہلاک ہوگیا۔
بھارتی پولیس کی ابتدائی رپورٹس کے مطابق بیوی کی جانب سے یہ قدم طویل عرصے سے بدسلوکی برداشت کرنے کے بعد اٹھایا گیا ہے، پولیس نے مقدمہ درج کر کے ملزم خاتون کو حراست میں لے لیا ہے۔
پولیس حکام نے بتایا کہ گھریلو زیادتی کے دعووں کی تصدیق کے لیے تفتیش جاری ہے جبکہ متوفی کی لاش کو پوسٹ مارٹم کے لیے سرکاری اسپتال منتقل کیا گیا ہے۔
ذریعہ
ذریعہ: Daily Mumtaz
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ