بی جے پی بنگال میں "این آر سی" غیر قانونی طریقہ سے نافذ کرنے کی کوشش کررہی ہے، ممتا بنرجی
اشاعت کی تاریخ: 8th, July 2025 GMT
مغربی بنگال کی وزیراعلٰی نے کہا کہ یہ بی جے پی کے جمہوری تحفظات کو بلڈوز کرنے اور بنگال کے لوگوں کی شناخت کو مٹانے کے خطرناک ایجنڈے کو بے نقاب کرتا ہے۔ اسلام ٹائمز۔ بھارتی ریاست آسام میں غیر ملکی ٹریبونلز کی جانب سے کوچ بہار کے ایک کسان کو نوٹس جاری کر کے مبینہ طور پر غیر قانونی تارکین وطن قرار دینے پر مغربی بنگال کی وزیراعلٰی ممتا بنرجی نے آسام کی بی جے پی حکومت پر جم کر حملہ بولا ہے۔ انہوں نے آسام حکومت کے اس قدم کو "جمہوریت پر منظم حملہ" قرار دیتے ہوئے کہا کہ بی جے پی مغربی بنگال میں نیشنل رجسٹر آف سٹیزنز (این آر سی) کو غیر قانونی طریقہ سے نافذ کرنے کی کوشش کر رہی ہے، جہاں اس کا کوئی دائرہ اختیار نہیں ہے۔ ممتا بنرجی نے اس واقعہ کو خطرناک اور حاشیہ پر کھڑے طبقوں پر براہ راست حملہ قرار دیا ہے۔
مغربی بنگال کی وزیراعلٰی ممتا بنرجی نے سوشل میڈیا پلیٹ فارم ایکس پر ایک پوسٹ لکھا کہ "میں یہ جان کر حیران و پریشان ہوں کہ آسام میں غیر ملکی ٹربیونلز نے کوچ بہار کے دنہاٹا میں 50 سال سے رہ رہے راج بنشی اتم کمار برج باسی کو این آر سی نوٹس جاری کیا ہے۔ درست شناختی دستاویز ہونے کے باوجود انہیں غیر ملکی تارکین وطن ہونے کے شبہ میں پریشان کیا جا رہا ہے۔ ساتھ ہی انہوں نے لکھا کہ یہ جمہوریت پر ایک منظم حملہ سے کم نہیں ہے, یہ اس بات کا ثبوت ہے کہ آسام میں حکمراں بی جے پی حکومت بنگال میں این آر سی نافذ کرنے کی کوشش کر رہی ہے، جہاں اس کا کوئی اختیار نہیں ہے۔ ممتا بنرجی کے مطابق حاشیہ پر کھڑے طبقوں کو ڈرانے، حق رائے دہی سے محروم کرنے کی ایک سوچی سمجھی کوشش کی جا رہی ہے۔
انہوں نے کہا کہ یہ غیر آئینی حد سے تجاوز عوام دشمن ہے اور یہ بی جے پی کے جمہوری تحفظات کو بلڈوز کرنے اور بنگال کے لوگوں کی شناخت کو مٹانے کے خطرناک ایجنڈے کو بے نقاب کرتا ہے۔ انہوں نے مزید لکھا کہ اس تشویشناک صورتحال میں تمام اپوزیشن جماعتوں کو چاہیے کہ وہ بی جے پی کی اس تفرقہ انگیز اور جابرانہ مشینری کے خلاف متحد ہوں۔ بنگال اس پر خاموش نہیں بیٹھے گا کیونکہ ہندوستان کا آئینی تانا بانا بکھر رہا ہے۔ قابل ذکر ہے کہ یہ تنازعہ اس وقت شروع ہوا جب کسان اتم کمار برج باسی نے میڈیا سے کہا کہ وہ خود کو مشکوک اور غیر قانونی تارکین وطن قرار دینے والا نوٹس پا کر حیران رہ گیا، جبکہ اس نے کبھی کوچ بہار سے باہر قدم نہیں رکھا۔ اتم کمار کے مطابق وہ 5 دہائیوں سے اس علاقہ میں رہ رہا ہے اور اس کے پاس درست ہندوستانی شناختی دستاویزات بھی ہیں۔
ذریعہ: Islam Times
کلیدی لفظ: مغربی بنگال ممتا بنرجی انہوں نے بی جے پی کرنے کی کہا کہ
پڑھیں:
عمران خان کی رہائی کے لیے ایک اور کوشش ،سابق رہنماؤں نے اہم فیصلہ کرلیا ۔
پاکستان تحریک انصاف (پی ٹی آئی) کے سابق رہنماؤں نے عمران خان کی رہائی کیلئے سیاسی جماعتوں اور دیگر سے رابطوں کا فیصلہ کرلیا۔گزشتہ روز شاہ محمود قریشی سے جمعہ کو پارٹی کے سابق رہنماؤں کی ملاقات کی اندرونی کہانی سامنے آگئی۔ذرائع نے بتایاکہ پی ٹی آئی کے سابق رہنماؤں نے بانی پی ٹی آئی کی رہائی کیلئے سیاسی جماعتوں اور دیگر سے رابطوں کا فیصلہ کرلیا۔رابطہ کاری مشن میں فواد چوہدری، عمران اسماعیل، علی زیدی، محمود مولوی، سبطین خان سمیت دیگر رہنما شامل ہیں۔ذرائع کا کہنا ہے کہ پی ٹی آئی کی سابق قیادت کا ن لیگ کے رہنماؤں اور بانی پی ٹی آئی سے ملاقات کا امکان ہے۔ذرائع کے مطابق پی ٹی آئی کی سابق قیادت ملک میں سیاسی درجہ حرارت کم کرنے کی کوشش کرے گی، سابق رہنماؤں نے شاہ محمود قریشی سے معاملات کو حل اور درست کرنے کیلئے کردار ادا کرنےپرگفتگو کی۔ذرائع نے بتایاکہ سابق رہنماؤں نے اعجاز چوہدری، میاں محمود الرشید اور عمر سرفراز چیمہ سے بھی ملاقات کی جس میں موجودہ سیاسی صورتحال پر بھی تبادلہ خیال کیا گیا۔
صدر ٹرمپ کا دورہ جاپان، سرمایہ کاری کے بجائے صحت موضوعِ بحث بن گئی