یمن: تجارتی بحری جہازوں پر حوثیوں کے حملوں کی کڑی مذمت
اشاعت کی تاریخ: 12th, July 2025 GMT
اسلام آباد (اُردو پوائنٹ ۔ UN اردو۔ 12 جولائی 2025ء) اقوام متحدہ کے سیکرٹری جنرل انتونیو گوتیرش نے بحیرہ احمر میں یمن کے حوثیوں (انصاراللہ) کی جانب سے تجارتی بحری جہازوں پر حملے دوبارہ شروع کیے جانے کی سخت مذمت کی ہے۔
6 تا 8 جولائی کیے جانے والے نئے حملوں میں چار افراد ہلاک اور 15 لاپتہ ہو گئے جبکہ متعدد زخمی ہوئے ہیں۔ سیکرٹری جنرل نے کہا ہے کہ تمام متحارب فریقین کو ہر طرح کے حالات میں بین الاقوامی قانون کا احترام کرنا چاہیے۔
اپنے ترجمان سٹیفن ڈوجیرک کی جانب سے جاری کردہ بیان میں انہوں نے واضح کیا ہے کہ تجارتی بحری جہازوں پر حوثیوں کے حملوں کے خلاف سلامتی کونسل کی قرارداد 2768 (2025) پر عملدرآمد کرنا ضروری ہے۔
سیکرٹری جنرل کا کہنا ہے کہ اقوام متحدہ خطے میں جاری کشیدگی میں کمی لانے اور یمن میں تنازع کا پائیدار اور پرامن حل یقینی بنانے کے لیے یمنی فریقین اور علاقائی و بین الاقوامی کرداروں کے ساتھ کام کرنے کے لیے پرعزم ہے۔
(جاری ہے)
سمندری سفر کی آزادی کا نقصانحوثیوں نے گزشتہ دنوں بحیرہ احمر میں ایم وی میجک سیز اور ایم وی ایٹرنٹی سی نامی بحری جہازوں پر حملے کر کے انہیں ڈبو دیا تھا۔ سیکرٹری جنرل نے حوثیوں پر زور دیا ہے کہ وہ ایسا کوئی قدم نہ اٹھائیں جس سے لاپتہ عملے کی تلاش اور اسے بچانے کی کارروائیوں میں رکاوٹ پیدا ہونے کا اندیشہ ہو۔
یہ ناصرف سمندری سفر پر نکلے غیرعسکری جہازوں اور لوگوں پر ناقابل قبول حملے ہیں بلکہ ان سے سمندری سفر کی آزادی بھی متاثر ہوئی ہے جس سے ناصرف نقل و حمل کے لیے خطرات نے جنم لیا ہے بلکہ ان سے ماحول، معیشت اور پہلے سے کمزور ساحلی ماحول کو سخت نقصان پہنچنے کا اندیشہ بھی ہے۔
.ذریعہ: UrduPoint
کلیدی لفظ: تلاش کیجئے بحری جہازوں پر سیکرٹری جنرل
پڑھیں:
حوثیو ں جنگجووں کا ا بحیرہ احمر میں اسرائیل جانیوالے جہاز پر حملے کی ذمہ داری قبول کرنے کااعلان
یمن ک(اوصاف نیوز) حوثی عسکریت پسند گروپ نے 9 جولائی کو فوٹیج جاری کرتے ہوئے واضع کیا کہ بحرہ احمر میں سرحدی خلاف ورزی کرنیوالے پر اسرائیل جانیوالے جہازکو بحیرہ احمر میں غرق کردیا.جاری ویڈیو میں یونان سے چلنے والے، لائبیریا کے جھنڈے والے جہاز پر حملہ دکھایا گیا ہے۔
یمنی حوثی باغیوں کا کہنا ہے کہ فلسطین میں اسرائیلی اور امریکی جارحیت روکنے کیلئے ضروری ہے کہ فلسطینیوں کیخلاف استعمال ہونیوالے ساز وسامان کو سمندر میںہی غرق کردیا جائے .
انہوں نے ایک تجارتی بحری جہاز پر حملے شروع کئے جب اس نے اسرائیلی بندرگاہ کو استعمال کیا، اور امریکی طیارہ بردار بحری جہاز کو غزہ پر جنگ کی وجہ سے شروع کیے گئے
ایران سے منسلک گروپ کے فوجی ترجمان یحیی ساری نے اعلان میں کہا کہ لائبیریا کے جھنڈے والے بلک کیریئر ٹرانس ورلڈ نیویگیٹر کو براہ راست بحیرہ عرب میں بیلسٹک میزائلوں نے نشانہ بنایا۔
ان کا کہنا تھا کہ ایسے جہاز کو نشانہ بنایا گیاجس نےمقبوضہ فلسطین کی بندرگاہوں میں داخلے کی پابندی کی خلاف ورزی کی تھی،” انہوں نے اس سے قبل کی دھمکی کی طرف اشارہ کرتے ہوئے کہا کہ اسرائیلی بندرگاہوں پر آنے والے تمام بحری جہازوں کو ہدف تصور کیا جائے گا۔
یہ حملہ ایم وی ٹیوٹر نامی بحری جہاز کے اس ہفتے ڈوبنے کے بعد ہوا، جو کہ اہم سمندری گزرگاہوں میں تجارتی جہازوں کے خلاف مہم میں ایک نئے اضافے کی نشاندہی کرتا ہے۔
ساری نے یو ایس ایس آئزن ہاور پر بیلسٹک اور کروز میزائلوں کا استعمال کرتے ہوئے حملے کا بھی دعویٰ کیا، جس نے غزہ پر اسرائیل کی جنگ کے آغاز کے بعد سے خطے میں امریکی بحریہ کی کارروائیوں کی قیادت کی ہے۔
ساری نے وضاحت کیے بغیر کہا کہ “آپریشن نے کامیابی سے اپنے مقاصد حاصل کیے ہیں”۔ ایک نامعلوم امریکی اہلکار نے خبر رساں ادارے روئٹرز کو بتایا کہ یہ دعویٰ “غلط” ہے۔
حوثیوں اور ان کی حمایت کرنے والے سوشل میڈیا اکاؤنٹس نے بار بار بحیرہ احمر میں طیارہ بردار بحری جہاز کو مار گرانے یا اسے ڈوبنے کا دعویٰ کیا ہے۔
https://news.sky.com/video/yemens-houthis-claim-responsibility-for-attack-on-greek-ship-in-red-sea-13394788
یہ اعلان اس کے فوراً بعد سامنے آیا جب امریکی حکام نے مبینہ طور پر یو ایس ایس آئزن ہاور کو آٹھ ماہ سے زیادہ تعیناتی کے بعد وطن واپس آنے کا حکم دیا، جس کی جگہ بحرالکاہل میں کام کرنے والا دوسرا طیارہ بردار بحری جہاز اس کی جگہ لے گا۔
دہلی میں زلزلے کے شدید جھٹکے، عوام میں خوف و ہراس پھیل گیا
سینیٹ میں خیبرپختونخوا کی نشستوں کیلئے امیدواروں کی فہرست جاری