اسٹاک مارکیٹ میں تیزی، انڈیکس میں 800 سے زائد پوائنٹس کا اضافہ
اشاعت کی تاریخ: 29th, April 2025 GMT
اسلام آباد:پاکستان اسٹاک ایکسچینج میں آج تیزی رہی اور اتار چڑھاؤ کے بعد انڈیکس میں 800 سے زائد پوائنٹس کا اضافہ ہوا۔
کے ایس ای 100 انڈیکس 808.28 پوائنٹس یا 0.71 فیصد بڑھ کر 114872.18 پر بند ہوا، جو گزشتہ روز 114063.90 پر بند ہوا تھا۔
اے کے ڈی سیکیورٹیز کے ڈائریکٹر آف ریسرچ اویس اشرف نے اس تیزی کی وجہ بین الاقوامی مالیاتی فنڈ (آئی ایم ایف ) کے ایگزیکٹو بورڈ کے اجلاس کا اعلان قرار دیا، جس میں ’ توسیع شدہ فنڈ سہولت (ای ایف ایف) کے تحت پاکستان کے لیے 1.
اس سے قبل، آئی ایم ایف کی ویب سائٹ نے تصدیق کی تھی کہ فنڈ کا ایگزیکٹو بورڈ 9 مئی کو ملک کے عملے کی سطح کے معاہدے پر تبادلہ خیال کرنے کے لیے ملاقات کرے گا، جس میں موسمیاتی لچک کے قرض پروگرام کے تحت ایک نیا 1.3 بلین ڈالر کا انتظام، اور پاکستان کے جاری 7 ارب ڈالر کے بیل آؤٹ پروگرام کا پہلا جائزہ شامل ہے۔
آئی ایم ایف کے مطابق، یہ ’ توسیع شدہ فنڈ سہولت کے تحت توسیع شدہ انتظام کے تحت پہلا جائزہ’ ہوگا، اس کے ساتھ ساتھ لچک اور پائیداری سہولت (آر ایس ایف ) کے تحت انتظام کی درخواست بھی ہوگی۔
اویس اشرف کا مزید کہنا تھا کہ اس سے ’ بھارت کے ساتھ سرحدی تنازعہ سے توجہ ہٹ کر ملک کی میکرو اکنامک بہتری کی کوششوں پر مرکوز ہو گئی ہے۔’
گزشتہ روز، مثبت آغاز کے بعد، پاکستان کے معاشی نقطہ نظر اور بھارت کے ساتھ بڑھتی ہوئی کشیدگی کے خدشات نے ایکویٹی سرمایہ کاروں کو سیشن کے اختتام کی طرف گھبراہٹ میں فروخت کرنے پر مجبور کیا۔
ایک تجزیہ کار نے کہا تھا کہ اسٹاک مارکیٹ میں ہمہ گیر گراوٹ دیکھی گئی کیونکہ بڑھتی ہوئی جغرافیائی سیاسی کشیدگی، سندھ طاس معاہدے کی معطلی، اور نئی دہلی کی طرف سے دوطرفہ تجارت کی معطلی نے سرمایہ کاروں کو تشویش میں مبتلا کردیا تھا۔
گزشتہ ہفتے، پہلگام میں 22 اپریل کے حملے میں 26 افراد ہلاک ہوئے تھے، جن میں زیادہ تر سیاح تھے، جسے سال 2000 کے بعد سے متنازعہ ہمالیائی علاقے میں سب سے مہلک مسلح حملہ قرار دیا جا رہا ہے۔
اس واقعے کے بعد سے، جوہری ہتھیاروں سے لیس ممالک نے ایک دوسرے کے خلاف متعدد اقدامات کیے ہیں، جس میں بھارت نے یکطرفہ طور پر اہم سندھ طاس معاہدے کو معطل کر دیا ہے اور پاکستان نے جوابی اقدامات کرتے ہوئے شملہ معاہدے کو معطل کرنے اور اپنی فضائی حدود کو بھارتی پروازوں کے لیے بند کرنے کی دھمکی دی ہے۔
ٹاپ لائن سیکیورٹیز لمیٹڈ کے مطابق پاکستان اسٹاک ایکس چینج میں تیزی اور مندی کے رجحانات کے درمیان ایک کلاسیکی رسہ کشی دیکھنے میں آئی، انڈیکس نے مثبت طور پر آغاز کیا، ابتدائی گھنٹوں میں رفتار پکڑی اور 1189 پوائنٹس کا انٹرا ڈے اضافہ درج کیا۔
تاہم، یہ امید زیادہ دیر تک قائم نہ رہ سکی، کیونکہ سیشن کے بعد میں فروخت کے دباؤ میں تیزی آنے کی وجہ سے انڈیکس میں تیزی سے تبدیلی آئی اور اس میں 1601 پوائنٹس کی کمی آئی۔
مارکیٹ بالآخر 114063.90 پوائنٹس پر بند ہوئی جو روزانہ کی بنیاد پر 1405.45 پوائنٹس یا 1.22 فیصد کم ہے۔
Post Views: 1
ذریعہ
ذریعہ: Daily Mumtaz
کلیدی لفظ: کے بعد
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار