بھارت نے اگر ہمارے پانی کے ساتھ کوئی گڑبڑ کی تو جنگ تصور ہو گی، اسحاق ڈار
اشاعت کی تاریخ: 30th, April 2025 GMT
وزیر خارجہ نے کہا کہ ہمارا پہلے دن سے موقف ہے جو بھارت کرے گا ویسا جواب دیں گے، ہم نے دوست ملکوں سے کہا ہم پہل نہیں کریں گے، اگر بھارت نے کوئی حرکت کی تو اینٹ کا جواب پتھر سے دیں گے۔ اسحاق ڈار کا کہنا تھا کہ ڈی جی آئی ایس پی آر نے مکمل شواہد کے ساتھ بریفنگ دی ہے، بھارت ثبوت دینے میں ناکام ہوگیا ہے
نائب وزیر اعظم و وزیر خارجہ اسحاق ڈار نے کہا ہے کہ بھارت ثبوت دینے میں ناکام ہو گیا، اس نے اگر ہمارے پانی کے ساتھ کوئی گڑبڑ کی تو جنگ تصور ہو گی۔ سینیٹ اجلاس سے اظہار خیال کرتے ہوئے نائب وزیر اعظم و وزیر خارجہ اسحاق ڈار نے کہا کہ تمام اراکین کو مبارکباد پیش کرتا ہوں، متحد ہو کر پیغام دیا ہے، فیڈریشن کی نمائندگی کرتے ہوئے اس ایوان نے بھی کلیئر پیغام دیا۔
اسحاق ڈار نے کہا کہ سینیٹ آف پاکستان نے قرارداد کے ذریعے دنیا کو ایک پیغام دیا، حکومت اپوزیشن تمام اراکین نے افہام و تفہیم کے ذریعے ڈرافٹ بنایا، متفقہ طور ایک قرارداد سینیٹ سے پاس کی گئی، جہاں ملکی سالمیت کا مسئلہ ہے سب نے ایک واضح پیغام دیا ہے۔ وزیر خارجہ نے کہا کہ اس وقت تک ہم نے سعودی عرب، متحدہ عرب امارات، قطر، چین کو صورتحال سے آگاہ کیا، آذربائیجان، بحرین اور ہنگری کے وزرائے خارجہ کو صورتحال سے آگاہ کیا، قطر کے وزیر اعظم سے میری صورتحال پر بات ہوئی۔
اسحاق ڈار نے کہا کہ پاکستان کا اس واقعے میں الحمدللہ کوئی ہاتھ نہیں، ہمارے ان ممالک کے ساتھ بہت اچھے تعلقات ہیں جن سے روابط ہوئے، قریبی دوست ملکوں کو بھارتی بےبنیاد الزامات اور اپنے خدشات سے آگاہ کیا۔ انہوں نے بتایا کہ چین اور ترکیہ نے بڑا کلیئر موقف لیا ہے، چین اور ترکیہ نے کہا پاکستان کے ساتھ ہیں، سب کو شک ہے سندھ طاس معاہدے کو ختم کرنے کے لیے ڈرامہ رچایا گیا، چین کی وزارت خارجہ کی طرف سے بھی بیان جاری ہو چکا ہے۔
وزیر خارجہ نے کہا کہ ہمارا پہلے دن سے موقف ہے جو بھارت کرے گا ویسا جواب دیں گے، ہم نے دوست ملکوں سے کہا ہم پہل نہیں کریں گے، اگر بھارت نے کوئی حرکت کی تو اینٹ کا جواب پتھر سے دیں گے۔ اسحاق ڈار کا کہنا تھا کہ ڈی جی آئی ایس پی آر نے مکمل شواہد کے ساتھ بریفنگ دی ہے، بھارت ثبوت دینے میں ناکام ہوگیا ہے، بھارت کی اپوزیشن نریندرمودی سے مستعفی ہونے کا مطالبہ کر رہی ہے۔ انہوں نے کہا کہ 24 اپریل کو بھارت کی جانب سے سندھ طاس معاہدے کی معطلی پر مبنی خط موصول ہوا، سندھ طاس معاہدہ ایک بہت ہی حساس معاملہ ہے، سندھ طاس معاہدہ یکطرفہ طور پر معطل نہیں کیا جاسکتا، پانی 24 کروڑ لوگوں کی بنیادی ضرورت ہے، کوئی کمپرومائز نہیں ہو گا۔
وزیر خارجہ نے کہا کہ پاکستان حق خودارادیت کے حصول تک کشمیریوں کی حمایت جاری رکھے گا، قومی سلامتی کمیٹی نے قوم کی آواز بن کر فیصلے کیے، ماضی میں بھارت کے ساتھ جنگیں ہوئیں لیکن سندھ طاس معاہدہ ختم نہیں کیا گیا۔ اسحاق ڈار کا کہنا تھا کہ پلوامہ ڈرامہ کیا گیا پاکستان کےخلاف کچھ نہیں ملا تو 370 اے کو ختم کیا گیا، پاکستان کا پہلگام واقعہ سے کوئی لینا دینا نہیں ہے، پہلگام واقعہ کا ملبہ بھی پاکستان پر ڈالنے کی کوشش کی گئی۔ انہوں نے کہا کہ اگر ہمارا دامن صاف نہ ہوتا تو شفاف انکوائری کا مطالبہ نہ کرتے، جھوٹ کے پاؤں نہیں ہوتے، بھارت کا بیانیہ ناکام ہوا ہے، اگر کوئی حرکت ہوئی تو ہم پھر کوئی نفع یا نقصان نہیں دیکھیں گے، اس مرتبہ ہم خاموش نہیں بیٹھیں گے بلکہ بھرپور جواب دیں گے۔
ذریعہ: Islam Times
کلیدی لفظ: وزیر خارجہ نے کہا کہ اسحاق ڈار نے کہا پیغام دیا ناکام ہو کے ساتھ دیں گے
پڑھیں:
پہلگام واقعہ سے کوئی لینا دینا نہیں، بھارت نے کوئی جارحیت کی تو اینٹ کا جواب پتھر سے دیا جائے گا: اسحاق ڈار
اسلام آباد ( ڈیلی پاکستان آن لائن )نائب وزیراعظم اور وزیر خارجہ سینیٹر اسحاق ڈار نے کہا ہے کہ ہم پہل نہیں کریں گے لیکن اگر بھارت نے حملہ کیا تو جواب بھرپور دیں گے۔
سینیٹ اجلاس سے خطاب میں اسحاق ڈار نے قومی سلامتی کے معاملے پر اتحاد کا مظاہرہ کرنے پر اپوزیشن سمیت تمام ارکان پارلیمان کا شکریہ ادا کیا۔
انہوں نے کہا کہ واضح کہہ رہا ہوں پاکستان کا پہلگام واقعہ سے کوئی لینا دینا نہیں، لیکن اگر بھارت نے کوئی جارحیت کی تو اینٹ کا جواب پتھر سے دیا جائے گا۔ ہم نے پہلے دن ہی کہا تھا کہ بھارت کو ترکی بہ ترکی جواب دیں گے، بھارت کا بیانیہ ناکام ہوگیا، بھارتی اب خود نریندر مودی سے استعفیٰ مانگ رہے ہیں۔ پلوامہ ہوا تو بھارت نے آرٹیکل 370 کو ختم کیا، شک ہے کہ پہلگام کا ڈرامہ سندھ طاس معاہدے کو ختم کرنے کےلیے رچایا گیا۔وزیرا عظم تحقیقات کی پیش کش کر چکے ہیں، ہمارا دامن صاف ہے اسی لیے تو تحقیقات کی پیشکش کی ہے، اگر کوئی جارحیت کی گئی تو ہم خاموش نہیں بیٹھیں گے۔
پاکستان سے سرکاری عازمین حج کی روانگی کا سلسلہ شروع ہو گیا
"جنگ " کے مطابق نائب وزیراعظم نے یہ بھی کہا کہ کسی جنگ میں اس معاہدے کو معطل نہیں کیا گیا، معاہدے ختم نہیں ہوسکتے جب تک دونوں فریق اتفاق نہ کریں۔بھارت نے اگر کوئی کارروائی کی تو بھرپور جواب دیا جائے گا، ہم پہل نہیں کریں گے، بھارت نے پہل کی تو اینٹ کا جواب پتھر سے ہوگا۔بھارت کے سیاست دان خود کہہ رہے ہیں کہ بھارت کی حکومت کی ناکام ہو چکی ہے، ہم کہہ چکے ہیں کہ اگر بھارت نے پاکستان کے پانی کے ساتھ کوئی گڑ بڑ کی تو یہ اقدام جنگ تصور کیا جائے گا۔
اسحاق ڈار نے کہا کہ دوست ملکوں کو بھارتی بے بنیاد الزامات سے آگاہ کیا، کچھ ممالک خود ہمارے ساتھ اس معاملے پربات کرنے کو تیار ہیں، کچھ ممالک کو ہم نے صورتحال پر بریف کیا۔چین اور ترکیے نے معاملے پر واضح کہا ہے کہ ہم آپ کے ساتھ ہیں، سعودی عرب، قطر، ہنگری، آذربائیجان، یو اے ای کے وزیر خارجہ سے بات کی۔سب نے پیغام دیا کہ ملکی سلامتی پرہم سب ایک ہیں۔
اقوام متحدہ کے سیکریٹری جنرل اور وزیر اعظم کاجنوبی ایشیا ءکی حالیہ صورتحال پر ٹیلیفونک رابطہ
مزید :
فلسطین، مزاحمت اور عرب دنیا کی خاموشی