سندھ تو دور کی بات عمر ایوب بانی پی ٹی آئی سے ہی سچے نہیں، شرجیل انعام میمن
اشاعت کی تاریخ: 29th, April 2025 GMT
پی ٹی آئی راہنما کے بیان پر سینئر صوبائی وزیر سندھ نے اپنا ردعمل دیتے ہوئے کہا کہ اپوزیشن لیڈر وکٹ کے دونوں طرف کھیلتے ہیں۔ اسلام ٹائمز۔ سینئر صوبائی وزیر شرجیل انعام میمن نے کہا کہ سندھ تو دور کی بات عمر ایوب بانی پی ٹی آئی سے ہی سچے نہیں۔ پی ٹی آئی راہنما عمر ایوب کے بیان پر سینئر صوبائی وزیر سندھ شرجیل انعام میمن نے اپنا ردعمل دیتے ہوئے کہا کہ عمر ایوب وکٹ کے دونوں طرف کھیلتے ہیں۔ شرجیل انعام میمن نے کہا کہ مختلف اوقات پر عمر ایوب پارٹی اور وفاداریاں بدلتے رہتے ہیں، عمر ایوب اب پی ٹی آئی میں اپنا گروپ بنانے کے لئے سرگرم ہیں۔ سینئر صوبائی وزیر سندھ نے کہا کہ ملک کو آئین، ایٹمی قوت، میزائل ٹیکنالوجی اور دنیا میں شناخت پیپلزپارٹی نے دی۔
.
ذریعہ
ذریعہ: Islam Times
کلیدی لفظ: شرجیل انعام میمن پی ٹی آئی عمر ایوب کہا کہ
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
پاکستان نے ورلڈ کپ 2028 کیلیے براہ راست کوالیفائی کر لیا