Express News:
2025-07-30@20:56:38 GMT
سلنڈر پھٹنے سے آتشزدگی، 5 افراد جھلس کر جاں بحق، 5شدید زخمی
اشاعت کی تاریخ: 30th, April 2025 GMT
لاہور:
سلنڈر پھٹنے سے لگنے والی آگ میں جھلس کر 5افراد جاں بحق ہو گئے جب کہ 5کی حالت شدید متاثر بتائی جاتی ہے۔
ریسکیو ذرائع کے مطابق راوی روڈ پر دکان میں سلنڈر پھٹنے سے آگ بھڑک اٹھی، جس میں جھلس کر 5افراد جاں بحق ہو گئے۔ واقعے کی اطلاع ملتے ہی امدادی ٹیموں نے کارروائی شروع کی اور لاشوں و زخمیوں کو اسپتال منتقل کیا۔
آتشزدگی کے واقعے میں 5افراد شدید زخمی حالت میں اسپتال منتقل کیے گئے۔
دوسری جانب ڈی آئی جی آپریشنز نے سلنڈر دھماکے میں قیمتی جانوں کے ضیاع پر افسوس کا اظہار کرتے ہوئے متعلقہ محکموں کی مدد سے علاقے کی سوئپ چیکنگ کا حکم دیا ہے۔ انہوں نے کہا کہ پولیس ہائی الرٹ رہے اور تمام علاقوں میں سخت نگرانی کی جائے۔ غیر قانونی ایل پی جی پوائنٹس بند کروائے جائیں۔
.ذریعہ: Express News
پڑھیں:
پنجاب بھر میں ٹریفک 1358 حادثات میں 6 افراد جاں بحق، 1571 زخمی
لاہور (اُردو پوائنٹ اخبارتازہ ترین - این این آئی۔ 28 جولائی2025ء) ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں1358ٹریفک حادثات پر ریسپانڈ کیا جن میں635افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔936معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔ان حادثات میں زیادہ تر تعداد (75فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کرتے ہوئے لائن اور لین کے نظم و ضبط کا خیال رکھیں۔ ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں862ڈرائیوز،58کم عمرڈرائیور،550مسافراور165پیدل چلنے والے افراد متاثر ہوئے۔(جاری ہے)
اعدادو شمار سے ظاہر ہوتا ہے کہ249ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت322متاثرین کے ساتھ پہلے ،فیصل آباد94حادثات میں110متاثرین کے ساتھ دوسر ے ،ملتان86حادثات میں91متاثرین کے سا تھ تیسرے نمبرپررہا۔ واضح رہے کہ ان ٹریفک حادثات کے کل1577متاثرین میں1262مرد اور315خواتین شامل ہیں جبکہ زخمی ہونیوالوں میں230افراد کی اوسط عمر18سال سے کم893افراد کی اوسط عمر 18سے 40سال کے درمیان جبکہ454زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں1294موٹرسائیکلز،97آٹورکشے،142کاریں،25وین،12مسافر بسیں،32ٹرک اور131دوسری اقسام کی گاڑیاں شامل ہیں۔
شاہ محمود قریشی کی رہائی؟ ابھی کون کون سے کیسز میں ضمانت ہونا باقی ہے؟