قومی کمیشن برائے صنعتی تعلقات اور آئی ایل او کے تحت کانفرنس یکم مئی کو ہوگی، شوکت عزیز صدیقی
اشاعت کی تاریخ: 30th, April 2025 GMT
فائل فوٹو۔
نیشنل انڈسٹریل ریلیشنز کمیشن کے چیئرمین جسٹس ریٹائرڈ شوکت عزیز صدیقی نے کہا ہے کہ این آئی آر سی اور انٹرنیشنل لیبر آرگنائزیشن کے تعاون سے کانفرنس کل ہو گی۔
قومی کمیشن برائے صنعتی تعلقات کے چیئرمین جسٹس ریٹائرڈ شوکت عزیز صدیقی نے کہا ہے کہ این آئی آر سی اور انٹرنیشنل لیبر آرگنائزیشن کے تعاون سے یکم مئی 2025 کو کانفرنس منعقد کی جائے گی۔
اس کانفرنس کا مقصد ایسا ماحول فراہم کرنا ہے جس سے آجر اور اجیر کے فاصلے کم ہوسکیں اور تعلقات کی بہتری کا ماحول فراہم ہوسکے، 1969 کے بعد یہ پہلا موقع ہے کہ ایسی کانفرنس منعقد کی جا رہی ہے، امید ہے کہ یہ ایونٹ بہت کامیاب ثابت ہوگا۔
یکم مئی کو یوم مزدور کی مناسبت سے بین الاقوامی لیبر آرگنائزیشن اور نیشنل انڈسٹریل ریلیشنز کمیشن کی جانب سے اسلام آباد میں بین الاقوامی کانفرنس میں مزدوروں کے حقوق اور قوانین زیر بحث آئیں گے۔ چیئرمین این آئی آر سی جسٹس ریٹائرڈ شوکت صدیقی کا اس حوالے سے کہنا ہے کہ کانفرنس سے آجر اور اجیر کے درمیان روابط اور مزدور کے حقوق پر بات ہو گی۔ انھوں نے کہا کانفرنس میں قوانین اور انسانی حقوق پر بات ہو گی۔
عالمی لیبر کانفرنس کے انعقاد سے متعلق آئی ایل او کے کنٹری ڈائریکٹر گئیر تھامس ٹونسٹول کا کہنا ہے کہ مزدوروں کے حقوق بنیادی طور پر انسانی حقوق ہیں جن سے آگاہی اور عمل سے ہی آگے بڑھا جا سکتا ہے۔
انھوں نے مزید کہا اس وقت دنیا کو عدم مساوات کا سامنا ہے، ماحولیاتی تبدیلیوں اور ٹیکنالوجی کے بدلاؤ کے بعد حکومت، سرمایہ کار اور مزدوروں کے درمیان ہم آہنگی ضروری ہے۔
عالمی لیبر کانفرنس میں وفاقی وزرا اعظم نذیر تارڑ اور چوہدری سالک حسین سمیت آئی ایل او کا وفد شریک ہو گا۔ کانفرنس میں لیبر قوانین اور عدالتی امور پر سپریم کورٹ کے جسٹس جمال خان مندوخیل، لاہور ہائیکورٹ کے جسٹس جواد حسن سمیت جسٹس ریٹائرڈ خلیل الرحمٰن رمدے اظہار خیال کرینگے۔
کانفرنس میں بیرسٹر ظفر اللہ خان، جنرل سیکرٹری سپریم کورٹ بار سلمان منصور، وفاقی سیکرٹری ڈاکٹر راشد محمود بھی شریک ہونگے۔
چیئرمین این آئی آر سی جسٹس ریٹائرڈ شوکت صدیقی کے مطابق کانفرنس آجر اور اجیر کے درمیان روابط اور مزدور کے حقوق کیلئے بہت اہم ثابت ہوگی۔
.ذریعہ: Jang News
کلیدی لفظ: جسٹس ریٹائرڈ شوکت کانفرنس میں کے حقوق
پڑھیں:
وزیراعظم نے چیئرمین سینیٹ اور اسپیکر قومی اسمبلی کی تنخواہوں میں اضافے کا نوٹس لے لیا
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔12 جون ۔2025 )وزیراعظم شہباز شریف نے چیئرمین ، ڈپٹی چیئرمین سینیٹ، اسپیکر اورڈپٹی اسپیکر قومی اسمبلی کی تنخواہوں میں حالیہ اضافے کا نوٹس لیتے ہوئے اسپیکر اور چیئرمین سینیٹ سے رپورٹ طلب کرلی ہے. ذرائع کے مطابق وزیراعظم رپورٹ کی روشنی میں اسپیکر قومی اسمبلی، ڈپٹی اسپیکر چیئرمین و ڈپٹی چیئرمین سینیٹ کی تنخواہوں میں اضافے پر فیصلہ کریں گے ذرائع کا کہنا ہے کہ وزیراعظم نے تنخواہوں میں اضافے پر عوامی ردعمل اور معاشی حالات کو مدنظر رکھتے ہوئے کارروائی کی ہدایت کی ہے.(جاری ہے)
واضح رہے کہ آئندہ مالی سال کے بجٹ میں سرکاری ملازمین کی تنخواہوں میں 10فیصد اور پنشن میں 7 فیصد اضافہ کیا گیا ہے جس کے بعد اسپیکر اور چیئرمین سینیٹ کی بھاری بھرکم تنخواہوں میں اضافے پر شدید تنقید کی جارہی ہے. حکومت نے بجٹ پیش کرنے سے صرف ایک دن قبل سپیکر قومی اسمبلی اور چیئرمین سینیٹ کی تنخواہوں میں 500 فیصد اضافے کا نوٹیفکیشن جاری کیا تھا، اب سپیکر قومی اسمبلی اور چیئرمین سینیٹ کی ماہانہ تنخواہ 2 لاکھ 5 ہزار روپے سے بڑھ کر 13لاکھ مقرر کر دی گئی ہے جبکہ تنخواہوں میں اضافے کا اطلاق بھی یکم جنوری 2025 سے ہوگا پوسٹ بجٹ پریس کانفرنس میں وزیر خزانہ نے وزرا، ارکان پارلیمنٹ، چیئرمین اور اسپیکر کی تنخواہوں میں اضافے کا دفاع کرتے ہوئے کہا تھا کہ ان کی تنخواہوں میں 2016 سے اضافہ نہیں ہوا.
مودی کے دور حکومت میں تمام آئینی ادارے یرغمال بنا لئے گئے، تیجسوی یادو