مزدور ریڑھ کی ہڈی ہیں، حکومت ہر ممکن اقدامات کرے گی: امیر مقام
اشاعت کی تاریخ: 1st, May 2025 GMT
اسلام آباد : وفاقی وزیر برائے امور کشمیر و گلگت بلتستان و ریاستی و سرحدی علاقہ جات (سفران) انجینئر امیر مقام نے یومِ مزدور کے موقع پر محنت کش طبقے کو خراج تحسین پیش کرتے ہوئے کہا ہے کہ مزدور ملکی ترقی میں کلیدی کردار ادا کر رہے ہیں۔
اپنے پیغام میں وفاقی وزیر نے کہا کہ ہم اپنے مزدوروں کی قربانیوں اور کامیابیوں کو سلام پیش کرتے ہیں۔
انہوں نے کہا کہ مزدور نہ صرف حکومت بلکہ معاشرے کے تمام طبقات کی خصوصی توجہ کے مستحق ہیں۔انجینئر امیر مقام نے یقین دلایا کہ وفاقی حکومت محنت کشوں کی فلاح و بہبود کے لیے ہر ممکن اقدامات کرے گی۔
وفاقی وزیر نے کہا کہ لیبر فورس ملکی معیشت کی ریڑھ کی ہڈی ہے اور ایک خوشحال مزدور طبقہ ہی ایک ترقی یافتہ قوم کی ضمانت ہے۔انہوں نے کہا کہ یومِ مزدور نہ صرف محنت کشوں کی جدوجہد کی یاد دہانی ہے بلکہ معیشت میں ان کے کردار کا اعتراف بھی ہے۔وفاقی وزیر نے کہا: “آئیے ہم سب مل کر ایک ایسے مستقبل کی طرف بڑھیں جہاں ہر مزدور کو عزت، قدر اور خوشحال زندگی میسر ہو۔”
ذریعہ: Daily Mumtaz
کلیدی لفظ: وفاقی وزیر نے کہا کہ
پڑھیں:
سبزی فروش کے بیٹے سے اعزازی ڈپٹی کمشنر تک: فیضان رضا کی محنت رنگ لے آئی
لاہور بورڈ کے سالانہ امتحانات میں تیسری پوزیشن حاصل کرنے والے فیضان رضا نے ننکانہ صاحب کے اعزازی ڈپٹی کمشنر کا چارج سنبھال لیا۔
ضلعی انتظامیہ نے انہیں مکمل سرکاری پروٹوکول کے ساتھ گھر سے ڈی سی آفس پہنچایا۔ اسسٹنٹ کمشنر شاہکوٹ ثناء شرافت اور دیگر افسران نے فیضان رضا کو ان کے گھر سے سرکاری گاڑی میں ڈی سی آفس روانہ کیا جہاں ڈپٹی کمشنر محمد تسلیم اختر راو اور دیگر ضلعی افسران نے ان کا پرتپاک استقبال کیا۔
یہ بھی پڑھیں:مصر کے بازاروں میں سبزیاں فروخت کرنے والی 89 سالہ خاتون کی کہانی
اعزازی ڈپٹی کمشنر کے طور پر فرائض انجام دیتے ہوئے فیضان رضا نے گورنمنٹ ہائی سکول شاہکوٹ نمبر 1 کا دورہ کیا، اپنے اساتذہ اور طلبہ سے ملاقات کی، اور ڈی سی آفس میں شہریوں کے مسائل بھی سنے۔
بعد ازاں ضلعی افسران نے انہیں مختلف امور پر تفصیلی بریفنگ دی۔
اس موقع پر فیضان رضا نے کہا کہ اعزازی ڈپٹی کمشنر بننا میرے لیے اعزاز کی بات ہے، میں سبزی فروش کا بیٹا ہوں، بہت مشکلات کا سامنا کیا مگر والدین اور اساتذہ نے ہمیشہ حوصلہ دیا۔
انہوں نے کہا کہ ضلعی حکومت کی جانب سے جو عزت دی گئی، میں ہمیشہ اس کا مان رکھوں گا۔ فیضان رضا نے مزید کہا کہ وہ دن رات محنت کریں گے تاکہ ملک و قوم کا نام روشن کر سکیں اور یہ اعزاز اپنے والدین کے نام کرتے ہیں۔
یہ بھی پڑھیں:پیرس اولمپکس: ’شکر کریں پاکستانی تیراک نے آخری پوزیشن حاصل کی، ڈوب نہیں گئے‘
ڈپٹی کمشنر محمد تسلیم اختر راو نے اس موقع پر کہا کہ اگر کوئی طالبعلم ضلع میں پہلی پوزیشن حاصل کرتا تو اس سے بھی زیادہ پروٹوکول دیا جاتا۔
انہوں نے نوجوانوں کو پیغام دیا کہ وہ محنت کریں اور اپنے والدین، اساتذہ اور ملک کا نام فخر سے روشن کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اعزازی ڈپٹی کمشنر ڈپٹی کمشنر سبزی فروش فیضان رضا لاہور بورڈ
بھارتی سیریل ’تارک مہتا کا الٹا چشمہ‘ کے مشہور کردار جیٹھا لال نے کیا ڈرامے کو الوداع کہہ دیا؟