بنوں میں سی ٹی ڈی اور دہشتگردوں کے درمیان فائرنگ کا تبادلہ، 3 اہلکار جاں بحق
اشاعت کی تاریخ: 1st, May 2025 GMT
خیبر پختونخوا کے ضلع بنوں میں سی ٹی ڈی پولیس اور دہشتگردوں کے درمیان فائرنگ میں 3 پولیس اہلکار جاں بحق جبکہ 2 زخمی ہوگئے، جوابی کارروائی میں 2 دہشتگرد ہلاک جبکہ دیگر زخمی دہشتگرد اپنے ساتھیوں کے ہمراہ فرار ہوگئے۔
پولیس کے مطابق سی ٹی ڈی پولیس بنوں کی ٹیم دہشتگردوں کے خلاف ایک خفیہ اطلاع پر کارروائی میں مصروف تھی کہ سپینہ تنگی، حدود تھانہ ڈومیل چشمی کے مقام پر ان کا دہشتگردوں سے آمنا سامنا ہوا۔
دونوں جانب سے شدید فائرنگ کا تبادلہ ہوا، جس کے نتیجے میں سی ٹی ڈی کے 3 جوان، اسسٹنٹ سب انسپکٹر بن یامین خان، کانسٹیبل انعام خان، اور کانسٹیبل مصور موقع پر جاں بحق ہوگئے۔
یہ بھی پڑھیں:
فائرنگ کے تبادلے میں کانسٹیبل وافد خان اور کانسٹیبل عمران زخمی ہوئے، جنہیں فوری طبی امداد کے لیے اسپتال منتقل کردیا گیا، علاقے میں سرچ آپریشن جاری ہے۔
پولیس کے مطابق دہشتگردوں کی جانب سے شدید مزاحمت کی گئی، تاہم سی ٹی ڈی کی جوابی فائرنگ میں 2 دہشتگرد مارے گئے جبکہ ان کے دیگر زخمی ساتھیوں کو لے کر فرار ہونے میں کامیاب ہوگئے۔
پولیس نے کارروائی کے دوران دہشتگردوں سے بھاری مقدار میں اسلحہ، ایمونیشن، آئی ڈیز اور ہینڈ گرنیڈ برآمد کرکے اپنی تحویل میں لے لیا ہے۔
مزید پڑھیں:
واقعے کی اطلاع ملتے ہی ڈی آئی اور دیگر پولیس حکام زخمی اہلکاروں کی عیادت کے لیے اسپتال پہنچ گئے، اس موقع پر ڈی آئی جی سجاد خان نے میڈیا سے گفتگو کرتے ہوئے کہا کہ زخمی اہلکاروں کو بہترین علاج فراہم کیا جائے گا۔
’شہید اہلکاروں کی قربانی رائیگاں نہیں جائے گی، دہشتگردوں کے خلاف بھرپور کارروائی جاری ہے اور انہیں آہنی ہاتھوں سے نمٹا جائے گا۔‘
بنوں پولیس اور سی ٹی ڈی کی بھاری نفری نے علاقے کو گھیرے میں لے کر سرچ آپریشن شروع کر دیا ہے اور دہشتگردوں کے ٹھکانوں پر چھاپے مارے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنوں جاں بحق دہشت گرد سی ٹی ڈی فائرنگ.
ذریعہ
ذریعہ: WE News
کلیدی لفظ: سی ٹی ڈی فائرنگ دہشتگردوں کے سی ٹی ڈی
پڑھیں:
افغانوں کو شناختی کارڈ اجراء، دہشتگردوں سے مبینہ روابط، ملزموں کا ریمانڈ
کراچی (سٹاف رپورٹر) جوڈیشل مجسٹریٹ شرقی کی عدالت میں افغان شہریوں کے لیے مبینہ طور پر جعلی شناختی دستاویزات تیار کرنے کے مقدمے کی سماعت ہوئی۔ ایف آئی اے نے مقدمے میں گرفتار چار ملزم انعام الحق، فیاض احمد سانگی، جنید اور محمد عمر کو عدالت میں پیش کیا۔ تفتیشی افسر نے عدالت کو بتایا کہ ملزم افغان شہریوں کے لیے جعلی شناختی دستاویزات بنانے کی غرض سے سرکاری ریکارڈ میں رد و بدل کرتے تھے۔ عدالت نے ملزموںکو دو روزہ جسمانی ریمانڈ پر ایف آئی اے کے حوالے کر دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار