190 ملین پاؤنڈ کیس: عمران خان کی سزا کیخلاف اپیل رواں برس میں مقرر ہونے کا کوئی امکان نہیں، رجسٹرار آفس اسلام آباد ہائیکورٹ
اشاعت کی تاریخ: 1st, May 2025 GMT
190 ملین پاؤنڈ کیس میں سابق وزیر اعظم عمران خان کی سزا کیخلاف اپیل رواں برس میں مقرر ہونے کا کوئی امکان نہیں، رجسٹرار آفس اسلام آباد ہائیکورٹ نے رپورٹ قائم مقام چیف جسٹس کے بینچ میں جمع کرادی۔
بانی پی ٹی آئی اور بشریٰ بی بی کی 190 ملین پاؤنڈ کیس میں سزا کیخلاف اپیلیں رواں برس مقرر ہوتی نظر نہیں آ رہیں، رجسٹرار آفس اسلام آباد ہائیکورٹ کی رپورٹ کے مطابق بانی پی ٹی آئی عمران خان کی اپیل ابھی موشن اسٹیج پر ہے۔
یہ بھی پڑھیں: 190 ملین پاؤنڈ کیس میں عمران خان کو سزا سنانے والے جج ناصر جاوید رانا کا تبادلہ
اسلام آباد ہائیکورٹ کے قائم مقام چیف جسٹس سرفراز ڈوگر کے ڈویژن بینچ میں جمع کرائی گئی رپورٹ میں کہا گیا ہے کہ عمران خان کی جانب سے دائر اپیل پر پہلے پیپر بکس تیار ہونے کے بعد اپنے نمبر پر لگے گی۔
رپورٹ میں کہا گیا ہے کہ سزائے موت کے خلاف 2017 کی سب سے پرانی اپیل اسلام آباد ہائیکورٹ میں مقرر ہے، دائر کردہ اپیلیں اپنی باری پر سماعت کے لیے مقرر ہوتی ہیں، مجموعی طور پر سزا کے خلاف 279 اپیلیں زیر التوا ہیں۔
مزید پڑھیں: 190 ملین پاؤنڈ کیس کے فیصلے نے عمران خان کی صداقت و امانت کے پرخچے اڑ ا دیے، عظمیٰ بخاری
ان زیر التوا اپیلوں میں سزائے موت کی 63 جبکہ عمر قید کی 73 اپیلیں شامل ہیں، 7 سال سے زائد سزا کی 88 جبکہ 7 سال قید کی سزا کیخلاف 55 اپیلیں زیر التوا ہیں۔
رپورٹ کے مطابق نیشنل جوڈیشل پالیسی میکنگ کمیٹی کے فیصلوں کے مطابق فکسیشن پالیسی مرتب کی گئی ہے، جس کے تحت زیر التوا کیسز اور اپیلوں کو نمٹایا جائے گا، اپیلیں دائر ہونے کے بعد اپنی اپنی باری پر سماعت کے لیے مقرر ہوتی ہیں۔
مزید پڑھیں: عمران خان کے خلاف 190 ملین پاؤنڈ کیس کیا ہے؟
واضح رہے کہ بانی پی ٹی آئی عمران کی جانب سے 190 ملین پاؤنڈز کیس میں 14 سال قید کی سزا کیخلاف اپیل 31 جنوری 2025 کو دائر کی گئی تھی، نیشنل جوڈیشل پالیسی میکنگ کمیٹی کی ہدایات کے مطابق مذکورہ اپیل کی سماعت 2025 میں مقرر ہونے کا امکان نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
190 ملین پاؤنڈ کیس اسلام آباد ہائیکورٹ جسٹس سرفراز ڈوگر رجسٹرار آفس سابق وزیر اعظم عمران خان قائم مقام چیف جسٹس نیشنل جوڈیشل پالیسی میکنگ کمیٹی.
ذریعہ
ذریعہ: WE News
کلیدی لفظ: 190 ملین پاؤنڈ کیس اسلام ا باد ہائیکورٹ جسٹس سرفراز ڈوگر قائم مقام چیف جسٹس سزا کیخلاف اپیل ملین پاؤنڈ کیس کی سزا کیخلاف عمران خان کی زیر التوا کے مطابق کیس میں
پڑھیں:
کرپٹو ٹریڈنگ پر 15 تا 30 فیصد کیپیٹل گین ٹیکس عائد ہونے کا امکان، ذرائع
اگلےسال نئے بجٹ میں کرپٹو ٹرانزیکشن(crypto transactions) پر کیپیٹل گین ٹیکس لگانےکی تجویز سامنے آئی ہے،ذرائع کےمطابق کرپٹو ٹریڈنگ پر 15 سے 30 فیصد تک کیپیٹل گین ٹیکس عائد ہونے کا امکان ہے۔
آئی ایم ایف کی مشاورت سےکرپٹوسیکٹرکو ٹیکس نیٹ میں لانےکی تیاری کی جارہی ہے، اس اقدام کا مقصدکرپٹو سیکٹرکو ٹیکس نیٹ میں لانا اورڈیجیٹل معیشت سےحاصل ہونے والے منافع کو ریگولیٹ کرنا ہے،آئی ایم ایف نے تمام ڈیجٹل کاروبار سے منافع پر ٹیکس عائد کا مطالبہ کیا تھا۔
مجوزہ پلان کےتحت انکم ٹیکس آرڈیننس کےسیکشن 37 میں کرپٹو ٹرانزیکشنز سےمتعلق کیپیٹل گین کی شق شامل کی جائے گی،کرپٹو ٹریڈنگ سےحاصل ہونے والا منافع جلد ٹیکس کےدائرے میں آسکتا ہے۔
ذرائع کاکہنا ہےکہ ورچوئل ایسٹ ریگولیٹری اتھارٹی نےبھی کرپٹو صارفین پرٹیکس اور ریگولیٹری اقدامات کی تجاویزدی ہیں،جبکہ صارفین کی تعداد،ٹرانزیکشنزاورٹیکس میکانزم کےلیےایک خصوصی کمیٹی قائم کردی گئی ہے۔
ورچوئل ایسٹ ریگولیٹری اتھارٹی نےکرپٹوصارفین پر ٹیکس اقدامات تجویزکیے،کرپٹو صارفین کی تعداد، ٹرانزکشنز اور ٹیکس میکنزم کیلئے کمیٹی بھی قائم کی گئی۔
مزید پڑھیں:27 مئی تا یکم جون عید تعطیلات، ریلوے کی آمدن میں خاطرہ خواہ اضافہ
ورچوئل اثاثوں کو لیگل قراردےکرڈیجیٹل کرنسی متعارف کرانےکافیصلہ کیاگیا، روپے کو ڈیجیٹل کرنسی میں تبدیل کرکےورچوئل اثاثوں کی خریداری ممکن ہوگی،پاکستانی روپے کی شکل میں موجود رقم کرپٹو کرنسی میں ایکسچینج ہوسکے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ