خوشخبری ،نوکیا کا موبائل فونز کی قیمتوں میں بڑی کمی کا اعلان
اشاعت کی تاریخ: 1st, May 2025 GMT
ماضی میں موبائل فون کی دنیا میں راج کرنے والی کمپنی نوکیا نے اب ایک مرتبہ پھر صارفین کی توجہ حاصل کرنے کیلئے اپنے موبائل فونز کی قیمتوں میں بڑی کمی کا اعلان کر دیاہے ۔
تفصیلات کے مطابق نوکیا ایچ ایم ڈی نے پاکستان میں اپنے مقبول فیچر فونز کے متعدد ماڈلز کی قیمتوں میں نمایاں کمی کا اعلان کیا ہے، جن میں 600 سے 800 روپے تک کی کمی کی گئی ہے۔ یہ اقدام ملک میں جاری معاشی چیلنجز کے دوران زیادہ سے زیادہ افراد کو قابلِ اعتماد موبائل کمیونیکیشن کی سہولت فراہم کرنے کے لیے اٹھایا گیا ہے۔
یہ فون مختلف رنگوں میں دستیاب ہیں، جن میں 2 سے 3 انچ اسکرینیں، ہیڈ فون جیک، میموری کارڈ سلاٹس، Unisoc چِپس اور دیگر فیچرز شامل ہیں۔
نوکیا 105 کلاسک کی قیمت کم کرتے ہوئے 2 ہزار 999 روپے ، نوکیا کے 106 کے 2023 ماڈل کی قیمت 4 ہزار وپے ، نوکیا 108 کی قیمت 4100 روپے ، نوکیا 110 کی قیمت 5 ہزار روپے ، نوکیا 125 کی قیمت 5200 روپے کر دی گئی ہے ۔
.ذریعہ: Daily Ausaf
کلیدی لفظ: کی قیمت
پڑھیں:
سونے کی قیمتوں کی ایک مرتبہ پھراونچی اُڑان، کتنا اضافہ؟ جانئے
عالمی مارکیٹ اور پاکستان کی مقامی منڈی میں سونے کی قیمت میں کمی کے بعد آج ایک مرتبہ پھر بڑا اضافہ دیکھنے کو ملاہے ۔
تفصیلات کے مطابق مقامی مارکیٹ میں سونے کی فی تولہ قیمت میں 2100 روپے کا بڑا اضافہ دیکھنے میں آیا ہے جس کے بعد قیمت 3 لاکھ 49 ہزار 200 روپے فی تولہ پر پہنچ گئی ہے جبکہ 10 گرام سونا 1800 روپے مہنگا ہو کر 2 لاکھ 99 ہزار 382 روپے پر پہنچ گیاہے ۔
عالمی سطح پر بھی سونے کی قیمت میں اضافہ دیکھنے میں آیا، جہاں فی اونس سونا 21 ڈالر مہنگا ہو کر 3310 ڈالر کی سطح پر پہنچ گیا ہے۔صرافہ ماہرین کے مطابق عالمی مالیاتی غیر یقینی صورتحال کے باعث سونے کی قیمتوں میں تیزی کا رجحان جاری ہے۔مارکیٹ ذرائع کا کہنا ہے کہ اگر یہی صورتحال برقرار رہی تو آئندہ دنوں میں سونے کی قیمتیں مزید اوپر جا سکتی ہیں، جو عام صارفین کے لیے مزید مشکلات کا سبب بن سکتی ہیں۔
پہلگام حملہ: انڈیا میں پاکستان کا سرکاری ’ایکس اکاؤنٹ‘ بلاک کر دیا گیا