دنیا کی معمر ترین خاتون 116 سال کی عمر میں چل بسیں
اشاعت کی تاریخ: 1st, May 2025 GMT
برازیل سے تعلق رکھنے والی دنیا کی معمر ترین خاتون اناہ کانابرو لیوکاس 116 سال کی عمر میں انتقال کرگئیں۔
عالمی خبر رساں ادارے کے مطابق دنیا کی یہ معمر ترین خاتون ایک نن تھیں جو برازیل میں 1908 کو پیدا ہوئی تھیں۔
اناہ کانابرو لیوکاس کو معمر ترین خاتون کا اعزاز جنوری میں جاپانی خاتون 116 سالہ ٹومیکو ایٹوکا کے انتقال کرجانے پر ملا تھا۔
اس طرح برازیل کی اناہ کانابرو لیوکاس کے پاس دنیا کی معمر ترین خاتون ہونے کا اعزاز صرف 3 ماہ رہ سکا۔
گنیز بک آف ورلڈ ریکارڈ نے بھی اناہ کانابرو لیوکاس کی موت کی تصدیق کردی۔ جس کے بعد دنیا کی عمر رسیدہ خاتون انگلینڈ کی 115 سالہ ایتھل کیٹرہم بن گئیں۔
یاد رہے کہ اناہ کانابرو لیوکاس جب 110 سال کی ہوئی تھی تو پوپ فرانسس نے سالگرہ کی مبارک کا کارڈ بھی بھیجا تھا۔
.
ذریعہ: Express News
کلیدی لفظ: معمر ترین خاتون دنیا کی
پڑھیں:
مائیکل جیکسن کی میلی جرابیں بھی نیلام ہوگئیں لیکن کتنے لاکھ میں؟
پاپ میوزک کے لیجنڈری اسٹار مائیکل جیکسن کی چمکدار، استعمال شدہ جرابیں فرانس میں 8,000 امریکی ڈالر سے زائد قیمت میں نیلام ہو گئیں۔ اگر ان 8 ہزار ڈالرز کو پاکستانی روپوں میں تبدیل کیا جائے تو یہ 22 لاکھ 66 ہزار روپے سے زائد بنتے ہیں۔ جرابیں 1997 میں ان کے فرانس میں ہونے والے ایک کنسرٹ کے بعد ملی تھیں۔
نیلام گھر کی نمائندہ آروئر الی (Aurore Illy) نے اے ایف پی کو بتایا کہ یہ جرابیں جنوبی فرانسیسی شہر نیمز (Nîmes) میں ایک کنسرٹ کے بعد جیکسن کے ڈریسنگ روم کے قریب ایک ٹیکنیشن کو ملی تھیں۔ ان جرابوں کو 28 سال تک ایک فریم میں محفوظ رکھا گیا تھا۔
چمکدار پتھروں سے سجی سفید جرابیںاسپیشلسٹ ویب سائٹ interencheres.com کے مطابق، مائیکل جیکسن نے 1997 کی HIStory ورلڈ ٹور کے دوران یہ سفید ایتھلیٹک جرابیں پہنی تھیں جن پر رائن اسٹونز (چمکدار پتھر) لگے ہوئے تھے۔
یہ بھی پڑھیے جنیوا: پکاسو کے قدیم منفرد فن پارے توقعات سے زیادہ قیمت پر نیلام
ان جرابوں کو ان کے مشہور گانے “Billie Jean” کی پرفارمنس ویڈیوز میں بھی دیکھا جا سکتا ہے۔
نیلامی کے اشتہار میں شائع شدہ تصویر کے مطابق، دہائیوں بعد یہ جرابیں اب دھبوں سے بھری ہوئی ہیں، اور چمکدار پتھر بھی عمر رسیدہ ہو کر زرد پڑ چکے ہیں۔
آروئر الی نے کہا کہ یہ واقعی ایک غیر معمولی اور عقیدت سے جڑی ہوئی شے ہے، خاص طور پر مائیکل جیکسن کے مداحوں کے لیے۔
ابتدا میں ان جرابوں کی قیمت 3,000 سے 4,000 یورو (تقریباً $3,400 – $4,500) لگائی گئی تھی، لیکن یہ 7,688 یورو (تقریباً $8,822) میں فروخت ہوئی۔ نیلامی نیمز کے ایک نیلام گھر میں ہوئی۔
مائیکل جیکسن کی یادگار اشیاء کی بڑی قیمتیںیہ پہلا موقع نہیں جب مائیکل جیکسن کی استعمال شدہ اشیاء بھاری قیمت پر فروخت ہوئی ہوں:
2009 میں، مکاؤ کے ایک گیمنگ ریزورٹ نے وہ چمکدار دستانہ خریدنے کے لیے $350,000 ادا کیے تھے، جو انہوں نے 1983 میں ’مون واک‘ کی پہلی پرفارمنس کے دوران پہنا تھا۔
یہ بھی پڑھیے زمین پر پایا گیا مریخ کا سب سے بڑا پتھر 5.3 ملین ڈالر میں نیلام
2023 میں، جیکسن کی ایک ٹوپی، جو انہوں نے اسی پرفارمنس سے قبل پہنی تھی، $80,000 سے زیادہ میں پیرس میں فروخت ہوئی۔
اسی سال، ایک چمڑے کی جیکٹ جو انہوں نے 1984 کی پیپسی اشتہار میں پہنی تھی، $300,000 سے زائد میں نیلام ہوئی۔
تنازعات کے باوجود مداحوں کی محبت برقرارمائیکل جیکسن کا 2009 میں 50 سال کی عمر میں ادویات کی زیادہ مقدار لینے سے انتقال ہوا تھا۔ اگرچہ ان پر بچوں سے بدسلوکی کے الزامات زندگی میں اور بعد از مرگ لگتے رہے، جن کی وہ اور ان کے ساتھی ہمیشہ تردید کرتے رہے، ان کے مداحوں کی تعداد آج بھی دنیا بھر میں بے شمار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چین اور یورپ اگلے 50 سالوں میں باہمی فائدے اور جیت کے نتائج حاصل کر سکتے ہیں، چینی میڈیا