وزیراعظم کی صدر مملکت سے ملاقات، بھارت سے کشیدگی و سیکیورٹی صورتحال پر گفتگو
اشاعت کی تاریخ: 1st, May 2025 GMT
فائل فوٹو۔
صدر آصف زرداری سے وزیر اعظم شہباز شریف نے ایوانِ صدر اسلام آباد میں ملاقات کی۔ اس موقع پر نائب وزیر اعظم اسحاق ڈار اور وزیر قانون اعظم نذیر تارڑ بھی موجود تھے۔
ملاقات میں پہلگام حملےکے بعد بھارت کیساتھ کشیدگی اور موجودہ سیکیورٹی صورتحال پر گفتگو ہوئی۔ دونوں رہنماؤں نے بھارت کے جارحانہ رویہ اور اشتعال انگیز بیانات پر گہری تشویش کا اظہار کیا۔
ایوان صدر سے جاری اعلامیہ کے مطابق بھارتی رویے سے علاقائی امن و استحکام کو خطرہ ہے۔ پاکستان ملک کی علاقائی سالمیت اور خود مختاری پر کبھی سمجھوتا نہیں کرے گا۔
آئی ایس پی آر کے مطابق آرمی چیف نے قوم کی خود مختاری اور علاقائی سالمیت کے دفاع کے لیے مسلح افواج کے غیر متزلزل عزم کا اعادہ کیا۔
اعلامیہ کے مطابق پاکستان کسی بھی قسم کی جارحیت کا منہ توڑ جواب دے گا، پاکستانی قوم متحد ہے اور اپنی مسلح افواج کے ساتھ کھڑی ہے۔ افواج ِپاکستان کسی بھی خطرے یا جارحیت کا منہ توڑ جواب دینے کی صلاحیت رکھتی ہیں، ملاقات میں بھارت کے جارحانہ رویے اور کسی بھی ممکنہ جارحیت پر پاکستان کے ردعمل کا بھی جائزہ لیا گیا۔
اجلاس نے پہلگام حملےکے بعد بھارتی قیادت کی جانب سے بغیر تحقیقات کے لگائے گئے الزامات پر افسوس کا اظہار کیا۔
اعلامیہ کے مطابق پاکستان دو دہائیوں سے دہشتگردی کا شکار رہا، بے پناہ انسانی اور معاشی نقصان کا سامنا کرنا پڑا۔
اعلامیہ کے مطابق عالمی برادری دہشتگردوں کی فنڈنگ، تربیت اور بھیجنے میں بھارت کے ملوث ہونے کا نوٹس لے۔ صدر مملکت نے بھارتی بے بنیاد الزامات پر حکومت کے ردعمل اور ذمہ دارانہ انداز میں صورتحال سے نمٹنے کو سراہا۔
وزیراعظم نے کہا کہ پاکستان نے دہشت گردی کی ہر شکل میں مذمت کی ہے، دہشت گردی کے خلاف جنگ میں پاکستان نے90 ہزار سے زائد جانوں کا نذرانہ پیش کیا۔
صدر مملکت نے کہا پاکستان ہر قیمت پر خود مختاری، علاقائی سالمیت اور قومی مفادات کے تحفظ کیلئے ضروری اقدامات کرے گا۔
اجلاس میں کشمیری عوام کے حق خود ارادیت کیلئے اقوام متحدہ کی قرار دادوں پر عملدرآمد کی فوری ضرورت پر زور دیا گیا۔ وزیر اعظم نے کوویڈ 19 سے صحتیاب ہونے کے بعد صدر مملکت کی صحت کے بارے میں بھی دریافت کیا۔
.ذریعہ: Jang News
کلیدی لفظ: اعلامیہ کے مطابق صدر مملکت بھارت کے کسی بھی
پڑھیں:
وزیر اعظم سے چینی سفیر کی ملاقات ، پاکستان کی بھر پور حمایت کا اعلان
اسلام آباد(ڈیلی پاکستان آن لائن) پاکستان اور بھارت میں کشیدگی کے دوران چین نے پاکستان کی بھرپور حمایت کا اعلان کردیا۔وزیراعظم شہباز شریف سے پاکستان میں چینی سفیر جیانگ زی ڈونگ نے ملاقات کی، شہباز شریف نے چینی صدر اور وزیر اعظم کے لیے نیک خواہشات کا اظہار کیا اور موجودہ صورتحال میں پاکستان کی حمایت پر چین کا شکریہ ادا کیا۔وزیراعظم شہباز شریف نے کہا کہ بھارت کے اقدامات ہماری توجہ کالعدم ٹی ٹی پی اور بی ایل اے کے خلاف کوششوں سے ہٹاسکتے ہیں۔ یہ گروپ افغانستان کے اندر سے کام کر رہے ہیں۔
ہری پور میں خوفناک آندھی طوفان نے ایک بچے کی جان لے لی ، کئی افراد زخمی
وزیر اعظم کا کہنا تھا کہ بھارت کا پانی کو جارحیت کے لیے بطور ہتھیار استعمال کرنےکا فیصلہ انتہائی افسوسناک ہے، سندھ طاس معاہدے کے تحت کسی فریق کو یکطرفہ معاہدے سے انحراف کا حق نہیں، جموں و کشمیرتنازع کا پرامن حل جنوبی ایشیا میں پائیدار امن کو یقینی بنانے کا واحد راستہ ہے۔ان کا مزید کہنا تھا کہ پاکستان نےدہشت گردی کی ہر شکل میں مذمت کی ہے،دہشت گردی کے خلاف جنگ میں پاکستان نے 90 ہزار سے زائد جانوں کا نذرانہ پیش کیا ہے۔چین کے سفیر نے پاکستان کے نقطہ نظر اور حقائق سامنے رکھنے پر وزیراعظم شہباز شریف کا شکریہ ادا کیا۔چینی سفیر کا کہنا تھا کہ چین جنوبی ایشیا میں امن کے لیے ہمیشہ پاکستان کی حمایت کرےگا۔ وزیراعظم نے موجودہ صورتحال میں پاکستان کی حمایت اور پہلگام واقعے کی بین الاقوامی تحقیقات کے لیے پیشکش کی توثیق پر چین کا شکریہ ادا کیا۔
پاک بھارت کشیدہ صورتحال، صدر زرداری اور وزیر اعظم شہباز شریف کی ملاقات ،موجودہ حالات پر گفتگو
مزید :
حکومت نے پی آئی اے کی نجکاری کا عمل دوبارہ شروع کردیا، پیشکشیں طلب