اسحاق ڈار کی سلووینا اور صومالیہ کے ہم منصبوں سے فون پر رابطے
اشاعت کی تاریخ: 1st, May 2025 GMT
نائب وزیراعظم اور وزیر خارجہ اسحاق ڈار نے سلووینیا اور صومالیہ کے نائب وزرائے اعظم سے علیحدہ علیحدہ ٹیلیفونک گفتگو کی جس میں علاقائی صورتحال اور دو طرفہ تعلقات پر تبادلہ خیال کیا گیا۔
یہ بھی پڑھیں: بھارت نے ہمارے پانی کے ساتھ چھیڑ چھاڑ کی تو اسے جنگ تصور کریں گے، اسحاق ڈار
دفتر خارجہ کے ترجمان شفقت علی خان کے مطابق اسحاق ڈار نے سلووینیا کی نائب وزیراعظم و وزیر خارجہ تانجا فاجون سے گفتگو کے دوران بھارت کی جانب سے عائد کیے گئے بے بنیاد الزامات اور یکطرفہ اقدامات کو مسترد کرتے ہوئے کہا کہ سندھ طاس معاہدے پر عملدرآمد روکنا بین الاقوامی قوانین کی صریح خلاف ورزی ہے۔
تانجا فاجون نے پاکستان کی جانب سے پہلگام حملے کی آزاد اور شفاف تحقیقات کی پیشکش کو خوش آئند قرار دیا اور زور دیا کہ پاکستان اور بھارت سفارتی ذرائع سے مسائل حل کرتے ہوئے تحمل کا مظاہرہ کرے۔
مزید پڑھیے: پاکستان نہ پہلگام واقعے میں ملوث ہے نہ اس کا بینفشری، اسحاق ڈار کی ڈی جی آئی ایس پی آر کے ہمراہ پریس کانفرنس
دونوں رہنماؤں نے اقوام متحدہ کی سلامتی کونسل کے غیر مستقل ارکان کی حیثیت سے کثیرالجہتی تعاون کے فروغ کے عزم کا اعادہ کیا اور دو طرفہ تعلقات کو مزید مستحکم بنانے پر اتفاق کیا۔
علاوہ ازیں، نائب وزیراعظم اسحاق ڈار نے صومالی ہم منصب عبدالسلام عبدی علی سے بھی ٹیلیفونک رابطہ کیا اور انہیں وزارت خارجہ کا قلمدان سنبھالنے پر مبارکباد دی۔
گفتگو میں اسحاق ڈار نے خطے میں بھارت کے بے بنیاد پروپیگنڈے اور سندھ طاس معاہدے کی معطلی جیسے اقدامات کے باعث پیدا ہونے والی کشیدگی سے آگاہ کیا۔
مزید پڑھیں: وزیرخارجہ اسحاق ڈار کا عمان کے ہم منصب سے ٹیلیفونک رابطہ
صومالی وزیر خارجہ نے صورتحال پر تشویش کا اظہار کرتے ہوئے خطے میں امن و سلامتی کے لیے سفارتی حل کی اہمیت پر زور دیا۔
دونوں رہنماؤں نے اقوام متحدہ کے پلیٹ فارم پر کثیرالملکی تعاون بڑھانے کے ساتھ ساتھ دو طرفہ تعلقات کے فروغ پر بھی اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار سلووینیا کی وزیر خارجہ صومالی وزیر خارجہ.ذریعہ: WE News
کلیدی لفظ: اسحاق ڈار صومالی وزیر خارجہ اسحاق ڈار نے
پڑھیں:
مذاکرات کے تناظر میں لاہور سے انقرہ کا دورہ ، نائب وزیرِ اعظم ترکی روانہ
نائب وزیراعظم و وزیرِ خارجہ اسحاق ڈار 6 نومبر کو ہونے والے پاک افغان مذاکرات سے قبل ترکی کے دورے پر روانہ ہوں گے۔ ذرائع کے مطابق اسحاق ڈار ترک وزیرِ خارجہ حاقان فیدان کی دعوت پر آئندہ ہفتے کے اوائل میں انقرہ پہنچیں گے۔ ترکی میں قیام کے دوران وہ غزہ کی صورتحال پر ہونے والے 8 وزرائے خارجہ کے اہم اجلاس میں پاکستان کی نمائندگی کریں گے۔ یہ اجلاس اقوام متحدہ جنرل اسمبلی کے سائیڈ لائنز پر ہونے والے سفارتی رابطوں کے فالو اپ کے طور پر منعقد کیا جا رہا ہے۔ ذرائع کے مطابق پاک افغان ڈائیلاگ سے قبل اسلام آباد کی سفارتی سرگرمیوں میں تیزی آ گئی ہے اور خطے میں پاکستان ایک فعال سفارتی کردار ادا کر رہا ہے۔
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند